#البارت العشرون
#اين انت
مساء الورد🌹
#Rozaya
طلع التليفون من المحفظه انقطع الاتصال تليفون عادي نوكيا احمر ...كلبي راح يوكف ونظرات الاتهام عليه شايل التليفون بيده ويأشر بي
..شنو هذا براعم؟منين جبتي
... ما ماادري والله هستوني شفته!
...كعد على السرير يكلب بي واني بالجهه الثانيه واكفه ارجف مثل السعفه اردد ايات بكلبي الله يخلصني من هاي المصيبه...
لحظات قاتله صوت عمار رج الغرفه ولج براعم شمسويه؟ منيلج هذا ؟؟
اجاني مثل البرق ماحسيت غير ايده سحبت شالي والدنبوس فات بركبتي... ما اميز الكلام الي يكوله لحظه ماانساهه طول عمري الرجفه تملكتني الساني انعكد اريد احجي ما اكدر.. ضربني راشدي وكعت على حافه الجربايه اجت الضربه بلفقرات الاخيره بظهري صحت ااااخ يابه.....
تقرب عليه مره ثانيه ضميت وجهي بأيدي...
بسرعه عافني وطلع قفل الباب ورا اريد ارفع نفسي ما اكدر ضهري احسه انفتح بالنص وين جانت مضمومه الج يابراعم؟شجاي يصير ياربي؟؟
ضليت الوب بمكاني محد اجاني حتى خاله زهره ما اجت وشافتني اكيد هو منعهه تصعد فوك....
مرت تقريبا نص ساعه او اكثر اني على كعدتي والالم يكطع بيه...
حركه القفل اخذت روحي انفتح الباب ماشفت عمار كدامي شفت انسان ثاني عباره عن كتله من نار
رجع قفله وتقرب عليه كعد بمستواي باوع بوجهي نظرات لسه تهز بذاكرتي نظره الم وخذلان ...
فتح التليفون وخلا كدامي حجه بنبره مهزوزه وكلهه الم..
عفيه بأم ابني عفيه برفعه راسي" علاقه عندج سنتين واني نايم على اذني..
عيوني غركانه دموع بس اهز براسي بمعنى لا الرجفه مسيطره عليه ...اريد احجي ادافع عن نفسي ياربي ساعدني...جانت هاي الكلمات الوحيده الي اردد بيهه بس الواكف كدامي موعمار شخص ثاني مارحمني ابد ..
يضربني بكل قوته وكأنما كدامه حيوانه غير السب والشتم ...
اول مره يضربني مافكرت بيوم يكتلني بهالقساوه هاي ...
تعبت مااكدر اقاوم بعد ضليت بس اون ..
شمر الحزام على الجربايه واخذ التليفون بيده وطلع ضليت اتلوى من الالم بالكاع اندب حظي الأغبر وين جانت مضمومه هاي؟؟؟
اريد واحد يساعدني ماكو؟؟ وين راحت خاله زهره ابني وين؟شسويتي بروحج براعم شي ما يفوت العقل شنو الجاي يصير ؟
راسي مخليته بلكاع واتعذب سمعت صوت خاله زهره تصيح براعم وادك بالباب ...
على كيف زحفت للباب كتلهه خاله ساعديني عمار كتلني واني بريئه خاله اروحلج فدوه ساعديني!!
اسمعهه تبجي وتلوم بيه مبينه تدري..
ليش يابراعم نزلتي راسه ولج خلص عمره يحميج صرف دم كلبه عليج وانتي هيج تجازي ليش يابنتي بشنو قصرنه وياج؟؟
خاله لااتهموني والله بريئه ما اعرف منين التليفون ومنو ورطني هيج
ابوس ايدج يمه ساعديني عمار موتني تموت ...
YOU ARE READING
أين انت
Romanceقصه للكاتبه rose .. كاتبه جديدة وتحتاج دعمكم.. رجاءا قصةٌ تذوب الروح فيها وتولد من جديد.. قصةِ سقم ودواء..فرح وبكاء..عتمة ونور.. كل شيء في تضاد والفرحة مخدر وقتي فيها.. يتم..ظلم..عتمة ثم نور..فهل يبستم الحظ لها ياترى!! #Rose
