القاهو خالد!!قلته ليهو:عرفته مكاني كيف،قال لي:كنته جاي البيت الاقي عماد وشفتك طالعه وتبعتك..قلته ليهو:ممكن اعرف عايز تلاقيهو لشنو؟قال لي:هو الاتصل علي وقال عايزني ف موضوع،اختصرتو وقلته ليهو طيب،،عايزه امشي كدا وقفني وضماني وهو بقول لي:اشتقته ليك،صدقيني م بقدر اعيش من دونك حاولته اتناساك واتابع مع حنان بس م قدرته💔ودايما ف بالي..،،زحيت منو ورجعته لورا وانا بقول ليهو:خالد عليك الله م عايزه اسمع حاجه عن الموضوع دا تاني وزي م انا اتقبلته الحصل،انت كمان لازم تنسى وتقبل بالمقسوم💔
....
...
...
..
.
<<< جزء من النص مفقود >>>>>
..
..
...
،سكت وفضل يعاين لي وان وعماد ولا شغال بي الشغله ولسه مواصل وبضرب فيهو جيت مسكتو وانا بحنس فيهو وبرجف وبقول ليهو كفايه ح يموت بين يديك خليهو ي عماد عشان خاطري خليهو💔عماد لزاني وكان ف سلم وراي رجلي زاغت وجيت واقعه ع ضهري،بقيت بشوف طشاش طشاش وحاسه جسمي كلو واجعني،عماد جا رفعني وم كنته قادره اتحرك وبس شغاله ليهو ولدي..ولدي وتاني م وعيت الا ف المستشفى قمته مخلوعه ولقيت الممرضه جمبي وسالتها بخوف ولهفه ولدي كيف وانا خاته يدي ع بطني،ابتسمت وقالت لي:م تخافي الحمدلله كويس وم جاتو حاجه،ارتحته وشلته نفسي بعد سمعته جملتها دي🌸استأذنت وطلعت بعد شويه جوا داخلين ناس عمي وعماد حمدلو لي السلامه وقلته ليهم الحمدلله جات سليمه والبيبي كويس،،زوجة عمي جات قعدت جمبي و قالت لي:يا بتي انتي مش مؤمنه بالقضاء والقدر وسكتت،،رديت عليها وقلبي من الخوف عايز يتقلع من مكانو:اكيد ي عمتي بس ف شنو؟خالد حصلت ليهو حاجه؟ومالي م شايفاهو معاكم؟قاطعتني وهي بتقول لي:ي بتي اهدي خالد واقف برا،،قلته ليها:طيب الحصل شنو؟ردت لي ومنزله عيونها ف الارض:الدكتور قال الجنين نزل💔قلته ليها وانا بضغط ع بطني انتي كضابه انا اسي سألته الممرضه وقالت كويس م عايز هظار بالشكل دا ولدي كويس💔ندى قعدت تبكي وحتى عماد،كوركته فيهم وقلته ليهم بتبكو مالكم مافي حاجه بالشكل دا امشو اسألو الممرضه والله قالت هو كويس م تبكو ساي وخالد جانا داخل وبقيت شغاله ليهو ولدنا كويس م مات صدقني وبقيت ابكي واكورك💔💔الدكتور جا واداني حقنه مهدئه ولحدي م غبته عن الوعي بس بقول ليهم ولدي كويس وم مات ي خالد..💔عديت كم يوم م بتكلم مع زول وخالد جا اتكلم معاي كم مره وحاول يواسيني واعتذر لي كتير وحتى عماد كان كل م يدخل علي يقعد يبكي بدون م يقول حاجه وانا ابكي معاهو😭بعد كم اسبوع جا وقال لي اننا حنرجع السودان بعد يومين م اتكلمته معاهو بس رديت بإبتسامه خفيفه وباهته💔سافرنا وشلته معاي كل اللحظات الحلوة العشتها هناك وقررته انسى كل الوجع والالم الضقتو واخليهو وراي🍃مرو سنتين ورجعته جامعتي الكنته جمدتها بسبب الزواج والحمدلله اتخرجته لكن قعدته عاطله ف البيت😂😂💔 والحمدلله بالصبر والدعاء قدرته اتخطى كل الحاجات المريت بيها لمن كنته ف قطر وكأنها م حصلت وبديت حياة جديد ورجعته عشم الزمان وف يوم كنته راجعه من عند اشجان طبعا خطبوها والعريس