الشيخ & العشگ

بارت 22

سرمد . . اي صح نسيت دكول ليش ميجاوب تعال انت احنه بالمستشفى

ياسر . . اني هسه بغداد عندي شغلة كملته جايك 

سرمد . . اي تمام راستن تعال هو بالمستشفى ال . . 

ياسر . . مسافت الطريق 

سديته ورحت عليهم كتله عمي انه لازم اروح لان خابروني شغله مهمه تكدر ترجع لمى وياك

علي ابو لمى . . هههه لك هاي بنتي شلون ماكدر ارجعه 

قاسم . . روح ابني انه اوصلهم وارجع للبصرة 

ياسر . . مشكور عمي يله اني رايح في امان الله 

الكل . . الله وياك 

لخذت سيارتي ونطلقت للبصرة لما وصلت روحي طكت راستن رحت للمستشفى

لكيت حسن وسرمد واكفين بره سئلتهم شعدهم واكفين كالو راح يطلعون فهد لغرفته

ودنتظرهم يخلصون انتظره شوي طلعو صحته زينه الحمدلله طببو للغرفة

ياسر . . هاا يحلو شبيج تدللين علينه 

فهد . . والله يا خيتي بعيد عندج حامل ودلل بلكت يطلع ابني مايع مثلج 

سرمد . . ههههه بالكصه 

حسن . . ههه اي وعلي

فهد . . حسن هسه تكدرتكول الاهلي على الي صار وتجيبهم هم اذا مصارت زحمه

دحجي حين سكته سرمد . . بالاساس اني جنت طالع بشغلة امر عليهم وجيبهم وياي 

فهد . . لا خاف مشغول ومتكدر

سرمد . . لا يمعود صدك جذب سهلة بطريقي اجيبهم 

فهد . . تسلم 

طلع سرمد بقو همه يشاقون ويضحكون وكل دقيقة ياسر يصنف على فهد والثاني يقصف جبهته

لحد ما جا جاسر وطردهم 

. . . . . . . . . . . . . . .  

جاسر جاني اتصال من محمد ابن عمي قاسم يكول ان فهد متصاوب وهسه هو بالمستشفى و ميدري

حالته شلونه راستن كمت كلت لسما تلبس حجابه وتتحضر علمود ارجعه كلمت وصلته للبيت و راستن

نطلقت للبصرة بالطريق خابرت رئيسي كلتة ماكدر اسافر لان عندي حالة طارئ بالبيت كلي عادي 

ماكو مشكلة بس بسفرية الثانية لازم تروح كتله حاضر سيدي الله كريم الوكته وصلت للبصرة تقريبا ويه 

اذان الظهر كبل رحت للمستشفى لكيت سرمد طالع منه تفاجئة من شافني 

جاسر . . هاا سرمد شبي فهد شلون تصاوب 

سرمد . . انت شجابك مو لازم هسه انت بالمطار 

جاسر . . اي لغيت السفرة وخليت واحد يروح بدالي هسه كلي فهد شبي