Lost Soul

Part 10

سول:نزلنى يا كيوهيون

كيوهيون:هوديكى المستشفى

سول:لا

(اتجاهلها كيوهيون وخرج من الاوضه حاوطت سول رقبه كيوهيون بايديها)

سول:اسمعنى لثوانى انا هبقى كويسه بلاش نروح المستشفى انت عارف ايه الى هيحصل لو روحنا هناك

كيوهيون:ميهمش

سول:ارجوك اسمع يا كيوهيون خلينا هنا انا هبقى كويسه

(خرج كيوهيون من الشقه وقعد سول على الكرسى وربط الحزام وركب جنبها)

سول:كيوهيون ارجوك استنى دة مش هيأثر عليك بس دة هيأثر على شركتك كمان ياريت تفكر لثوانى

كيوهيون:ميهمش

سول:استنى يا كيوهيون انا بجد هبقى كويسه اسمع كلامى

(فتحت سول باب العربيه وخرجت ضرب كيوهيون الدريكسيون بغضب و خرج من العربيه مسك ايديها بعصبيه بصتله سول برعب شالها  تانى ودخل بيها البيت )

كيوهيون:يلا ناكل

(دخل بيها اوضه الاكل وقعدها على الكرسى)

كيوهيون:لو حسيتى بوجع قوليلى

(اتحط الاكل على الترابيزه فى ثوانى مسكت سول المعلقه بتاعتها بتاكل بسيط وكيوهيون قاعد بيراقبها..اول لما سول لاحظته اتوترت واترعبت وقعت منها المعلقه على الارض حاولت توطى علشان تجبها لقت كيوهيون كان بسرعه البرق جنبها وجاب لها المعلقه بلعت سول ريقها حط كيوهيون المعلقه على الترابيزة وقعد على ركبه ونص بحيث يكون فى نفس مستوى سول انفاسها عليت وضربات قلبها زادت حط كيوهيون ايده على وشها غمضت عنيها بخوف..قرب منها وطبع بوسه رقيقه على شفايفها فتحت سول عنيها من الصدمه ولقته شايلها من على الكرسى بتاعها ضمها كيوهيون جامد ليه محستش سول بنفسها غير وهى لافه ايديها حوالين رقبته وسندت راسها على صدره طلع  اوضتها ونيمها على السرير قعد جنبها)
كيوهيون:حاولى تعرفينى مالك
سول:خايفه
كيوهيون:خايفه من ايه
سول:منه لسه بسمع صوته لسه بتخيل انى هناك انى لسه محبوسه ومش عارفه اهرب
كيوهيون:هتصل بدكتور ييسونغ يبدأ ييجى وبتمنى المره دى تسمعى كلامى
(غمضت سول عنيها باستسلام للنوم..مسح كيوهيون وشه بتعب وخرج من الاوضه نزل تحت لقى هانا واقفه متردده)
هانا:هى اغمى عليها فى القبو
كيوهيون:ايه الى نزلها
هانا:طلبت تدخل تجيب صندوق الورق بتاعها الى كان فى اوضه السفرا النور فصل سمعتها بتصرخ دخلت لقتها مغمى عليها هى طلبت انى ما اقولش لحضرتك بس لقيت انه ما ينفعش اخبى على حضرتك حاجه زى دى
(خرج كيوهيون من البيت بعصبيه واتحرك لغايه البيت الى فيه ميونغ سو مسكه كيوهيون من رقبته وقعد يضرب فيه..ابتسم ميونغ سو)
ميونغ سو:حسيت بالوجع الى سببتهولى بعد ما دمرت شغلى
كيوهيون:خلينا نشوف مين فينا الى هيصمد للأخر..قولتلك المره الجايه الى هشوفك فيها هقتلك
(ابتسم كيوهيون وهو بيشده من ياقه قميصه)
كيوهيون:بتعرف تعد لغايه كام
ميونغ سو:عدد الضربات الى انت اديتهم لسول..فكرك ان انا وانت بنختلف عن بعض
(بصق الدم من بوقه وبصله بعناد)
ميونغ سو:انا اذيتها وانت كمان اذيتها
(ضم كيوهيون ايده بعصبيه وضربه..وقع ميونغ سو على الارض ضحك بصوت عالى)
ميونغ سو:علشان عارف ان مفيش فرق ما بينا
كيوهيون:لا انا عكسك على الاقل هى بتبينلى ان انا عكسك
ميونغ سو:هى شافتك قبل كدة
