✌ البارت (24)✌
#مدللة كسرت كبريائي💔💔💔
تأليفي ميرا إسماعيل❤❤😘
اللهم صلي وسلم وبارك على رسول الله صلى الله عليه وسلم
في قصر الجبالى
داخل جناح رائد
رائد بقلق رايح جاى
مليكة ... اهدى يا رائد وتعالى ارتاح توترك مش هيعمل حاجة
رائد علي نفس الحالة ... انت متاكده انها اخدت جرعة الدوا زى ما قولت مش كده
مليكة ... للمرة المليون اه انا كنت واقفة وهى بتسحب الدواء فى الحقنة وزى ما قولت 5سم
رائد ببعض من الهدوء ... طيب
مليكة .. اهدى كفاية قلقك انت وفارس اللي خلى الكل يشك
رائد ... غصب عنى صدقينى خوفى علي الاتنين لو قرب منهم ممكن تتعب وتنهار ولو رفضت هتفتح عليها ابواب جهنم منه
مليكة .. نور ذكية مش هدمر كل حاجة
رائد .... و .بتحبه وممكن تضعف ساعتها هيعرف الحقيقة بأبشع الطرق
مليكة ... انا متفائلة طريقتهم اما بيكونو مع بعض كأنهم بره الدنيا حتى بينسوا الخلافات اللي بينهم
رائد .. عندك حق واحنا فى الفرح كان مش علي بعضه كانه اول مره يتجوز
مليكة .. ما هيا اول مرة انت بتحسب اللي كان بيعملوا جواز دا انتقام ليس إلا لكن جوازه من نور هو دا الجواز الحقيقي اللي حصل في حياته
رائد ... يارب يا نور تبطلى تعذبى نفسك والليلة تعدى من غير خساير للطرفين
مليكة ... امين يارب
😺😺😺😺😺😺😺😺😺😺😺😺😺😺
فى جناح فارس
صفا بخنقه ... في ايه يا فارس كل القلق دا ليه ؟
فارس .. أرجوكى بلاش كلام معايا دلوقت انا فعلا مش مستحمل
صفا قامت وقفت قدامه .. لا ما انا لازم افهم ليه القلق والخوف دا
فارس بغضب ... صفاااا ارحمينى كفاية كلام قولت
صفا بدموع .. انت بتزعق ليا يا فارس وعلشان ايه علشان بسال مالك ولا خايف انى اعرف الحقيقة
فارس ... حقيقة ايه اللي بتقولى عليها
صفا ... إنك غيران علي نور وانك بتحبها
فارس .. انت سامعه نفسك بتقولى ايه
صفا .. ايوه سامعة انت بتحب نور وغيران عليها رافض جواز نور من ليث علي طول قلقان عليها ودلوقت حتى مش عارف تقعد من ساعة متقفل الباب عليهم وبدموع لدرجة دى بتحبها يا فارس
فارس ... انت شكلك دماغك ضربت نور غيران عليها ازاى
صفا .. متحاولش تخبى انا عارفة انك بتحبها انا بالنسبه ليك نوع عكس نور شدك مش اكتر لكن نور هى الاساس عندك مقدرتش علي سفرها يوم فرحنا كنت زعلان انها مش موجودة دايما بعدها مغطى علي فرح لينا دايما نور الفرحة متكملش اللي بيها يوم ما عرفت انى هخلف ولد زعلت كنت عايز بنت علشان تسميها نور يوم مناقشة الرسالة عايز نور مفيش موقف عدا علينا إلا وانت فرحتك ناقصة بسبب نور كنت بقول اخوات صحاب لكن عشاق لا لكن أنت كل مره بتثبت فيها إن نور اهم عندك ومتقدرش علي بعدها عينك وأنت شايف ليث طالع جناحهم كان هاين عليك تموته ولا انه يطلع
فارس .. خلصتى
صفا بصدمة ... دا ردك أيوة خلصت
فارس ... فعلا انا بحب نور ولو اقدر انى اخدها وابعد عن هنا هعمل دا لو فى أيدى ابعدها عن ليث مش هتردد ثانية
صفا بدموع ... للدرجاتى
فارس ... واكتر عارفة ليه ؟
نور بالنسبه ليا حنان الام والصديقة والأخت اللي ظهرت فى توقيت كنت فاكر أن حياتى ادمرت عارفة يعنى ايه تعيشى فى مدرسة داخلية يعنى ملكيش صحاب حتى اهلك ولا هو كان والدى بس فين وفين اما يجى حتى اما اتجوز قولت هعيش فى عائلة وأحس بحنان الام ودفء الاب لكن بابا صدمنى أنى هفضل فى المدرسة زى ما انا نور قالت لا هيكون معايا تعرفى كانت دايما تدور علي الحاجة اللي بتسعدنى وتعملها سمعتها مرة زمان كانت دادا صباح بتزعق ليها لاننا بنلعب زى الاطفال عارفة قالت إيه ؟ قالت إن فارس معش طفولته وهى لازم تعوضه من يومها هى كل دنيتى محدش يقدر ياخد مكانها اما انت من اول مره عينى وقعت عليكى كنت هدية تانية كنت دايما بقول مش هتجوز ولا اعمل عائلة لأنى مش هنجح بس اما شوفتك نسيت الفكرة من الاساس نور كانت طايرة من الفرح لانها اختى وامى عايزة بعد دا كله محبهاش عايزة منى اكون عارف انها بتموت دلوقت واقعد واضحك نور ممكن جدا دلوقت ليث يخرج ويقول انها انتهت وانت شايفة قلقى ملوش لازمة
صفا كانت بتسمع الكلام ودموعها موقفتش عمرها ما شافت علاقتهم كده علي طول غيرانة من نور بس هو بيقول موت نور بتموت ازاى ؟؟؟
