الحلقه التاسعه عشر
فوزى نزل يجرى وراها : في ايه يا بنتى مالك؟
ويزو : تعالى اركب يا بابا خلاص سيبها تلاقيها مجنونه
فوزى : مع انى ماشوفتش وشها بس صعبانه عليا اووى
ويزو : فعلا صعبت عليا انا كمان ، يا عالم ظروفها ايه
فوزى ركب العربيه : رنا وحشانى اووى
ويزو : و انا يا بابا يارب تكون بخير و ربنا يهديها و ترجع لينا
فوزى ماشي بالعربيه
مدحت مسكها
مدحت بعنف : بتجرى ليه يا بنت ال .....
رنا بخوف و بصوت مرتعش : ا ا ا اصل شوفت بابي
مدحت : و ليه ماخدتيش الفلوس منه
رنا : انا معرفش ايه اللى خلانى اجري
مدحت : ده انتى يومك اسود النهارده روحى ع شغلك
رنا : انا اسفه مش هعمل كده تانى سامحنى ربنا يخليك
مدحت ضربها بالشلوت : غورى يالا من قدامى و اياكى تفكرى تهربي منى رجالتى في كل حته في المكان
رنا بخوف : لا مش ههرب و جريت عند الاشاره
*******
في بيت نايا
نايا : ماميتو وحشاااانى اخيرا مش هسيبك تانى
هاله : و انتى والله وحشانى خالص يا شقيه انتى ، و انا مش عيزاكى تسبينى تانى خالص وحشتينى اووى يا قلبي من جوه
كرم : ايه جو الحب و الحنان و العواطف ده كله ، انا كده هعيط
هاله : تعالى نحبك معانا و بلاش تعيط
دانيه : و انا كمان حبونى معاكم
كرم : عايزه تحبينى الحقينى ب الاكل
دانيه بضحك : والله احلى حاجه قلتها
هاله : حبايبي من عنيه
كرم : تسلم عينك يا ست الحبايب
و حطو الاكل
كرم : ناويه تعملى ايه يا نايا بعد مارجعتي من السفر
نايا : عادي يا كرم هروح الشغل هنا
كرم : و ياترى انهى فيهم
نايا بتغمزله : شغلى يا كرم هو انا عندى كام شغل
كرم : بس يارب تكونى عقلتى من الهبل اللى في دماغك
نايا : تصدق صديت نفسيى ، تعالى يا دانيه ندخل الاوضه
دانيه : عايزه اكل
نايا تخبطها ع كتفها : كلى ياختى
هاله : لسه برضه زي مانتى تعالى كملى اكلك
نايا : شبعت و الله ( دخلت اوضتها وقامت وراها دانيه)
دانيه : مالك يا نايا فيكى حاجه غريبه
نايا بضيق : خايفه ، زهقانه ، مش عارفه مالى
دانيه : طيب خايفه من ايه
نايا : مش عارفه رد فعل مهيمن لما يعرف انانايا ونضال واحد ، مش عارفه اعمل ايه مروحش تانى القوات الخاصه و لا اعمل ايه
دانيه : متروحيش
نايا : طب مش هروح ، يعنى هما مش هيدورا ع نضال
دانيه : مش عارفه ، طيب هتتصرفي ازاي دلوقتى
نايا : مش عارفه و زهقانه اووى ، دانيه زعل مهيمن وحش اووى و مش بيسامح
دانيه : سيبيها ع ربنا
نايا تلفونها رن : ده مهيمن
دانيه : ردى عليه
نايا بتوتر : متوتره مش عارفه هقوله ايه بجد مش قادره اكلمه
دانيه : ارد عليه انا
نايا : لا سبيه
دانيه : نايا
نايا : نعم
دانيه بزعل : فادي من ساعة ما مشي و سابنى مكلمنيش لحد دلوقتى
نايا : اكيد هيكلمك
دانيه : تفتكرى زعلان
نايا : طبعا
دانيه : انتى ليه صريحه طيب اكدبي عليا
نايا : فادي طيب و هينسى بسرعه بس انتى بالله عليكى تبقى تلبسي الفساتين اللى جيبهالك
دانيه باستغراب : فساتين ايه ، هو عمره ما جبلى فساتين
نايا بضحك : هو انا ماقلتلكيش
دانيه : لا ياختى ماقلتليش