كيوهيون:الغريب انها شافت الوحش الى جوايا واتقبلتنى تفتكر كان العيب فيها ولا فيك..انت حقير ولولا انها طلبت انى ما اقتلكمش مش رحمه ليك كنت قتلتك فى ايدى...شيون بكره هيخرجك من هنا معاك مهله تلت ايام وتختفى من كوريا ما تظهرش قدام سول صدفه لان المره الجايه صدقنى لو ايه الى حصل هتكون ميت ما بين ايديا
(خرج كيوهيون وروح على البيت كان نور الشمس اخترق السما لما دخل البيت...طلع اوضتها لقاها نايمه ابتسم طلب قهوه من هانا ودخل مكتبه يشوف الشغل..اول لما صحيت نزلتله)
سول:انت ما نمتش
كيوهيون:لا
سول:روحت فين الفجر قلقت من النوم ولقيتك مش فى البيت
كيوهيون:كنت بخلص موضوع وبقفله نهائى..دكتور ييسونغ هييجى على الضهر
سول:انت هتروح فين
كيوهيون:لازم اروح الشركه المشروع حصل تضارب ولازم نطلع بخطه جديده قبل الاجتماع الجاى
سول:هتتأخر
كيوهيون:المشكله انى احتمال ابات
سول:هتبات هناك
كيوهيون:للأسف اه انا مش عارف حتى اعمل ايه
سول:ما تقلقش بوران بعتلى وقالى انه هيوصل النهارده كوريا ممكن اروح اقعد فى بيت بابا
(اتنهد كيوهيون براحه)
كيوهيون:كدة افضل
سول:مش هتفطر قبل ما تمشى
كيوهيون:هطلع اغير هدومى الاول
(طلع كيوهيون اوضته غير هدومه واخد بدله تانيه نزل لقاها قاعده مبتسمه)
كيوهيون:هتاخدى بالك من نفسك
سول:طبعا
كيوهيون:هتاكلى كويس
سول:وانت كمان وحاول تنام
كيوهيون:ما تخافيش..بس سؤال هو عادى احس بالغيره
سول:غيره ايه
كيوهيون:هحسد بوران انك هتقعدى معاه
(ضحكت سول بمرح)
سول:يبقى لازم تخلص شغلك بسرعه علشان ما تحسدش بوران
(نعكش شعرها وهو بيبتسم)
كيوهيون:حاضر
(خرج كيوهيون وراح الشركه طلعت سول غيرت هدومها وجهزت شنطه صغيره علشان تروح البيت..استنت ييسونغ لغايه ما جيه ودخلت اوضه الضيوف)
ييسونغ:بقيتى احسن
سول:وهو موجود بس
ييسونغ:بمعنى
سول:مش حاسه بالامان وهو مش موجود فى البيت مش حاسه بالامان اصلا غير وهو جنبى بتخيل كل فتره انى رجوعى للبيت حلم وانى لسه محبوسه عند ميونغ سو
ييسونغ:وهو بيحاول يعمل ايه
سول:بيحاول يكون جنبى فى كل لحظه بس الشغل دلوقتى متضر يروح واحتمال يبات فى الشركه فهروح اقعد فى بيت بابا مع اخويا
ييسونغ:تقريبا دى احسن حاجه هتحصل
سول:مش فاهمه حضرتك
ييسونغ:ابعدى يومين عنه هو كويس انك بتثقى فى حد للدرجه دى بس ده لمصلحتك..استاذ كيوهيون قالى ان انتى اغمى عليكى امبارح
(بصتله سول بصدمه)
سول:هو عرف
ييسونغ:حكالى كل التفاصيل انتى حاطه نفسك فى دوامه واول لما بتنامى او بيبعد عنك بترجعى لنقطه الصفر اتكلمى معاه فى التليفون كتير على قد ما تقدرى حاولى تشوفيه فى مكان تانى غير البيت برضه
(بصتله سول بحرج)
سول:انا خايفه اواجه اى مكان
ييسونغ:حطى فى دماغك انك رايحه تقابليه انسى اى افكار تانيه متعلقه بأى حاجه غيره
(بصت فى الارض بكسوف)
ييسونغ:وبطلى الخجل الى عندك انتى ما ارتكبتيش غلط علشان تبصى فى الارض
سول:مش متعوده
ييسونغ:استاذ كيوهيون عصبى
(بربشت كتير وهى بتبصله)
ييسونغ:انا دكتور نفسى ..وكمان صراحه الموضوع مش محتاج دكتور نفسى اوى هو اتعصب علينا اول مره شفتك فيها واتعصب لما كنت بقوله مينفعش يزورك واتعصب لما كنت بكلمه على اى حاجه