جاهز بس هي المؤخرة العرس ولمن سألتها عن السبب تخيلو قالت لي لسه م حبيتو بعد نحب بعض حتى نتزوج لانو قالو الحب بروح بعد الزواج عشان كدا عايزه احب حتى ادخل القفص الزهبي😌😙💃🏻اديتها لبعه وقلته ليها:اي اقعدي تابعي لي بحبك وبتحبيني لمن يزهج ويطفش منك🤣🤣💔 اهااا بعد قربت من البيت اشوف ليك عربيه كرت كرتونه واقفه جمب باب بيتنا وتقريبا Gxr اول حاجه دعكته ليك عيوني تمنطاشر مره🤣✊🏻ياربي فزنا ف مسابقة الحلم وادونا عربيه ولا انا شكلي طشيت ودا م بيتنا😂😂يا زوول اتوكلته ومشيت وقبل م ادخل بقيت بكشف بالخرم الفي الباب احتمال اكون بتخيل ودا م بيتنا🤣🤣فجاءة تجيني ليك لللب ف عنقرتي انا من الخلعه لمن دفرته الباب وقمته جاريه جوا🤣🏃🏻♀اتلفت القاها امي قلته ليها:لييه كدا ي نبع الحنان اسي انا غلطته ف شي😂💔ضحكت وقالت لي:متلصقه ف الباب زي الضب مالك؟قلته ليها: كنته عايزه اتأكد العربيه دي تبعنا ولا انا غلطانه ف البيت😅😅عاينت لي كدا😒😒وقالت لي:مشيت افتش فيك عند ناس اشجان قالو طلعتي قدامي،قلته ليها:كنتي تتصلي علي وانا بجيك لحدي عندك😁بس م قلتي لي المناسبه شنو والعربيه دي شنو اشتراها ابوي😍😍 قالت لي اولا تلفونك مقفول ثم ثانيا دي م عربيتنا دي عربية العريس😙نططته عيوني وقلته ليها:عريس😳😳😳قالت لي:اي وود ناس كمان ومن قبيل منتظرك وقال م بمشي الا يسمع الموافقه منك انتي💓ابوي وعماد جوا طالعين من الصالون وابوي جا جمبي وقال لي:ادخلي للعريس وشوفيهو وبعدين الراي رايك ي ست البنات💜ابتسمته ومشيت ليك بي عبايتي المغبرة ديك والشلاليف مشققه والحواجب طايرة وحاله صعبه شديد بعيد عنكم🤣🤣✊🏻دخلته ليك برجلي اليمين وشايفه ليك طشاش. طشاش عشان كنته برا فجاءة اسمع ليك"لا حولاا عبايتك تحلف تقول مطلعنها من خشم بقرة ليييه كدا ي هنايه🤣🤣💔" د.فؤاد اصلوو م بصدق دا انت جد جد🙊🙊🙊ضحك وقال لي:لا كضب كضب🤣🤣👋🏻ضحكته وقلته ليهو دقيقه اقرصك عشان اصدق🤣🤣وطوالي ضحك ليك ضحكتو الهستيريه ديك انا لمن ادسيت تحت الطربيزه وشغاله ليهو:الله يفضحك اسي ناس ابوي يقولو يفتكرو دي انا ولا يفهمو غلط😒😒👊🏻قال لي وهو برفع ف حواجبينو:خليهم يفسروها زي م عايزين المهم اسي انا جاييك بالباب وعايزك حلالي🤣🤣✊🏻 موافقه طبعا انا عريس لقطه ولا يفوت😌😙💜 خجلته ودنقرته راسي وبقيت بشخت ف الارض وانا لسه تحت الطربيزه😂🙈🙈قال لي:اهااا الشخيت دا اعتبرو موافقه ولا اشيل كرامتي واتخارج🤣💔بقيت بضحك وقلته ليهو:اتخارج وانا معاك💜حك وقال لي:عارفه ي هنايه فتشته ليك كتير والحمدلله انو لقيت اسمك الكامل ف سجلات المستشفى ومنها قدرته اصل ليك💜مدا لي يدو وهو بقول لي:عايزك معاي وطول السنتين الفاتو ديل كنته متأكد اني ف النهايه ح القاك، ابتسمته ومسكته يدو?🌸ومن الزمن داك م فكيتها ولا حصل ف يوم كسر بخاطري ولا زعلني حتى ولو بالغلط واسي لينا مع بعض قرابة ال10سنين وبقا عندي منو تلاته بنات وولد وان شاء الله م يفرقنا الا الموت الحمدلله قدر م اتألمته واتوجعته ربنا جبر بخاطري💜 واداني العوض الجميل ف شكل د.فؤاد..💕🌸