نايا بضحك : فاكره اما اول اجازه نزلتها و نزلنا اشترينا هدوم و اليوم ده انتى اتصلتى بيا و قلتى في هدوم اتبدلت معاكى
دانيه : ايوه ، وانتى قلتيلى هو ده اللى اشتريتيه
نايا بضحك : اقولك بس من غير ضرب
دانيه : اوعى يكون اللى في دماغي صح
نايا جريت : صح
دانيه جريت وراها : اه يا جزمه و انا اقولك الهدوم اتبتدلت و انتى ابدا هي دي اللى اشتريناها و يطلع فادي هو اللى بدلها
نايا فضلت تضحك
مهيمن بعت مسدج : قلب قلبي فين ، شكلها مشغوله مع نضال و نستنى
نايا : طيب بصى والنبى ارد عليه اقوله ايه
دانيه بضحك : قوليله قلب قلبك هي نفسها نضال بليز سماااح
نايا بنرفزه : اتفو عليكى امشي من هنا
دانيه : طيب امشي انا من غير مطرود
نايا : امشي امشي و مسكت الفون و اتصلت عليه الو
مهيمن : عامله ايه
نايا بتوتر : الحمدلله
مهيمن : قلبي مالها متوتره
نايا : لا مافيش
مهيمن : هعتبر ان مافيش المهم بقى انا هجلكم النهارده اطلبك رسمى من مامتك
نايا خوفها زاد تبلع رقها بصعوبه : م م ماشي
مهيمن بحده : نايا فيه ايه؟
نايا : معلش اصل تعبانه شويه
مهيمن : الف سلامه ، هسيبك تريحى و انا كلمت كرم و حددت معاه معاد
نايا : خلاص ماشي و قفلو
نايا تكلم نفسها : يالهووى طيب لما يجى و ميلقيش نضال ، يالهوى يالهوى و لو سأل ماما عن نضال ، يارب انا هعمل ايه دلوقتى
*****
اما عند دانيه اول ما روحت طلعت الفساتين و فضلت تقيس فيهم
فريده : مالك يا اختى ، الجنون وصل المخيخ
دانيه : مش عارفه ليه حبيته فجأه
فريده باستغراب: الفساتين !! سلامة عقلك
دانيه : بقولك حبيته ، واول مره اشوفك منزله الفون من ع ودنك من ساعة ما اتخطبتى ل شادي
فريده بهيام : اصله بيصلى ، اهو اتصل ( مشيت بعيد)
فريده : حبيبي دعتلى
شادي : يعتبر كل سجودى يخصك انتى
فريده : حبيبي ربنا يجمعنا مع بعض قريب
شادي : يارب الا انا خلاص همووت و اشوفك انتى وحشااانى بطريقه فظيعه
فريده : لا انت اللى واحشنى اكتر نفسي الف العالم كله و اقول يا بلد مافكيش عسل غير حبيبي
شادي بضحك : تعرفي لما نجيب بيبي هفضل احكيلهم عليكى و قد ايه حبيتك
فريده : و انا بقى هموووت و اشوف نسختك المصغره
و فضلو يحبو في بعض
دانيه كلمت فادي
دانيه بكسوف : الو
فادي بحده : الو
دانيه : ذوقك حلو اووى و بعد كده مش هلبس غير اللى انت تختاره
فادي : انتى بتحبينى اصلا
دانيه : فادي انا مهما اقولك ع اللى بيا مش هقدر اوصف حبي ليك دا انت اللى في الدنيا اللى ليا و عمرى ما يكملش الا بيك
فادي : لا انا كده هيحصلي حاجه كل الكلام ده و مره واحده طيب شيلى حبه ل بكره ، وحشتينى يا بنت الايه ، تعرفي كل ما اشوفك و اسمع صوتك كنت بتمنى انى كنت اعرفك من زمان يا بنت الايه بعشقك
دانيه من كتر الكسوف مش عارفه ترد :
فادي : شكلك قلبتى طمطمايه يا بت و الله انا كده مش عنيف في حبي عشان كل شويه تتكسفى
دانيه : انا كده اتأكدت انك مش زعلان سلام
فادي بضحك : سلام
دانيه قفلت و لقت فريده لسه بتتكلم
دانيه : يخربيت شكلك يا بنت انتى و لا بتزهقى و لا مخليه عندك دم الراجل يزهق منك ، حتى ام البطاريه دي مش بتفصل
