بنت الشيخ لأبن الشيخ

البارت الثالث

اسفه على تاخير البارت بس ظروفي حكمتني المهم هاي الفتره اكمل القصه كلها
الكاتبه بنت الشيخ
والقصه حقيقه...

هنادي//ركضت وره امي ضميت روحي

ام هنادي//شصاير ولج احجي نخمش كلبي
هنادي/ يمه منتظر لاحكني يريد يكتلني وربي ما سويت شي 😣😣😣

منتظر/ ولج شعندجججج لوحدج جايه مشي وبعدين وين السايق مالتج هاااااا 😠
هنادي بخوف/والله بنيه ويانه مستعجله وطلبت منه يوصلها قبلنا وهو نزلنا انه وساره براس الشارع واجينه مشي

منتظر/وانتي شلون تقبلين تجين مشي لوحدج ما فكرتي هااااا 😡

اجو اخوي ومرته على صوتنه يركضون

ياسر ومرته/ بصوت واحد شصايرر

منتظر تعال شوف اختك لمعدله شلون جايه من راس الشارع مشي لا ولوحدها وهذا السريري ستار وراهاا يمشي ويشمر بالحجي الساقط

ياسر/ولج هنيده شلون تقبليها على نفسج وعلينا هيج تسوين

هنادي/ضليت بس ابجي من حجي اخوي وساكته ما احجي
ياسر/ولج مو احاجيج ما تحجين هااااا

مرة ياسر/شتحجي بعد على هاي سوايتها اكيد ناطيه هذا ستار وجه حتى هيج ضل يشمر بالحجي طبعا مكيفه على وضع 😏

هنادي/😨هاي شتحجين انتي انه انطي هذا الما يخاف ربه وجه مو عيب تهميني وانه ابجي😢😢
مرة ياسر/ كلشي يطلع منج

ياسر /ما تحملت حجي مرتي على اختي وحاولت اسكتها ما سكتت كمت طكيتها حيل على حلكها لان الحجته عيب وما يصير تتهم اختي كدامي

هنادي/ صدك نقهرت من حجت هييج عليه مرت اخوي وهاي انه اخت رجلها لو غريبه شلون بس حقيقه كيفت من اخوي طكها تساهل بس هذا كل وما سكتو ظلووو يصيحون ويكول اني غلطانه لان نزلت واجيت مشي بس حقهم لان صدك لازم ما اقبل انزل واخلي يوصلني لباب البيت بسس صار الي صار والحمد الله عدت على خير

مهند/ اجه الخميس وانه ما ادري شبيه كلبي شاب نار اريد بس واحد يحجي وياي حجايه علمود اكله بسنوني و طبعا انه حجايتي ما تصير ثنين لان دائما ويا جدي علمني على هذا الشي وجدي الله يحفظه كله يسميني نار لان دائما عصبي بس ويا عائلتي اختلف اشاقي واضحك بس فنه واحد يدوسلي على طرف اشرب من دمه ما اعرف ليش احب الحك (الحق) وما احب اخذ حك (حق)واحد وما احب اظلم والي اشوفه يظلم وظالم هذا امه داعيه عليه ويوكف كدامي جدي دائما يكلي انت عكس خوانك وانت بس اللي تكدر تكض الديوان بعدي بس هذا كله وتخوفني حجاية جدي لمن يسولف يكول بعدي انت الشيخ اتمنى ما يجي هذا اليوم وما اشوف جدي يمي لان هاي هيبتي وشخصيتي كلها واخاف بدون جدي احسه هو مصدر قوتي اقوى بوجوده واضعف بغيابه خيمة بيتنه هيبة الديون الزلم تحلف بي...وهذا الي خلاني ابتعد عن اللي حبيته ما اعرف هو حب لو نزوة...بس خوفي ان جدي يبعدني منه خلاني اتركها