الشيخ & العشگ

بارت 16

متدري لان مثل متعرف هذا عرضي وشرفي واخاف عليه 

ابو عمار . . اي ابني حقك تشوف العار الي ماخذه كبل لا يسوي شي بالتلفون  بس انشالله محد ماخذه 

بس انتظر وياي شويه بين ما تصير الخفارة لان بعد مابدلو بيه وجماعة الخفارة اصدقائي يخلوك تفوت 

بكر . . ماشي عمي ننتظر كعدت يمه لحد ميصير تبديل بالخفارة 

بكر جذبت على ابو عمار لان ماكدر اكله الحقيقة وهو يعزه لفرح وماريد افضحه واخرب صورته كدامه 

مهما يكون اني عندي خوات مثل ماسوي بنات الناس يطلع بيهن فلازم احافظ على سمعت فرح لحد ما ألكه 

دليل اوصله الأهله همه يتصرفون وياه اني عليه انتقم منها واعرفه منو بكر 

. . . . . . . . . . . . . . . . . 

سجى اليوم اول خلي نكول البارحة لان اليوم سبت وساعة 3:30

المهم البارحة جانت خطبة اخواني فديتهم احلا خطبة صارت وخلصت على خير وتماموهسه احنه بالبيت 

تعبانين ونايمين واريد اسبح ونام اني هم بس خلي سرى الجكمه تطلع 

سجى . . وج سرى اطلعي اريد اسبح دنام تعبانه 

سرى . . اي اي طالعة شبيج . . فتحت الباب . . وج شبيج خبصتيني راح تكعدين العالم بصوتج 

سجى . . وج تعبانه من الركص ونوب جينه هنا مخلصنه من عمامج ضلينه نقدم ونشيل وهمه ولا يستحون 

على نفسهم ولا يكولون ذولة جايين تعبانين لا ضلو يخرطون بالسوالف ولا يحسون بينه 

سرى . . وج اسكتي لحد يسمعج بالعه مسجل يكون ابويه يسمعج والله كتلتج تصير عمل شعبي عيب ذولة 

عمامنه شنسويلهم مثلا وبعدين منو كلج تصيرين بت شيخ استحملي 

سجى . . اوي عمامنه دمشي امشي اطلعي خلي اسبح عمود انام اشرفلي . . طلعته وفتت

سجى . . وووج سرى ليش مخلصة الشامبو الله ياخذج ابيش اسبح هسه 

سرى . . يولي لتعيطين صوتج واصل لسابع جار هسه اجيبلج واحد شبيج 

سجى . . اي بسرعة جيبي 

سرى راحت تجيب له شامبو من المخزن وجتي 

سرى . . الزمي هاج 

سجى اخذته منه . . رجعي الهذا ماحبه جيبيلي ابو الوردة

سرى . . انجبي واسبحي هي مال وردة 

سجى . . اوي ديله ولي 

طبيت اكمل سبح حطيت شامبو على راسي وضليت افرك بي توني دخلي راسي جوه الدوش 

طفت الكهرباء 

سجى . . عااا يمه دخيلج منو طفه الكهرباء 

الدنيه ظلمه ضليت اتلمس بالحايط سديت البوري مال ماي لزمت الحايط وكمت امشي على كيفي 

وصلت لهدومي اخذت المنشفة خليته على راسي لان بعده الشامبو واخذت دشداشتي لبسته شلون مجان وطلعت 

سجى بصوت ناصي . . سرى وينج اهئ اهئ كلهم نايمين هسه شيوديني على غرفتي 

ضليت اتلمس الحايط وامشي على كيفي لما وصلت الغرفتي يمكن كلبت للبيت كل دقيقة وضاربة 

شغلة طبيت للغرفة وعفت الباب مفتوحة رحت يم الجرباية ادور على تلفوني عفته عليه شوي

 ولكيته اخذته دفتح الضوه جان تنسد الباب بقوه 

سجى . . عاا يمه منو هنا 

لازمة التلفون وارجف اريد افتح الضوه جان واحد يلزمني من ايدي ودفعني على جرباية  وصار فوكايه

تلفوني انشمر من ايدي مدري وين واني جامده بمكاني من الخوف لا حس ولا نفس

. . . . . . . . . . . . . . 

بكر 

جنت كاعد يم ابو عمار دشرب جاي جان نشوف ولد اثنين جايين علينه تقريبا تطلع اعمارهم مابين 

الاربعين والخمسين كبار يعني تقربو علينه سلمو على ابو عمار يمكن همه الي راح يبدلون 

الخفارة سلمو وراحو 

ابو عمار . . ابني بكر همه ذولة الي كتلك عليهم حسام وحازم الي راح يخلوك تفوت للغرفة 

بس خلي اول شي يرحون الاثنين اليجوه شي ربع ساعة وتكدر عود تفوت انشالله

بكر . . اي عمي انشالله 

ضلينه ننتظر شفنه طلعو اثنين من المستشفى يمكن همه راحو ضلينه شويه لحد ما رمشو على ابو 

عمار يعني خلي يجي 

ابو عمار . . يله ابني توكل وانشالله تعرف منو اخذه 

بكر . . انشالله يله عمي اروح اني و من اكمل اجي اكلك 

بكر عفت ابو عمار ورحت لمشي للمستشفى طبيت لكيت الرجال كاعد بدال السكرتيرة ولازم سلاح 

بكر . . سلام عليكم من وين اشوف للغرفة 

حازم (حارس ) . . امشي ليكدام اول ممره على ايده اليمنه اول باب 

بكر . . مشكور 

مشيت شويه لكيت الممر طبيت بي لكيت اول باب مفتوحة طبيت لكيت الرجال الثاني الي سلم على ابوعمار 

حسام ( الحارس ) . . فوت ابني شوف هاي الكاميرا مال اسبوع الفات كلهن انت اي يوم تريده اكتب هنا

وهو يطلعلك مال اليوم كامل من الوحدة الفجر لحد 12 باليل ماشي ابني يله اني اعوفك شوف شغلك 

بكر . . مشكور مقصرت 

طلع الرجال كعد على الكرسي وبديت ادور كتب يوم الاربعاء طلعلي كل اليوم وكل الكاميرا بجيمع الزوايا 

الي بالمستشفى لازم ادور وحده وحده لحد مالكاه بديت ادور اول شي بالكاميرا الداخلية مال مستشفى 

. . . . . . . . . . . . . . 

هذا الجزء الاول من هذا البارت وباجر الجزء الثاني 

اوك حبايب باي 

# بسبس