فريده : الله اكبر
شادي : قوليلها خليكى في حالك
دانيه : نفسي اعرف بتجيبو الكلام ده كله من فين
فريده : ملكيش دعوه و اللى غيران مننا يعمل زينا
دانيه : انا اغير !!! ال اغير ال
********
في بيت ساره
ساره مامة نضال : يا حاج نضال بقالو اربع شهور و المفروض اجازته الايام دي
احمد ابو نضال : زمانه قرب يخلص المعسكر بتاعه
ساره بقلق : بس ده اتأخر اووى هو قال التدريب بتاعه اربع شهور
احمد : اول ما يخلص هينزل يعنى هيروح فين
ساره : يارب يجى بالسلامه الا ده واحشنى اوووى
احمد : يا وليه بطلى بقى هيرجع ان شاء الله ده كان تدريب بس
********
عند رنا
مدحت اخدها و روح و اول ما دخل من الباب فضل يضرب فيها
رنا : خلاص الله يخليك
امل : دي لازم تتربى كهربها
رنا : لا كهربا لا
عزه : حرام عليكم سيبوها كفايه كده و اخدتها و راحت بعيد عنهم
رنا : انا مش عارفه بيعمل معايا كده ليه انا خلاص مش قادره
عزه : انا لازم امشيكى من هنا في اقرب فرصه
رنا : ياريت انا والله عمرى ما هنسالك الجميل ده و اللى انتى عيزاه هعملهولك
عزه : ادينى رقم اهلك
رنا بخوف : اهلى لا بابا هيقتلنى
عزه : ايه اللى بتقوليه ده محدش هيحبك و ولا هيخاف عليكى اكتر من اهلك
(راحت جابت قلم و ورقه ) قولى كام الرقم
مدحت ينادي ع اخته : اعملى اكل خلينا نطفح
عزه رمتلها الورقه و القلم : انا هقوم اعملهم الاكل ليبهدلنى تبقي ادي الرقم لأي حد تشحتى منه
رنا كتبت بسرعه الرقم و خبته في هدومها بس ما كنتش عارفه هتتصرف ازاي
**********
في بيت نايا الباب يخبط
كرم يفتح : اهلا منورين البيت والله ، اتفضلو ودخل مهيمن و حنان و مريم
هاله طلعت سلمت عليهم و نايا فتحت باب اوضتها تبص عليهم و اول ما شافت مهيمن تنحت كان لابس بدله شيك جدا و ريحة البرفيوم واصله لحد عندها و كان قاعد فارد ضهره قاعد بكل ثقه و ليه هيبه ع وشه
بعد سلام بين الاهل و ترحيب
حنان : احنا جياين نطلب الانسه نايا لمهيمن
هاله : طبعا شرف لينا بس ممكن اعرف مهيمن شغال ايه
مهيمن : انا رائد و قائد حتى نضال بيشتغل معايا
هاله : نض
كرم يقاطع امه : طبعا الكابتن مهيمن غنى عن التعريف
هاله بصت ل كرم
كرم غمزلها
حنان : امال فين عروستنا
هاله : ثوانى اناديها و كمان تقول رأيها بنفسها (تدخل هاله ل نايا ) تعالى يا حبيبتى
نايا كانت اعصابها ادمرت اول ما سمعت اسم نضال : ماما بليز ولو حد من بره سأل ع نضال قولى خرج
هاله بدهشه : مش فاهمه حاجه ، بس انتى قلتي ماما ياااا انتى مبتقلهاش غير لما يكون في نصيبه
نايا بتوتر : ولا نصيبه ولا حاجه ،انا مكسوفه
هاله : يا بت يا شقيه انتى بتتكسفى
نايا : ايه يا ماميتو بقى بس عشا انا موحرجه اووى كمان
هاله : ماتتحرجيش تعالى ، شكلك تعرفيه اصلا يا مصيبه؟
نايا : اعرفه بس ! ده انا بعشق امه اللى بره دي عشان جبته ع وش الدنيا
هاله بضحك : مادام قلبتى بيئه يبقى الاحراج راح ، يالا بقى عشان مانتأخرش ع الناس
نايا : حاضر حاضر وراحت للمرايه ، كده فيه حاجه ناقصه
