"Kung ganun naman pala ang sitwasyon edi go! Go girl, deserve mo yan. Sana lang hindi ka na ulit masaktan. Ayokong nasasaktan ka girl alam mo yan."
"Salamat Meg. Sobrang salamat. Hindi mangyayari to kung hindi dahil sayo. Nag papasalamat talaga ako sayo." Nakangiting sabi ko.
"Kaya ko ba naman kayong pabayaan ni Nicholas? Para ko na kayong pamilya eh. Basta wag niyo kong kakalimutan ah. Kayo na lang ang pamilya ko."
"Oo naman. Paano namin makakalimutan ang taong tumulong sa amin ng walang kapalit. Sobrang buti mong tao."
Nag yakap kami ng mahigpit ni Meg.
"I'm happy for you girl." Aniya.
"Ubusin mo yang kinakain mo Nicholas." Sabi ko kay Nicholas nang makitang parang hindi nababawasan ang laman ng pinggan niya. Namimihasa na kasi siya kakalaro kaya wala ng ganang kumain.
"Ayoko na nanay!"
"Tignan mo yang anak mo, Cal. Ayaw na kumain. Puro kasi laruan ang ibinibigay mo kaya namimihasa. Dati naman kumakain yan ng gulay." baling ko kay Callum. Kumakain kami ngayon ng hapunan. Naisipan kong mag luto ng gulay dahil nitong nakakaraang araw ay puro na manok ang kinakain ng mga bata.
"Nicholas, ubusin mo na yan. Lagot ako sa nanay mo kapag di mo inubos yan."
"Eh ayoko na daddy."
"Ubusin mo yan, Nicholas."
"Sir nasa labas po si mam Pauline." Anang isang katulong na kakapasok lang sa kusina. Agad namang tumayo si Callum kahit na hindi pa niya natatapos ang kinakain niya. Nag paalam siya sandali bago lumabas ng kusina para puntahan si Pauline.
Akala ko ba wala na silang relasyon? Bakit nagkikita pa din sila? At bakit ba kung ano anong iniisip ko. Siyempre may pinag samahan pa din naman sila ano. Anong masama kung nagkikita pa din sila.
Natapos na kaming kumain ng mga bata pero hindi pa din bumabalik si Callum kaya tinakpan ko na lamang ang pagkain niya at niligpit na ang mga pinagkainan. Ibinilin ko ang mga bata sa yaya nila para patulugin na habang hinuhugasan ko ang mga pinagkainan namin. Nang matapos ako ay nag tungo ako sa sala at natigilan ako nang makitang andun pa din sina Pauline at Callum. May pinag uusapan sila na para bang importanteng importante.
Hindi kaya pinag uusapan nila ang tungkol sa relasyon nila? May balak ba silang mag balikan? Bigla akong nakaramdam ng takot sa dibdib ko. Paano kung tama ang mga nasa isip ko. Kaya ko ba?
Aalis na sana ako agad kaya lang bigla akong tinawag ni Pauline.
YOU ARE READING
Ruthless Desire
RomanceWARNING: R18!! Callum was against his father's marriage to Katharina, who was nearly his age, or worse, much younger than him. He suspected Katharina of manipulating his father, and so he planned to ruin their relationship. However, as he tried to d...
