#ما وراء الأبواب
#الكاتبه : زهراء الهاشمي
بناتي الحلوات لا تنسون التصويت على البارت والتعليق على الفقرات حتى يصعد تفاعل القصه واستمر بالنشر
كانت مراهقتي باردة جدا
تخلو من تهور العشق
وطيش المراهقات لهذا
أحببتك بعنف أردت أن
استرجع معك حقي في طيش
مرحلة من العمر لم أعشها في
أوانها
~~~~~~~~~~~~~~~~~~~
سلام : امشي اوصلج
شيار : ما اريد اني اروح
عفته وطلعت بقى يصيح وراي ما اهتميت اجا يركض وعتني من ايدي التفتت علية جان مخنزر بوجهي
سلام : بطلي خبال واعقلييي
شيار : ما اعقل شتريد هسة
فتح عيونه على وسعهن من سمع جوابي
سلام : ولج شو صايرة صلفة
شيار : عمووو مو صلفة بس انت صاير مدري شلونك
ابتسم وتخصر
سلام : شلون يعنى ؟
بسرعة نزلت دموعي
شيار : صاير تروح وتتأخر يلا ترجع واني حابسني هنا بالشقة الوحدي ومن اتصل عليك تحجي شوي وتروح والله طكت روحي هم اريد اطلع اشوف الناس اشتري شي ترا مو حالة هاي
سلام : ههههه وهسة معصبة لان اتأخر يلا ارجع لو لان ما مطلعج
مسحت دموعي بأيدي
شيار : الاثنين
سلام : الاثنين لو الثلاثاء هههههههههه
رفعت راسي علية جان يضحك من كُل كلبة ابتسمت على ضحكته هوو انتبه علية وجرني حضني راسي صار على صدرة
سلام : حقج اني هواي مقصر وياج بس الموصل مو أمان هل فترة واخاف عليج بس هاي الخاطرج اليوم اذا رجعتي من الامتحان مجاوبة اطلعج افرفرج بالسيارة
ابتعدت ورفعت راسي عليّ
شيار : صدك عمووو
ابتسم وكرص خشمي
سلام : اي يابعد عمج وهسة يلا امشي تأخرنه
شيار : اي يلاا
نزلنة راح جاب السيارة من الكراج واجا صعدت
ومشى الطريق طويل للمدرسة خليت راسي على
الجامة وسرحت بأفكاري
-عفته ومشيت واني احاول اسيطر على دموعي
ما تنزل ديري بالج تبجين شيار دير بالج منا وجاي
ماكو دموع بعد ارجع البيتنه احسن
عبرت الشارع صار صوت شحطة سيارة
وهورن عالي ما احس بس واحد عتني من ايدي
وجرني يمشي وكفنة على الرصيف
سلام : مخبللللللة تردين تموتين نفسججججججج
جان واكف كدامي وجهة احمر ويصيح
شيار : ردت اعبر الشارع ما انتبهت على السيارات
سلام : امشي لا ابتلي بيج
شيار : ما اريد عوف ايدي
خزرني وجر ايدي
شيار : عوفني ما اروح وياااك
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