هاله بحب : ما شاء الله عليكى يا بنتى قمر ، اليوم ده انا مستنياه من زمان و حضنو بعض و طلعو
حنان : ماشاء الله
نايا كانت لابسه فستان سيمبل و حطه ميك اب خفيف
مهيمن انبهر بجمالها و قام سلم عليها ب ابتسامه و قعد
نايا سلمت ع حنان و مريم و قعدت
حنان : ايه رأيك يا عروسه
نايا بصت في الارض
كرم : انا بقول نقرا الفاتحه
كلهم قرأوها
كرم : كابتن مهيمن
مهيمن : من غير كابتن انا مهيمن بس يا دكتور كرم
الكل ضحكو
كرم بجديه : انا كمان عايز اخطب اختك
هاله تنحت
مهيمن بص ل مريم :
مريم مكسوفه و ساكته و بتلعب ف ايدها بتوتر
مهيمن : شكلها مش موافقه
مريم ترد بسرعه : لا لا موافقه
حنان بفرحه : مبروك يا حبيبي
هاله : ده انتو تعرفو بعض بقى ع العموم
لولولولولي ، ماشاء الله مريم رقيقه اووى
مريم بكسوف : ميرسي يا طنط
مهيمن طلع علبه قطيفه من جيبه و بص ل نايا : ممكن تقبلى منى الهديه دي
نايا اخدتها و فتحتها : وااااو ذوقك حلو اووى ( الهديه سلسله الماظ و نازل منها فصوص الماظ)
و فضلو مع بعض شويه و مشيو
نايا حمدت ربنا ان مهيمن مسألش ع نضال تانى
هاله : الشاب ده شكلك تعرفيه احكيلي كل حاجه
نايا فضلت تحكى لمامتها : انا اول مره شفته في كافيه و تانى مره عند كرم في العياده و ابتدينا نتكلم و فكره لما قلتلك في شاب عنده اصابه كان هو
هاله بزعل : كل ده من ورايا كنت فاكره اني انا اول واحده هتقوليلها
نايا : انتى حبيبتى يا ماميتو انتى عارفه الشغل مكنتش بفضى خالص معلش
هاله : المهم بقى هو كان بيعمل ايه عند كرم
نايا بتهرب : تصدقى معرفش
هاله : اوعي يكون مجنون
نايا : و افرض كان مجنون و اتعالج مش من حقه يحب و يتجوز
هاله : لا يا نايا مش من حقه يطلع جنانه ع بنات الناس
نايا : ماميتو اهدى كده فيه ايه انا بقول افرضي و اطمنى مهيمن طبيعى و شغال في القوات الخاصه يعنى سليم ١٠٠ في ال١٠٠
هاله : امال كان هناك بيعمل ايه و مين نضال ده صحيح
نايا : كان بيعمل ايه عند كرم ده بقى تعرفيه منه ، اما نضال و تسكت شويه و تكلم نفسها انا لحد امتى هفضل اكدب عشان كدبه افضل اكدب طول عمرى
هاله : انتى مالك فيكى ايه
نايا : مافيش يا ماما ، اسيبك انا و ادخل انام اصل من امبارح الساعه خمسه الصبح مانمتش و دلوقتى عشره بليل حرام كده انا بشر و لازم انام
هاله : مين نضال
نايا بتوتر : ده واحد صاحب كرم، مهيمن عرفه عن طريقه و قامت باستها تصبحى ع خير
هاله : ما تقولى كده من الصبح ، و انتى من اهله
**********
الصبح عند نايا
نايا : ماميتو سلاموز انا نازله
هاله : نايا انتى قلعتى السلسله و الدبله ليه
نايا : انتى عارفه طول الوقت قاعده في المختبر و ماينفعش البس اي حاجه
هاله : تبقى تعرفى خطيبك عشان لو شافك من غيرهم هيزعل
نايا : حاضر يا ست الكل و نزلت غيرت هدومها بسرعه في الشقه اللى تحتهم ( لبست هدوم مدنى و ع شعرها بروكه ) و لبست الغوزه عشان محدش يعرفها من الجيران و طلعت ركبت الاسكوتر اول ما وصلت و طلعت
نايا : لا اله الا الله انا ما صدقت مصطبحش ب وشك اشوفك اول واحد ع الصبح
