الحلقة14طلعت اية من المحاضرة واتجهت لي خواتها
ايان:سلام
اية:اهلين
ايان:ووه تعبت
اية:خيرك تقول تجاهدي
ايان:مخاطريش نضحك
اية شبحت للمراية لقت اميرة قارنة حواجبهاوشيحت لي ايان بمعنى شن في
ايان:هادي ياستي مدايررة عركة ودارولها استدعاء😂
اية:خلاص افرديهم تو غدوا اني نمشي معاك وتم
اميرة بفرحة:قصدك مش رح تقولو لماما
اية:لا خلاص بيناتنا وتموت فوقتها
اميرة:احلى اخت في الدنيا والله وباستها
اية:ياحمارة نسوق
ايان:ايه وين بتطلعو
اية:مش مهم تعرفي
ووصلو للحوش بدلو ونزلو تغدو وارتاحو شوي وناضت اية
اية:سلام
اسماء:اهلين قعمزي
اية:لالا ماما بنطلعو هي
اسماء:وين
اية:السوق
ايان:علاش
اية:بنبتت
ايان واسماء واميرة:نعم😱😰
اية:ايه ومحدش يدخل وهي كان بتطلعو معاي نوضو بدلو لين نكلك ايهم
اية:ايوا هيمو
ايهم:نعم مش فاضي
اية تمام بس بنقولك بنطلعو
ايهم:تم بس متعطلوش
اية:حاضر هي تشاو وسكرت
ركبت تبدل ولبست{سورال جينز اسود وجاكيت وردي وتحته بلوزة بيضة لي نص الفخد ووشاح اسود وشنطة بيضه وسبيدرو ابيض في الاسود ودارت كريم ترطيب ومسكرة ع الهادي وشوية احمر خدود وروج بناتي وردي وخدت مفتاح السيارة وطلعت}
ووراها ايان ركبو في السيارة يستنو في امهم واميرة
ايان:وياسين
اية:خيره
ايان:يحبك وتحبيه
اية:كل واحد يدور نصيبه
وجت امها واميرة دارو وشرو حاجات وتعشو في مطعم وروحو
خشت اية دارها وبدلت وصلت استخارة ورقدت ناضت الصبح دارت دوش وصلت ونزلت
اسماء:خيرك ممشيتيش الجامعة بنوضك قلت علي راحتها
اية:والله امس رقدت مأخر ونضت راسي قلت نفوتها وخلاص
اسماء:اية
اية:نعم
اسماء:شن صار في الموضوع
اية تلفتتلها:تعرفي ماما منعرفش علاش مرتاحة للموضوع وحاسة الولد كويس
اسماء:كويس معناها درتي استخارة وربي ريحك للموضوع
اية:اصلا وكلت امري لله ولو الموضوع فيه خير ربي يكتبهولي وخلاص
اسماء:ايه واني توا بنركب نقرا شوية قراءن
اية:اوك تمام وركبت امها
شوية وشرين فون اية
اية:الو
...:اني اية ع....
اية:من معاي
...:......
يتبع....
___________
️➰
⠀⠀⠀⠀⠀⠀⠀ ⠀ ⠀ ↳·✨﴿ڪـن قـوياَ ﺣتـي لايشــفق ؏ــليـكَ اﺣــداً🖖🖤🥀ֆ ﴾
___________
أنت تقرأ
العيلة
Randomروايه تحكي علي حوش الجد او بالاحرى على العمام باللهجة الليبيه( الطرابلسيه ) 👌👍