رجل تحت الحظر"مكتمله"

الحلقه_56

شايله الورود ..

لغالي قديم مجدده الوعود

اللي أديرها فالدنيا الها مردود

عالكذب والخونه واخذه تاريتك..

مش مصدق روحي ..

كيف صار مش كنتي دواء لجروحي

وكنتي أحلامي ومسندي وطموحي

وجيتي بجرحك نا اللي داويتك..

مش كنتي غلايا ..

مش كنتي يوم ما تغفي بلايا

فراقك شين نارك في حشايا

تحرق في وين معاه ريتك ..

ليش حبيتيني ..

وليش قلتي كل الغلاء تعطيني

غيرتي حياتي ودنيتي وأسنيني بعمري وروحي بخاطري وديتك..

خليتي الدنيا زاهيه في عيني

ومن وسط وسط القلب نا حبيتك.

وما ترقدي اﻵ وحاضنتيني

واثقين في بعضنا واﻷمان عطيتك غير ليش من بعد الغلا خنتيني

بخدعه كبيره فيش نا ضريتك ....

ساره::

غير أفهمني ..

بالله يا غالي واعره تظلمني

عارف الظرف اللي لك سلمني

وعارف الخدعه اللي بها خذيتك..

عندك علم ..

أحساسي اليوم كيف يوم الحلم

اللي فيه واعيتني ونبكي ظلم

ونقولك بالحيل نا ناديتك ..

جهزت روحي لك ..

ياللي غلاك الروح في ملك

بنقولك حامل وكلي لك

بالتوم يا غالي اليوم هديتك..

حلمك تحقق يا منايا لك

فرحانه ونبي فرحتك راجيتك..

لكن اللسانك بالطلاق نطق

وهانت عليك في ثانيه غاليتك..

بخدعه كبيرة طحت فيها هك

والله ما لحظه بشر نويتك ..

راهو فراقك شق قلبي شق

والواعره ظلمك ونا شاريتك..

وأيجي يوم يبان فيه الحق

وتعرف أني ما يوم نا خليتك..

وتعرف أنه حبك القلب ملك وبروحي وعمري ودنيتي حبيتك..

*اللي فات واللي جاي كله لك بعيالي وقلبي وخاطري مراجيتك ...

وسيم:: نزلن دموعي. وحسيت روحي مخنوق طلع مني. صوت الالالاه

ناديه: بسم الله وسيم شن في