(ابتسمت سول برقه...بصلها ييسونغ وتنح)
ييسونغ:احم هو عمتا هكتبلك منوم تاخديه وقت الضرورة وانتى هتبقى كويسه
(قام وقف علشان يمشى)
سول:شكرا بجد ليك يا دكتور ييسونغ
ييسونغ:انا فى الخدمه اى وقت
(مشى ييسونغ من البيت ..استنت سول فى البيت لغايه بليل بوران جيه اخدها وراحوا على البيت بارك اون سو)
سول:انا بقالى كتير اوى مجتش هنا
بوران:قد ايه
سول:تقريبا 4 شهور من ساعه ما اتجوزت
بوران:انتى جوزك وافق بالسهوله دى تيجى تقعدى معايا
سول:لا هو هيبات فى الشغل علشان بيخلص مشروع
بوران:متأكده انه ما بيخونكيش
سول:يااه
بوران:ما قولتليش ايه الى حصل لايدك
(بصلته بتوتر)
سول:وقعت على السلم
بوران:بابا كان هيموت من القلق يوم ما كلمتينى انا جيت بسببه
سول:هو فين..بقالى اربع ايام بحاول اكلمه ومش عارفه
(اتوتر حاول يشغل نفسه بالشنطه بتاعته)
بوران:تلاقيه بس مش فاضى يلا اطلعى اوضتك
(بصتله سول بقرف)
بوران:انتى غريبه
سول:انا
بوران:اه ..ازاى راسمه البرأه على الناس كلها انا الوحيد الى عارف حقيقتك
(بصلها باستحقار)
سول:عارف ان جوزى بيعرف يضرب كويس -_-
(شهق بوران بصدمه)
بوران:مش متخيل انك هتبيعى اخوكى
سول:انا عايزة كيوهيونى
بوران:ايه ..ثانيه انتى سول اختى فعلا
سول:ايه بقى
(مسك بوران راسها وقعد يهزها)
بوران:متأكده انك لما وقعتى على السلم ما اثرش فى مخك
(بصتله سول باستحقار وضربته على رجله)
سول:هقول لاوبا
بوران:انا الاوبا
سول:لا انت اوبا الوحش
(خبط باب البيت..دخل واحد من الخدم)
..استاذ شيون بره
بوران:شيون مين
سول:صاحب كيوهيون
(بصتله سول بقلق ونزلت لقت شيون معاه شنط كتير)
سول:هو فى حاجه
شيون:كيوهيون بعتنى بيهم
(حط بوران ايده على كتف سول)
بوران:اوكى انتى فعلا اخترتى الزوج المناسب
(ابتسمت سول بخجل)
شيون:هو ما يعرفش زوقك فبعت كل حاجه ممكن تعجبك
سول:تعبك
شيون:ما دى ضريبه انى اسئله عايز حاجه اعملهالك -_-
سول:انا اسفه
شيون:ما تقوليش كده..هو على فكره قال لميونغ سو
(بصتله سول بتوتر وحركت راسها بالنفى..وش بوران قلب)
بوران:الحيوان ده ضايقك تانى
سول:لا خالص هو كان بيحاول يعمل صفقه مع كيوهيون وهو لما عرف المشكله رفض مش كدة
(بصت لشيون بتوسل..هز شيون راسه بالايجاب)
شيون:ايوة دة الى حصل فعلا ما تقلقش
(بصتله سول بامتنان)
سول:اتفضل ادخل اشرب حاجه
شيون:لا مش دلوقتى
سول:لا طبعا لازم تدخل دلوقتى
(ابتسم ودخل البيت..طلب بوران من الخدم يجهزوا مشروب)
بوران:انت شغال معاه
شيون:المفروض شركا مع بعض والمفروض انا الكبير بس زى ما انت شايف عادى يعنى
(رن موبايل سول قامت علشان ترد عليه)
كيوهيون:شيون وصلك الحاجه
سول:اه وقاعد بيشرب شاى مع بوران
كيوهيون:-_- يعنى هو يقعد معاكى وانا لا
سول:خلص شغلك الاول
كيوهيون:وحشتينى
(وشها احمر وبصت فى الارض)
كيوهيون:رجعنا تانى للعبه الصمت
سول:وانت كمان وحشتنى
كيوهيون:ايه رأيك اسيب الشركه واجى
سول:هو اقتراح حلو بس ارفض..مش هسيبك تتضيع مجهود سنين علشان لحظه
كيوهيون:ومين قالك انها علشان لحظه
سول:امال ايه
كيوهيون:علشان بحبك