عمرو : ده انا اللى صدقت خلصت من رخامتك و زقه
نايا : لا لا لا شكلك اخدت عليا و مسكته من هدومه
فادي يدخل : يالهووووي هو انتو مش بتزهقو
عمرو بضحك : و الله هو اللى بينكشنى
نايا : هو ده اللى بناخده منك روح اتكل ع الله
مهيمن يطلع من المكتب بتاعه كلهم يقفو انتباه
نايا بتحاول تتمالك اعصابها هي كانت متعوده تشوف مهيمن لابس لبس القوات الميرى اما دلوقتى لابس مدنى و كلاسيك و شيك جدا
مهيمن : هو انتو الاتنين نائر و نئير ع طول
نايا تشاور ع عمرو و عمرو يشاور ع نايا و يقوله في نفس الوقت: هو اللى ابتدا الاول
مهيمن : و الله لو في كي جي ماكنوش هيعملو كده ، اتفضلو قدامى اوريكم المكتب قصدى ورايا لخبطتونى
و دخلهم مكتبهم كل تلاته في مكتب نايا و فادي و عمرو
مهيمن : النهارده هعرفكم الشغل ماشي ازاي هنا و من بكره هتطلعو عمليه ممكن انتو التلاته و ممكن اتنين بس لسه هشوف بالظبط و مشي
*********
عند رنا تلبس الجلابيه و النقاب و تنزل مع مدحت لحد الاشاره
رنا كانت لما الاشاره بتقف تروح تشحت بس المره دي مركزه في وشوش الناس عشان تدي الورقه لحد و من خوفها ان مدحت او اي حد يشوفها ماكانتش عارفه تطلع الورقه اللي فيها رقم باباها
******
عند فوزى
كان واقف مع نضال
فوزى : لسه يابنى مش فاكر حاجه
نضال : ولا اي شئ
فوزى : يا رب تكون مرتاح في شغلك معايا
نضال : الحمد لله
و فجأه نضال شد فوزى وراه و دخله العربيه بسرعه جدا و جرى ع شاب ع موتوسيكل اخد منه سلاح رماه و نزله من ع الموتوسيكل و فضل يضربه، فوزى نزل من العربيه و راح عند الشاب اللى بيضربه نضال
فوزى : انت مين و ليه كنت هتموتنى
الشاب مش بيتكلم
نضال : انطق ل اموتك مين بعتك يلا
الشاب :-
نضال : انا هخليك تعرف تتكلم ياروح امك و ربط رجله في العربيه من ورا و ركب العربيه ها هتتكلم ولا اخلى دمك يسلم ع شوارع اسكندريه كلها
الشاب : هقول كل حاجه
فوزى كان مستغرب من سرعة بديهة و افعال نضال و لياقته العاليه تدل انه مش شخص عادي ده عارف بيعمل ايه و كويس اووى
الشاب : شريكك هو اللى بعتنى اخلص منك عشان الشركه تبقى كلها ليه هو
فوزى : بس ازاي ، انا حتى لو مت ليا ورثه
الشاب : هو هيزور انك بعت ليه نصيبك
فوزى : لا اله الا الله ، هو في كده
نضال : انا هبلغ الشرطه و فعلا بلغ و قبضو عليه و ع شريكه
فوزى بيكلم ويزو : شفتى ابو احمد اللى كان خطيبك عامل ايه معايا ، وفضل يحكلها
ويزو : و انا اللى كنت مستغربه ان احمد ازاي يعمل كده معايا و يتجوزنى بس عشان خاطر فلوسي ما هو تربيه قذره
فوزى : الحمد لله ان عبود كان واقف معايا هو اللى لحقنى مش عارف لو مكانش معايا كان زمانى فين و انتم حصلكم ايه ، كتر خيرك يابنى
نضال : ماتقولش كده يا فوزى بيه ده اقل حاجه اعملها معاكم ده انتو جمايلكم مغرقانى
فوزى : بس انا ملاحظ انك مش شاب عادي عندك لياقه بدنيه عاليه جدا و اللى عملته مع الولد و سرعة اتخاذك للقرارات باين اووى انك متدرب ع كده
نضال : الله اعلم
