الشيخ & العشگ

بارت 21

خير يربي شصاير ركضت وياهم اني مثل الاطرش بالزفه شفتهم يفوتون للردهه الرابعه 

لا يارب بس لا الي بالي صار وصدك فتت ولكه نسوان ورياجيل كومه كدام السرير مال هذا 

الرجال الي فرح طته ابره ماعرف مال شنو بس هسه عرفت طلعت من الغرفة دمي فاير 

وماعرف منين جتني هل قويه توني جنت مكسر امشي مثل الخبل بالممرات ادور على فرح

رحت لغرفة الممرضات سئلت عليه كالو طلعت قبل شويه يا بت الذينه طلعت قبل لا يموت الرجال 

عمود تطلع هي بريئة اني علمج يا فرح عبالج اللعب برواح الناس لعبه مو اكفيلي طلعت من المستشفى

ركض وكفت يم الحارس ابو عمار 

بكر . . ابو عمار فدوه لعيونك اريد سيارة مستعجل

ابو عمار . . تكسي لو انت تسوقه

بكر . . لا اني اسوقه 

ابو عمار . . ماشي اكف هنا هسه اجيبلك وحده بس دير بالك عليه 

بكر . . ماشي بس جيبه 

صدك جابلي سيارة ونطاني المفتاح كتله ساعة وارجعه ركبته بسرعة وعلى بيت فرح 

. . . . . . . . . . . . 

جاسر اخذت جنتي مال سفر سجى محضرته الي هي وامي سلمت عليهم كلهم وطلعت على بيت عمي قاسم

اخذه وياي عمود العقد يشهد لان ماكدر اجيب الشيخ وتركه بغداد لهذا عمي قاسم هو بمثابة ابوه 

رحت عليه اخذته وطلع البغداد بنص الطريق خابرت سما كتله راح نوصل تحضري والله ماكو نص ساعة احنه 

يمهم واصلين نزلت من السيارة وعمي هم دكيت الباب طلعلي حيدر سلمت عليه وفتنه كعدنه شويه شربنه جاي 

اني وعمي وجان عمر وعمي علي وحيدر وسما اكللهم وين يكلولي بعده ممكلمه واني من البارحة كايلله من وكت بدلي

طلعنه وسما لحد هسه ممكمله تلبس حذائه تكرمون

جاسر . . يله سما كملتي

سما . . اي جايه . . سلمت على أمه و خواته وحلا وطلعت ويه بابا و جاسر و قاسم عمه لجاسر علمود نروح للمحكمة نعقد ركبت بسيارة جاسر بصفه ليكدام

و بابا اخذ وياه عم جاسر طبعا جاسر كللهم ايريد يحجي وياي على انفراد

سما . . صباحؤؤ

جاسر . . صباح الخير شلونج اليوم

سما . . تمام الحمدلله  انت شلونك حضرت جنطتك وكلشي اخذت وياك مو

جاسر . . اي حضرته موجوده بالصندوك باليل اسافر

سما . . ترجع بسلامه اخذت وياك ملابس صوفية لان بارده كلش هناك خاف تتمرض