Lost Soul

Part 3

سول(على صوتها غصب عنها):انا مش فاهمه انت عايز ايه منى

(رمى كيوهيون كاس الواين فى الارض بعنف وقام اتحرك بسرعه ضمت سول رجليها بخوف..بصلها  بدون اى ملامح على وشه شكله كان مخيف عينه ميته مش نفس كيوهيون الى كان من ثوانى ده كان شخص افظع كمان..اتكلم بصوت جمدها من الرعب)

كيوهيون:انا لو سمعتك بتسألى حاجه تانيه او صوتك على هخليكى تتمنى الموت ومش هتطوليه
(حرك كيوهيون رقبته بتعب وخرج من المكتب..كانت سول متجمده مكانها سحبت نفسها لاوضتها ومقدرتش تكمل لغايه السرير وقعت على الارض وعيطت .. ماكنتش متوقعه انها  تعيسه  معاه.. هى ازاى كانت شيفاه مختلف ازاى صارحته بالى جواها وازاى وافقت تتجوزه كانت فاكره ان كابوسها هينتهى مع ميونج سو بس ما تعرفش ان دة كابوس هتعيش فيه طول حياتها ..طب لو راحت قالت لوالدها اكيد مش هيصدقها زى ما قال ولو اتكلمت حتى مع والدها يشوف حل هتكون ساعتها فتحت على نفسها ابواب جهنم لو ما سبتهوش ..طب تهرب بس وقتها هيبقى ابوها وهو بيدوروا عليها ولو لقوهها كيوهيون مش هيسيبها فى حالها ولو حاولت تنتحر وعاشت برضه مش هيرحمها بس وقتها يمكن والدها يصدق اى حاجه تقولها طب لو راحت لبوران هيتفم الموضوع هيساعدها تشرح لوالدها ...كل كلمه قالها ميونج سو بقت بتكرر ..يعنى كانت نظره النجده الى بصهالها يوم ما طلب ايديها كانت مجرد طلب علشان يحقق اهدافه فى الشغل..هى كانت جاهله اوى ليه قصاده ..الافكار اتزاحمت من اول يوم شافته لغايه اليوم ده اى يوم كان فى مشاعره صادقه ولا كلها من البدايه فعلا كدب ..الوقت عدى والارهاق الى احتل جسمها خلوها تنام بسرعه..تانى يوم صحيت على صوت فى الاوضه قامت لقته قاعد على كرسى وماسك فنجان القهوه..اتكومت سول على نفسها وهى بصاله وهو فى منتهى البرود)
كيوهيون:صحيتى متأخر
(فضلت بصاله بشرود كانت تايهه)
سول:انت مش هتروح الشغل
كيوهيون:اجازه علشان المفروض شهر العسل
(ابتسم كيوهيون بسخريه)
كيوهيون:خشى غيرى هدومك وانزلى تحت علشان نفطر
(قامت سول من على السرير وراحت ناحيته وركعت على رجلها )
سول:اشمعنى انا
(بصلها كيوهيون بصدمه ..دموعها نزلت على خدها مسحتها بسرعه وكررت سؤالها)
كيوهيون:انتى شبهها ودلوقتى اثبتيلى اكتر فاكتر انك شبهها
(قامت سول بعصبيه واتكلمت بصوت مخنوق)
سول:انت بتقارنى بمين..وايا كان وجودها انا كل الى عملته انى حبيتك
(قام كيوهيون من الكرسى بتاعه بعصبيه وشدها من ايديها جامد صرخت سول من ضغطت ايده سحبها الدور التالت ودخل اوضته ..حاولت تفلت من ايده لغايه ما هو زقها على الحيطه بعنف وراح جاب صوره امه ورماها فى وشها)
كيوهيون:انتى شبهها ..بقارنك بيها هي
(اتكلمت سول بحرقه)
سول:بس انا مش هى
كيوهيون:انتى هتبقى النسخه الافظع منها
سول:ما تحكمش عليا من غير اسباب
كيوهيون:السبب الاول انتى ما بتثقيش فيا
(صرخت سول غصب عنها غمضت عنيها بألم ..وهمست)
سول:مستحيل اثق فيك وانت فى حالتك دى