ويزو بصوت واطى ل باباها : مش قولتلك يا بابا انا حاسه انه انسان كويس و صادق
فوزى : عندك حق و انا كمان لو كنت شكيت فيه مكنتش قعدته في بيتى كل ده
******
في القوات الخاصه
مهيمن نادى العسكرى : ابعتلى نضال و عمرو و فادي
العسكرى : تمام يا فندم
و راحلهم بلغهم و راحو ل مهيمن
كلهم : خير يا كابتن
مهيمن : اتفضلو الاول خدو نفسكم و شوفو عايزين تشربو ايه و قولو للعسكرى
كلهم طلبو قهوه
مهيمن : بصو في عمليه بكره ع طياره خاصه عايز اتنين
نايا : اوعي تقول هنسوق الطياره
مهيمن : و افرض تسوق ماتعرفش
نايا : لا بعد كل التدريبات دي و في الاخر اسوق طياره و كمان خاصه و ربنا اعيط
مهيمن : لا متعيطش يا بتاع المخاطر ركزو معايا ، فيه مسئول اسرائيلى مسافر في الطياره دي و معاه واحد هيكون ما بينهم اجتماع ع الطياره و هيقولو كلام مهم و فيه معلومات عن مكان ورق احنا محتاجينه ، ف محتاج حد فيكم بيسمع دبة النمله و يسجل كل كلامهم في دماغه
عمرو : نضال بيحفظ اي حاجه بسرعه
نايا بغيظ منه : جبت سيرتى ليه حرام عليك
مهيمن : تمام نضال و عايز حد يكون معاه ياخد باله من تصرفاتهم
نايا : انت يا كابتن بتسمع دبة النمله مش انا
مهيمن : ماهو انا مكنتش محتاج سيادتك تعرفنى انى بسمع حلو ، و للاسف مقدرش اطلع انا المهمه دي عشان لازم يكون فيها بنت و انا مش بطلع اي عمليه فيها بنات
نايا باستغراب : و يكون فيها بنت ليه
مهيمن : لازم يكون فيه مضيفه
نايا : اها ، طيب لو قولتلك موضوع المضيفه اتحل تطلع انت معايا
مهيمن ب استغراب : و اتحل ازاي
نايا : انا هعمل نفسي المضيفه
فادي اتصدم و تنح
مهيمن مستغرب
عمرو بضحك : و الله هتبقى موزه جامد اتكل ع الله
مهيمن : طيب فهمنى اكتر
نايا : بص حضرتك انا ممكن احفظ اي كلام عادي بس اسمع دبة النمله هيبقى صعب و كمان هقرب منهم ازاي عشان اسمع غير لو انا بنفسي بقيت المضيفه
مهيمن بضحك : انت صح و انا هكون معاك عشان لما تبعد اركز انا معاهم ،لان مش هتكون لازق فيهم طول الرحله و عملو شيك هاند
مهيمن : حضر اقصد حضري نفسك بكره يا انسه منال الساعه ٤ الفجر عشان عقبال ما نحضر نفسنا و نتصور باليونى فورم و نطلع الطياره الساعه تمانيه صباحا
نايا بسهوكه : احم احم تمام يا فندااام
و طلعو من المكتب
فادي بعصبيه : انتى مش هتبطلى جنانك ده
نايا : فادي اهدا انا خلاص هكمل ، و ان شاء الله مهيمن مش هيعرف
فادي بعصبيه اكتر : براحتك يا نايا بدماغك الناشفه دي و مهيمن قال مش بيقبل ب اي عمليه فيها بنات مابالك بقى حبيبته
نايا : لو سمحت متوترنيش
فادى : بس افتكرى انى حذرتك
و مشي و سابها
نايا كانت متوتره : طيب هقوله ايه و ازاي يا رب
و كلهم روحو
*******
عند رنا
حاولت تطلع الورقه و مسكتها في ايدها و اول ما الاشاره وقفت جريت ع عربية بتسوقها بنت شكلها محترم
رنا : مدام لو سمحتى ممكن اطلب منك طلب
البنت ماسكت شنطتها و بتطلع فلوس
رنا : و انتى بتطلعى الفلوس اسمعينى الله يخليكى و مطلعيش ايدك من الشنطه غير لما اخلص كلامى
البنت باستغراب : هو فيه ايه!
