أين انت

20__ للاخيرررررر

اسمع علوش يبجي سوده عليه وليدي ماحويتك التهيت اريد اونس نفسي استاهل الي يصير بيه ..
كالت راح اشوف علي وانتي اسكتي علما نشوف حل لهاي المصيبه ...

ضليت بمكاني كلبي يتكطع من الالم ابجي بحركه كمت كوه غيرت ملابسي مال الكليه لبست تراك طويل انصدمت بجسمي الحزام متفنن بجسمي افخاذي مزلغه ..
الم ماينوصف للعدو ما اتمنى ... عبالي من خلصت من سعديه هاي اخر مره انكتل الظاهر طول عمري راح ابقه تحت رحمه بني ادم
سمعت الاذان يأذن مال المغرب كمت توضيت وصليت بس اسحل بروحي سحل ....كملت وكعدت انتظر مصيري المجهول ....

شوي واسمع صوت السياره مال عمار
هنا انتهيت اول مره تلزمني هيج رجفه مثل السعفه...
اباوع على الباب منتظره مصيري شراح يحكم عليه عمار ...
شفته اقترب يفتح بالباب اني كاعده وحاضنه رجليه وظهري على الحايط ..
دخل وسد الباب ورا ماباوع بوجهي ابد نزع ملابسه جاي يعلك بيهن ...
ماادري منين اجتني القوه كمت حضنته من ورا اريد احجي وافهمه بس ارجف حيل
دفعني حيل وكعت على ظهري وهن فقراتي يوجعني منا....

التفت عليه كالي ديربالج تجين صوبي المثلج حرام اخليهه يمي .. بس ماعندج احد وين تولين...

اباوعله بدموع ونظرت ندم...
لاتباوعين هيج ...جبت كل عمري ادافعلج واحميج حته من نفسي
بس الصوج موبيج بيه اني الي انطيتج اكبر من حجمج
اني الي بعت كلشي علمودج
ما استحيتي تتغزلين برجال غيري ولج براعم لواخلي طلقه براسج اكو احد يلومني..
الله ينتقم منج ان شاء الله ..

عافني وطلع بعد مارش عليه هاي الكلمات الي ما انساهه ابد ...
بجيت لمن متت شسوي ياربي وين اروح" ماعندي احد لا ام لا اب لا اخ وين تنطين وجهج يابراعم..
رغم عصبيته بس اعرف عمار جاي يضغط على نفسه حتى مايأذيني ...

قررت انزل ليجوا اريد اشوف ابني من البارحه ماشايفته جان نايم ...
نزلت كوه امشي على الدرج جسمي مكسر بس متعوده من صغري على الكتل..
لكيته يلعب حبيبي ويناغي شلته بحضني اشتم بي يباوعلي مستغرب عبالك يحس بيه ..خاله زهره بالمطبخ والبنات يم خاله نهله لان انتقلت للبيت جديد وراحن يساعدنهه...
كعدت وخليت علي بحضني ابوس بي ..فززني صوت عمار ... يمه ممنوع براعم تشيل علاوي

اجت خاله زهره مفزوعه..حرام يمه امه هاي هالطفل شعلي بمشاكلكم
..هاي ام بنظرج تدري بي شياكل شيشرب ؟ سأليهه باسته يله راحت تتونس؟
يا ام تحجين عليهه والله لو ما اخاف الله الا ارجعهه منين ماجبتهه ..

نزلت راسي ودموعي غركن خدي وعلي يمسح بيهن بايده الصغيره بجيت بصوت بحرقه كلب
صاح بيه عوفي الولد واصعدي فوك لا اخذج سحل ...
رادت تدخل خاله زهره وماقبل كالهه والله احركهه اذا دافعتي عنهه...

صعدت حتى ماتعشيت ولا صاحني على العشا ضليت بمكاني ابجي لحدما تعبت وغفيت من التعب على الكاع...