لاجئة حطت على شواطئ قلبي / الكاتبة منال منولة

لاجئة

الحلقة 14 

في هذاك الوقت ناضت من بلاصتها وتمشات من اتجاه البانيو .. دخلت وبقات تشوف في روحها فالمرايا يعني وجها مكانش مضروب ولا حاجة وزيد كف صغير فقط .. بعدها حلت الماء و غسلت وجهااا .. اول ماكملت حطت المنشفة وراحت تتمشى بخطوات بطيئة للصالون وقت دخلت صارت تمتم

_ الله ياخذك ياحق ويريحني منك

في تلك الاثناء رفع نظراته وشاف فيها بينما هي تجاهلته تماما وجبدت الكرسي وقعدت بحذى منال وبقات تاكل ولكن لطفي كان يحاول يدارك الامور على قد ما يقدر .. وليس هذا فحسب هو استعرف انه ماعندوش حق ييمد يدو عليهاا ..

لمهم قعدو يفطرو ..في صمت بليغ ومرت 10 دقائق جبد الكرسي وناض كيما لعادة هو الاول ولكن كان عنده سبب ..خرج من الكوزينة و دخل لشومبرتو وبقااا يخمل فالصاك نتاعو ويشوف واش ناقص ..مرت الوقت كان وجد كلشي ..

بعدها حط الصاك على جنب وخرج متوجه مرة اخرى للصالون ..وين كانوا هوما تاني كملوا الفطور هذاك الى كان من فوق القلب بحيث سارا كانت تلم فالاطباق بينما منال قاعدة

لطفى ( شاف في سارا ولكن هي تجاهلاته مرة اخرى بحيث قرر يخليها براحتها.. قعد حذا منال ..وحط يده على كتفها ) غدوة راني خارج ديبلاسمون ياك ..

منال (حطت الكاس على الطابلة وقالت بنبرة حنينة ) ربي يرجعك بالسلامة

لطفي (باس راس منال ووقف ) راني خليتلك دراهم فالخزانة كاش ما تحتاجوا ولاني خارج بكري غدوة قلت نخبرك من ضرك باه تديري حسابك واذا محتاجين اي حاجة خبريني ضرك

منال ( بقات تتفكر ) اذا كاش ماتفكرت راني نقولك

لطفي ( كان يوصي ويعاود ) اتهلاو في رواحكم صحا وكاش ما يصرى راكي عارفة عيطيلي برك

منال( تبسمت ولكن وراء الابتسامة الكثير من الدموع فهي تخاف عليه بزاف كي يخرج هكا ) ربي يحميكم ويرجعكم سالمين ..

لطفي بعدما طمن عليهم وقف من مكانه و رفد المفاتيح تاعو ..بعدها بقى يشوف في سارا ولكن كانت فالكوزينة ماحبش يزيد الطنة بلة عليها ولهذا كمل طريقه حل الباب وخرج ..

سارا ( اول ما شافت الباب تغلق رجعت لعند منال وقررت تسالها ) .. وين رايح المجنون هاد

منال ( مسحت دموعها ) عندهم مهمة برا المدينة فالحدود

سارا ( لما شافت دموع غاضتها بزاف وقررت تسال ) شو بيعملو هنيك

منال ( هزت كتافها ) ممم كاين مهربين فالحدود ..ارهابيين ولطفي ديما تخرجولو هكااا خطرو لاخطرتين فالشهر .. قوليلي بدى لمسلسل هذاك

سارا ( سرحت شوي ولكن صوت منال رجعها للواقع ) بده 5 دقايق او اكثر .. رح روح اجلي الجليات وارجع