رنا : انا واحد خطفنى من اهلى و وقفنى هنا و بيراقبنى و مش عارفة اهرب منه بالله عليكى اتصلي ب الرقم اللى في الورقه و رمتها ليها في العربيه قوليلهم ان انا بقف هنا كل يوم من الساعه سبعه الصبح لحد تسعه بليل و انا والله هخلى بابى يديكى كل الفلوس اللى انتى عيزاها و معلش طلعى ايدك دلوقتى و ادينى فلوس
البنت طلعت ايدها و ادتها عشرين جنيه رنا اخدتها و لسه هتروح لعربيه تانى كانت الاشاره فتحت
********
عند نايا اتصلت ب مهيمن
نايا بمرح : حبيبي عامل ايه
مهيمن : طول ما انتى مبسوطه انا مبسوط و كويس جدا
نايا : تحب تتفرج ع ماتش النهارده
مهيمن : انتى ليكى في الكوره كمان
نايا : امال ايه ، وغير كده ده المنتخب و كاس العالم
مهيمن : اووكى اجيلك الساعه كام
نايا : الماتش ع تمانيه اتغدا و نام شويه و لما تصحى تعالى ، اه صحيح انا عارفه الرجاله لو نامو بينسو نفسهم ع سته و نص عشان نلحق مكان
مهيمن بضحك : كويس انك عارفه عشان متتصدميش بعد كده
نايا : عارفه عارفه ما عندى منه
مهيمن بأبتسامه : ماشي يا قلبي بس انا بختلف عن اي حد و مش بنام كتير
نايا بحب : طبعا انت غير اي حد كفايه انك ملكت قلبي
مهيمن : انتى بقى ملكتي حياتي كلها ر بنا مايحرمنيش منك ابدا
نايا : ولا يحرمني منك
*****
البنت اللى اخدت الرقم من رنا كانت خايفه جدا تتصل ب الرقم
*******
عند رنا راحت ل مدحت
رنا بتعب : مدحت انا تعبانه اووى و مش قادره اقف حاسه هقع من طولى
مدحت بحده : غورى اقفى مكانك
رنا كانت حاسه انها روحها بتتسحب منها بس من خوفها من مدحت راحت عند الاشاره بس ماكنتش قادره تمشي بسرعه و كانت عقبال ما تروح للعربيه الاشاره تفتح
راح عندها مدحت شدها : و الله ل اربيكى بتدلعى يا بنت .....
رنا بخوف و دموع : و الله انا تعبانه مش بتدلع خلاص سبنى اروح اقف
مدحت فضل يشدها لحد البيت
********
عند البنت تقرر تتصل ب فوزى
البنت بخوف : السلام عليكم
فوزى : وعليكم السلام
البنت : ل حضرتك بنت اسمها رنا مخطوفه
فوزى قلبه يدق ويقول بلهفه : ايوه عندى بنت اسمها رنا بس مش مخطوفه
البنت : سورى يبقى الرقم غلط
فوزى : يا انسه استنى هي المفروض متجوزه و مشيت مع جوزها و منعرفش هي فين ، هي مالها طيب
البنت : بص حضرتك في واحده ادتنى الرقم ده و قالتلى اقولكم انها واقفه عند اشاره بتشخت من الساعه سبعه لحد الساعه تسعه و اللى خطفها بيعذبها ع طول و بيراقبها دايما و مش عارفه تهرب منه و بتقولك ياريت تروح تاخدها من عند الاشاره و هي بتبقى لابسه جلابيه سوده و نقاب
فوزى بوجع في قلبه : شكرا ل حضرتك بس ممكن اقابلك بكره الساعه تسعه و تكونى معايا تشورى عليها
البنت كانت خايفه :-
فوزى : يا بنتى انا حاسس انك خايفه و من حقك بس انا راجل اعمال كبير و تعالى بكره عند الشركه و اسألى عليا و ننزل مع بعض لما تتأكدى انى مش هأذيكى
البنت : خلاص ماشي و ادالها عنوان الشركه
*****
عند مامة نضال
ساره : انت يا راجل روح اسأل ع ابنك
احمد : انتى لازم تقلقى الواحد خلاص هبقى اروح الصبح
*******
عند رنا اول ما دخلت البيت فضل مدحت يضربها ضرب جامد و وصل الكهربا و فضل يكهربها
عزه بصويت : حرام عليك
