#بقلمى زهور جمال الدين❤
قصتنا بدايتها تقطع القلب ...
قصة اسامه و نعمات
عموما القصه صارت سنه 2012...عزززز بداية
ايامات الفساد الحقانية فى ليبيا
اللى يطلّع راسه يقصوهوله .. والمليشيات كثرت
وتعبت فالبلاد
ياسيدى هدا كله ماعلينا بيه فخار يكسر بعضه ..احنا
توة فى نعمات واللى صارلها ..واللى مزال بيصيرلها
نعمات بنيه مواليد 94 .. ياحنه سمتها حناها نعمات..
زعميتا اسامى فنيه .. على خاطر بوها اسمه نعمان ..
خوتها الكبير اسمه منعم واللى بعده نعيم
وبعتالى نعمات ..وانعام..
...سنه 2012 نعمات كان عمرها 18 سنه
طبعا نعومه بنية محبوبة بين عمامها وعماتها..
وياشينك عمام الله لا تربحهم ...
المهم نعمات وقتها كانت كيف طالعه من ثالثه ثانوى
..مزال وقتها مابداش جو تنقيل الماى فاى.. فى
2012 كانت مزالت مراقبه عالسهادة فيها الخير
شويا .... جابت نعمات 93%...
المهم هيا كانت يانارى شاطرة ...
خوتها منعم ونعيم متخرجين...
منعم م 90 عمره قريب 22 سنه متخرج من الهندسه
وداير محل حدادة المنيوم هوا وصاحبه يكسب منه
فى هداكه المبلغ
ونعيم م 91 عمره 21 سنه بيتخرج من معهد النفط
متع السياحيه
ونعمات طالعه من الثانوية وانعام م 96 خاشه اولى ثانوى
وعلى فكرة بوهم مش كبير راهو..مواليد 70 لما
عمره 20 سنه جاب منعم ..وعمك نعمان هوا كبير
خوته بوه امه مازوالو حيين ليومنا هدا ..
متزوج امال بنت خاله م 73 تزوجت صغيرة هلبا
تعتبر...فى 90 عمرها 17سنه..تزوجت فى شهر1
..وشهر 11 جابت بكرها منعم
عاشو زى اى ناس عاديين ....
لكن منعم واعر هلبا فخواته ويخافو منه
وعندهم عمهم عبدالعزيز شبوب عزرى..حبيب الجميع
وعرسه قريب
وعمامها الثانيين صلاح وخالد
طبعا اصغر من بوها متزوجين وبصغارهم
