بنت الشيخ لأبن الشيخ

البارت الاؤل

هلوو
انه هنادي عمري 21 سنه طالبة كلية إدارة واقتصاد مرحله ثانيه ما احب الدراسه هواي بس هم بنفس الوقت ما احب اكون كسوله يعني جان مستواي الدراسي وسط. ملامحي عاديه كأي بنيه جنت حنطاويه عيوني واسعه لونهن جوزي على كولت مرة اخوي ملح لا هنه عسلي ولا هنه اسود هههه مو كلش طويله عادي طولي حواجبي طبيعيه ما احفهن لأن جان ممنوع لبنيه بعائلتنه تحف وبعدهي ما متزوجه 😟 مو عبالكم ما احف شواربي 😂 واروح للكليه لا جنت احفهن شسالفه 😂 غير اطلع اخوي منتظر إذا ما احفهن انه البس عبايه رأس لان بت شيخ احنه حضر مو عرب وعايشين بالجنوب بالبصره .عندي 3 خوان وأخت وحده متزوجه خل اسولفلكم على عائلتي
ونبدي بأبوي اسمه صالح جبير إخوته وشيخهم بعد ما مات جدي الله يرحمه هو صار الشيخ
وامي اسمها سهام الله يخليهاا النه وهسه خواني

((ياسر اخوي الجبير عصبي كلش وكلمته مسموعه وجنت اخاف منه وما ارد بوجها لان اذا ارد بوجها يكتلني 😓عنده محل خضروات عمره 34 سنه متزوج ومرته اسمها تبارك عمرها 29 وعدهم جهال ثنين ولد علي جبير عمره 7 سنوات و رضا الصغير عمره 3 سنوات صارلهم متزوجين8 سنوات مرته صار عدها شيخوخه مبكرة وبعد ما كدرت تحبل يصير الها علاج بس هي ما تعالج تكول عندي ثنين كافي))

((رنا اختي وره ياسر عمرها 32 متزوجه مو من عائله (غريب) وعدها 3 جهال ثنين ولد وبنيه (مصطفى..وفاضل .وهدى) و رجلها خوش ولد حبابه اسمه رائد عمره 37 سنه الحمدلله مرتاحين ما عدهم مشاكل وهسه كاعد يبنون بيت علمود يستقرون ))

((محمد اخوي الثاني مو عصبي كلش يعني زين ما اخاف منه بس هم جان يحاسبني على صغيره والجبيره يشتغل بشركة مالت حماية يجيلنه سبوع ويرجع سبوع عمره 28 سنه متزوج ومرته أسمها سما كلش خوش بنيه وحبابه و طيوبه علاقتي كلش حلوه وياها ما اعرف لان يمكن بت خالتي عمرها 22 سنه عدهم طفل واحد اسمه حسن عمرها 3 سنوات وهسه هي حامل بشهرها الله يكومهااا بسلامه))
((منتظر اخوي الصغير وأصغر واحد بينه خابصنه بس يحاسبني ما جنه أصغر مني بكلشي يدخل روحه عمره 19 سنه وصل لسادس وبنجر سنتين ما طلع منه وهاي السنه الثالثه بي ان شاء الله يطلع ويخلصنه))

ابو هنادي//صارت عدنه مشاكل علمود قطعة أرض صارلها فوك سته أشهر وما فضت وخايف لا تصير بيها كتل ويروح واحد برجلين و وهاي الناس ما تخاف من الله وكل ليله ركض ورمي وهوسه حتى ملينه..عندي صديق اعرفه من زمان جبير أهله شيخ عام خابرته وكتله على سالفه واريده يجي يساعدني بحلها لأن عنده خبرها بهاي سوالف كال يجي ورة سبوعين..

أم هنادي//ما نخلص من طلايب والعرك كل يوم عركه اجه ابو هنادي من الكعده تعبان كال حطيلي غده ويريد ينام حطيتله غده واسمع صوت سما تصيحلي خاله خاله نخمش كلبي كلت شبيها يا ساتر دخلت عليها والكاها كاعده وتبجي عدها ولاده
هنادي//أمي صاحتلي ولج هنادي لحكييييي تعاي رحت أركض شبيج يمه شصاير كلتلي روحي لأبوج كليله سما عدها ولادة خلي يحضر سياره ناخذها للمستشفى رحت لأبوي أركض يابه الحك سما صار عدها ولاده ابوي حضر السياره وأخذهم وراحو للمستشفى....ورى ما راحو بربع ساعة ندك البااب😰😰
رحت اريد افتح الباب تذكرت ابوي كلي لاتفتحين الباب قبل لا تصيحين منووو
صحت منووو
ستار// إنه ستار صيحي ابوج نريده بسالفه

هنادي// اهوو هم ستار هذا شجابه احجي بيني وبين نفسي 😕كتله ابوي مو بالبيت ومحد موجود بالبيت بسس انه😏

ستار// روحي صيحيله كليله يردونك الجماعة على كااع

هنادي// كتلك ابوي ما موجود😡ومحد بالبيت بس اانه
ستار// هاا جبانيه مطلعين نسوانكم تحجي طلعووو تلبدون وره نسوانكم

منتظر// رجعت لبيتنه واباوع من بعيد واكفين 3 زلم يم الباب اتقربت أكثر وألكه هذا السرسري ستار واكف بالباب ويصيح 😠😠😠 رحت لزمته وتلاوينه لمن لزمونه ولد المنطقة وفكونه

هنادي//من اجه منتظر ارتاحيت لأن جنت خايفه لا يدفع الباب ويدخل هذا ستار كلشي يسوي بس بنفس الوقت خفت عليه لا يتأذه لو يصير عليه شي المهم دخل للبيت وكعدنه وسألني وين الاهل وسولفتله وخابرنه ابوي نطمئن على سما كال ابوي زينه ولدت وفد ساعتين يرجعون للبيت صار الليل وأجو اهلي والحمد لله سما والولد بصحه زينه وسمينه الولد حسين لأن ابوي راده هذا الأسم على الإمام ومصطفى حجه لابوي على صار وابوي ضاج😡 وكال بعد هاي السالفه ما نيسكت عليهاا

ابو هنادي// حجالي مصطفى على سالفة هذا السرسري ستار وكلت بعد ما ينسكت عليه خابرت الشيخ حمزه ابو رعد وكال راح اجيك بعد يومين الجمعه وان شاء الله خير..
الكاتبه بنت الشيخ
حمزه ابو رعد// خابرني صديق عندي قديم على سالفه وأنه صارلي فترة أجله من ورة سالفة هذا مهيند الإغم يهي نخطبهاا إلا ما يريدها يدلل علينه وأنه ادري بي ما يريد يزوج لأن يريد هاي الي مو من ثوبنه بس هاي اخر شي يفكر بي حتى بت خالته ما يريدهاا بس انه أعلمه ما اخلي ياخذها إلا على موتي فستحيت منه وكتله الجمعه يمك انه أن شاء الله..صحت لمهند يتبع

أنتظروني بالبارت ثاني احبكم💋❤