امل بضحك و شماته : احسن كهربها تانى
عزه اتخانقت مع امل : انتى ايه ! منك لله ، حسبي الله ونعم الوكيل فيكى ، ابعدى عننا يا شيخه من ساعة ما دخلتى حياتنا دمرتيها
رنا جالها نزيف جامد و فقدت الوعي
عزه راحت ل رنا : رنا رنا مالك يا حبيبتى ، بصت ل اخوها عاجبك كده موتها
امل ممرضه بصت عليها : دي مماتتش دي اغمى عليها يا حنينه
عزه : امال ايه النزيف ده كله
امل ببرود : شكلها كانت حامل و سقطت
عزه : مدحت هات دكتور بسرعه رنا بتموت
امل : انتى هبله يا بت دكتور مين اللى يجى انتى عايزه تحبسينا
مدحت بخوف : بس لو ماتت هيبقى فيه مسؤليه علينا
امل بتحرك عينيها و ايدها : ما تقلقش يا حنين انا هسقطها و هنضفلها رحمها وسع انت كده و انتى يا عنيا تعالى سعدينى و لا هتتفرجى عليا كتير
عزه واقفت تساعدها و اول ما نزل البيبي : دي كانت شكلها حامل في شهرين
مدحت : عشان كده كانت بتقول انا دايخه و تعبانه
امل : نعم نعم يا حبيبي هي هتصعب عليك ولا ايه ولا ميكونش صعبان عليك العيل
عزه : انتى ايه اكيد شيطان مش بشر ابدا ولا شكل البودره لسعت دماغك خالص مابقاش عندك رحمه للدرجه دي فيها ايه لما يزعل ع لحمه و حته منه
امل حست ان مدحت متعاطف مع كلام اخته تقول بمسكنه و تمثيل : شايف اختك يا مدحت بتقولى ايه
مدحت : بت انتى ملكيش دعوه ب امل خالص
رنا بتفوق : اااه انا فين
عزه : ماتقلقيش يا رنا انتى كويسه الحمدلله
امل : عشان تعرفي انى حونينه روحى هاتلها ربع كيلو رجول فراخ تقوت نفسها بيهم
عزه : لا واضح الحنيه يا حنينه و راحت جابتلها ربع فرخة و سوتهلها و عملتلها شوربة خضار و راحتلها تأكلها
رنا بتعب : مش قادره اكل ، وحاسه اخر بطنى بوجع فظيع اووى
عزه ب اسف و زعل : معلش اصل انتى سقطتى
رنا سكتت و عيطت
عزه : معلش ربنا هيعوضك ب احسن منه
رنا : الحمدلله ، انا بحمد ربنا ان مش هيبقى ليا بيبي من البنى ادم ده
عزه : و الله مدحت كان طيب ، بس منها لله التعبان اللى لحست دماغه بالمخدرات و افكارها الشيطانيه
رنا : انا عايزه انام
امل تقرب عليهم : ياريت بقى تبطلى كهن و تستعدى تنزلى من بكره الشغل
عزه : انتى ايه مافيش رحمه خالص هتنزل ازاي و هي تعبانه
رنا بثقه ان باباها هينقذها : اه ما انا عارفه هنزل ان شاء الله و بتدعي في سرها ان البنت تكون كلمت باباها
عزه بنرفزه : والله ما هتنزل بكره انتو ايه
رنا تبص ل عزه : بس يا عزه انا هنزل اسكتى
عزه : انا مابقتش اخاف منكم و بصت ل رنا و مش هتنزلى يا رنا و لما نشوف اخرتها معاكى ايه يا راس الشيطان
امل شدتها : و لا تزعلى نفسك يا عنيها هتنزلى انتى بدالها بكره و اخدتها بعيد عن رنا
رنا فضلت تنادي : يا عزه يا عزه مالكيش دعوه سيبينى انزل انا كويسه و بعد ما فقدت الامل الوحيد فضلت تعيط يارب ايه الحظ ده
أنت تقرأ
رواية معشوقتي المجنونة الجزء الاول كامله
Adventureالمقدمة هي ليست متهوره في لحظاتها المصيرية .. لكنها تصبح مجنونة بسبب افعالها عندما يتعلق الامر ب اصدقائها الذين هم اغلى ما تملك .. و يتحكم عقلها بها عندما تكون مع حبيبها االذي ولد من رحم التهور .. ولكن مع نفسها وتوأمها يتحكم بها واقعها الذي يحجب رقت...
