الشيخ & العشگ

بارت 23

بكر . . منو يكتله وليش

فرح . . قبل شهرين جا اخو صديقتي من الخارج صار صديق يعقوب بفتره كلش صغير

وعرض عليه يشتغل وياه بشركة مجهولة الاسم الي عرفته من صديقتي هاي الشركة تشغل

ولد يمه بس بالبداية لازم يدفعون 2 مليون للتعيين بهل شركة شنو تشتغل محد يعرف منو صاحبة

هم مندري اشتغل هو دبر 1500 واني دبرته ال500 الباقية دفعهن اشتغل اسبوع بعدين طلبو منه

انو يسافر هو واخو صديقتي الاردن ليش هناك يعرفون جا كلي كتله لتروح لان منعرف شنو يشتغلون

هو مقبل يسمع مني راح وراه يومين خابرني كلي فرح ذولة طلعو يتاجرن بالمخدرات و اعضاء بشرية

فرح . . شنو يعقوب منو كلك

يعقوب . . اني شفتهم اريد اكول للشرطة بس خاف يعرفون ويكتلوني

فرح . . همه يدرون انت تعرف شنو شغلهم

يعقوب . . لا مكلت الاحد

فرح . . اي لعد روح للشرطة وبلغ عليهم وانت اطلع من هل سالفة ليروحون يورطوك

دحجي وياك سمعت عياط ونسد التلفون تخبلت بوكته اخابر عليه ميجاوب بعدين طلع مغلق تخبلت بوكته

كامت تبجي بهستريه

ايوب . . ياربي صبرك لج كملي شبيج ليش سكتي

ايهاب بعياط . . مو دشوفه دتبجي اكيد جان موقف صعب عليه خليه ترتاح شويه

فرح تبجي . . كل يوم وكل دقيقة دك عليه يطلع مغلق لحد ما قبل اسبوعين دكيت طالع متاح اتظرت محد

جاوب دكيت نوب لخ طالعلي رجال صوته خشن من خوفي سديت التلفون بوجهه خابر توب تلخ جنت متردد

ان اجاوبه بس كلت يمكن يعقوب صاير بي شي جاوبت طلع نفس الصوت الخشن كلي اذا تردين اخوج يرجع

تجهزيلنه 15 مليون كتله ماعندي كلي اني مدخلني اذا تريدين اخوج ادفعي جان يسده بوجهي 

ايوب . . من طيح الله حضج اي والله 

ايهاب . . ايوب كافي خلي تمل 

ايوب . . كملي ست الحسن ام البلاوي كملي وين راح توصلين 

فرح . . اي اني كدرت ادبر بس 10 ملايين بعت كل ذهبي واخذت سلفة من المستشفى وطلبت من صديقاتي

بس يبقه 5 ملايين مكدرت ادبرهن وره يومين خابرني كلي دبرتيهن كتله لا كلي لعد لازم تنفذين الي اكلج عليه

اذا منفذتي اخوج يروح لداعش و همه يتصرفون بي 

كتله لا عفيه والله اسوي الي تريده 

كال . . راح ادزلج ظرف للمستشفى الي تشتغلين بيه هذا الظرف بي مادة تخبطية ويه الابر مال مرضة وتنطيه الهم ومن