ما وراء الأبواب

part_22_

صافنة على جذبها بسرعة سوت الها فلم نوب ابوي صدكها وراح جر نور من شعرها وضربها راشدي يمه من قوته لزمت خدي

نور : عـ عمو والله جذابة والله

كرار : بنت الكواد اني جلب وامشي ورا ذيال مرتي اليوم انعل والديج

جنات : اي بعد ايدي اكتلها الادبسزز اني حية مو الخايسة الحقيرة المفلفلة على الزلم

كبرت السالفة ومحد موجود بس النسوان وابوي لزم نور لعب بيها خلقة جريت قمر ومشيت لكيت نجم على الدرج واكف يبجي اخذته حضنته وصعدت

دخلتهم بالغرفة وقفلت الباب راحت قمر تربعت تضحك ويا لمار
شمس : هسه عود هاي شنو

قمر : شنو

شمس: قمرررر قمرررر لا تخبليني ترا صايرة حيل مستهترة انتي شكو ادخلتي اني وياها جاي نحجي

قمر : شفتها تضربج شتردين اسكتتتت

شمس: اي اسكتين وما تدخلين شوفي اسويتي من ادخلتي شعلتيها شعل عبالج راح تسكتلج نور والعباس هسه اطلعها من عينج هاي الجذبة

قمر : خل تولي شتريد خل اسوي

هزيت ايدي وعفتها ما يفيد وياها الكلام تعبتني وفرفحتني مرن اليومين على خير والبيت هدوء نور وامها بيت جدها رايحات وجنات خانسة بغرفتها

اليوم موعد العرس كعدت واحس روحي رايحه كلبي مقبوض مكابلة نجم وقمر وابجي عليهم

قمر : هسة عليمن تبجين الخاطر الله

شمس: شلون اعوفج يمهن واروح ما اكد ما اكدر عفية كليلهم بطلت ماريد ازوج اني شلون وافقت وين جان عقلي امداني

قمر: شمس كومي مو وكت خبالج والله

عفتها وكعدت ابجي مو بيدي ما اعرف شبية تخبلت اجت ليا خطية كعدت اسكتني وتهدي بيه
ما اعرف شلون اوصف هاي البنيه احسها مثل النسمة تمر على الانسان تنسي كل همومة وتبين الج الحياة شكد سهلة

رحنه للصالون وهية اهتمت بكلشي وياي وياي ما عافتني ابد الحد ما رجعتني للبيت وصلت لكيتهن يركصن جايات كلهن حتى عماتي فرحت من شفت عمتي الجبيرة تلكتني من الباب تهلهل واطش جكليت

رحت حضنتها
شمس: عمة وين هل غيبة اشتاقيتلج والله

-انه هم يبعد عمتج بس شسوي الطريق بعيد والجهال ومدارس بعد تعرفين

شمس: الله يساعدج همزين اجيتي

-ياا شلون لعد عرس الغالية شلون ما اجي

قمر : اي واحنا ولد البطة الحمرة

-ام السان تعاي ابوسج ههههههه

قمر : شلونج عماتوو

-الحمد الله يمه انتن شلونجن شخبارجن

قمر : دام نسوان اخوج ويانه احنا بنص الخير لا تخافين