أين انت

11_ 20

#البارت احدى عشر
# اين انت
#Rozaya

فجأه انفتح الباب انصدمت صدمه عمري كمت ارجع ليورا ازحف زحف انحصرت بين الحايط ورجلينه ما اكدر ارفع راسي واشوفه دب الخوف بحسمي بكل مكان نفس النظرات ونفس الواير بأيده الساني انعكد اريد احجي اريد اتوسل ما اكدر انعاد شريط طفولتي بلحظه والعذاب الشفته...

كمت اردد الهي بحبيبك محمد ساعدني انقذني بوسط دموعي ونظرات التوسل والساني الي مانطق بحرف واحد... صوت الواير رن بأذاني حسيت بحراره وقوة الضربه على رجليه صحت بصوت عالي اااخ يابه عبالك هنا انطيته اشاره بدت الضربات تتوالى عليه بكل مكان اتوسل بي عمي الله يخليك مامسويه شي... الله يخليك عوفني ...لحدما احس صوتي بده يختفي انتهيت بأيد ضالم ما صان بنت اخو اليتيمه ليش شنو السويته؟؟شنو ذنبي؟؟

حسيت البلل بملابسي رحت بعالم ثاني اسمع صوت ضحكته عالي واكو احد يمه مادري منو يكوله شوف ماتحملت بنت الزنا وبللت نفسهه ....

هاي الكلمات ضلت ترن بأذاني لهذا اليوم اذا جنت احاول استعيد نفسي هسه انتهيت ياريتني ميته جوا ايده وخلصانه... شنو من قساوه شايله كلوبكم شنو شسويت وتكرهوني هلكد؟؟
سمعت صوت الباب انسد بس اني لا حول ولاقوه لا اكدر افتح عيني ولا اكدر احرك جسمي وينك عمار تعال ساعدني ما وجعك كلبك عليع ما حسيت جاي اتألم ......

غفيت بمكاني ما اعرف فقدت ما اعرف شكد مر الوقت بس حسيت بمي بارد ثلج على جسمي كوه افتح بعيني واسدهه شفت سعديه مدري اتخايلهه شوي شوي وضحت الرؤيه عندي ...
اي هاي سعديه اليوم ناويين يقضون عليه بدموع بائسه ونظرات توسل كتلهه عمه فدوه ساعديني والله مامسويه شي حبابه عمه ...بعدني اتوسل بيهه اجتني الضربه على حلكي خلت شفايفي تجري دم وتجر بشعري وكعدت كبالي يابنت وداد ما اطلعين صاحيه منا اذا ما ادمر حياتج وخلي نشوف شراح يسوون خوالج ..وداد الي اخذت الاكو والماكو اخذت ورثنه وخلتنه نشتغل فلاليح عدهه وبكاعهه وتريديني ارحمج ...حيل دفعتني نضرب راسي بالحايط ... تتنازلين عن شكو حصه الج واذا ماسويتي الي نكلج علي تبقين تحت رحمته عمرج كله موعبالج حاميه ضهرج بالنقيب ابن خالج ضحكت باستهزاء وطلعت....ما اعتقد دموعي وتوسلاتي تجيب نتيجه ماكو غير الموت يخلصني من ايدهم ولك عمار اروحلك فدوه تعال ولج بيبي ادعيلي راح اموت ...
كمت احتاج الحمام كل دقيقه وماكو مكان اطلع اتوسل لحدما اموت ومحد يفتح الباب استحقرت نفسي حيل وكرهتهه بهاي الحاله عمري 18 سنه واني كل دقيقه ابلل نفسي لواكو شي يمي بهذيج اللحظه ما اتردد ابد بقتل نفسي...
حسيت بذله بس الله يعلم بيهه..

مر يوم كامل كل شوي تجي سعديه لورجلهه جاسم  لوعمي مروان وحارث ينطوني حصتي من الكتل ويرحون بعد حيل ماعندي حتى من يكتلوني  بأبشع الطرق ما اتحرك ابد ولا ادافع عن نفسي لان قوه ماعندي ..يكلولي مانعوفج اذا متبللين نفسج اني اريد اخلص من الكتل بسرعه اسويهه حتى يعوفوني
ما اكدر اوصف شعوري بأي كلمه لو اجمع حروف اللغه ما توصف قطره من الحسيت بي ما انطوني اكل حته مي ماكو احس احشائي تتكطع من الجوع والعطش...