الفريق كله عمل زيهم بس لازم واحد بس ع الفرع كل اتنين يساعده بعض لحد ما الكل خلص المهمه و عمرو بس هو اللى نزل المستنقع و وصل الشوال و رجع بنفس الطريقه
عمرو بعصبيه : ايه يا مهيمن باشا حضرتك قلت نودى الشوال ع البر التانى من المستنقع ايه اللى عمله نضال ده و خلى الفرقه كلها تعمل زيه
نايا تكلمه بقرف : اهدي بس ع نفسك ليطقلك عرق ، كابتن مهيمن قال نودي البر التانى مقالش لازم نعدي في المستنقع اللى خلاك كلك اف و تمسك مناخيرها
عمرو يرفع ايده عشان يمسك نايا يتخانق معاها
بعدت بسرعه
مهيمن كان بيتفرج عليهم : ها خلصتو خناق و رد ع بعض
نايا و عمرو : تمام يا فندم
مهيمن بحزم : اولا مش انت اللى تحاسبني ولا تقولى مين عمل ايه و ازاي ، انا بشوف كويس وبعرف اتكلم ، ثانيا زي ما قالك كده انا قلت ودو الشوال الناحيه التانيه و كل واحد وذكائه
عمرو بغيظ : تمام يا فندم
مهيمن بص في الساعه لقاها خمسه اتفضلو ع اوضتكم كان اول واحد بيجري ع الاوضه نضال
مهيمن كمل كلامه : ماعدا نضال
نايا بغيظ : اشمعنا بقى
مهيمن : عشان امبارح انا قولتلك هتقعد لحد الساعه سته و ده غير ان حضرتك عندك عقاب
نايا تضحك بقهر : ده انا هشوف ايام فله
مهيمن سمع بس بيضايقها : بتقول حاجه
نايا بغيظ : لا ابدا
مهيمن بحده : و انا واثق انك كنت بتقول حاجه
نايا تتصنع الضحك: انا بقول الدنيا هنا فله شمعه منوره
مهيمن : طب تمام ابدأ التمارين هتعمل تمرين الدب و تمشى ع ايدك و رجلك مفروده
نايا : يا سلام ايه الدلع ده
مهيمن : نفسى تسبني اكمل كلامى للاهر نايا تشاورله يكمل
مهيمن : هتمشى ٢٠ متر
نايا تتنح : ربنا ع الظالم و المفترى
مهيمن بحده / بتقول حاجه
نايا / لا ابدا بدعيلك (و بصوت و اطى ) او بمعنى اصح بدعي عليك
مهيمن بحده : قبل كده قلتلك بسمع دبت النمله اخلص و خلي ايامك تعدي ع خير و لو لمحت رجلك اتنت هكسرهالك ، رجلك تبقى مفروده و انت ماشى لحد ما توصل اتفقنا
نايا بتشتمه في سرها
مهيمن : اتفقنا ب اذن الله انطلق
نايا نزلت ع ايدها و رجلها مفروده و فضلت تمشى و تكلم نفسها في سرها : اه ياصغننه يا حبة عين امك اه ياللى محدش كان يقدر يقولك كلمه اه ياللى كنتى كيوت و بقتي شبه الكبوت
و هي ماشيه تعبت جدا تنزل راسها و تبص من بين رجلها ع مهيمن عشان تشوفه فين عشان تريح رجلها حتى لو ثانيه اول ما بصت شاولها تكمل و حط صبعه عند راسه بيقول متحولش حتى تفكر انى مش شيفها
نايا بدموع وتكمل برطمه مع نفسها : اشوف فيك شهر لا كتير ، اشوف فيك اسبوع لا لا حرام ، اشوف فيك يوم ياللى هتجنن اهلي و معذبنى لحد و فضلت ع الحال ده لحد ما وصلت
مهيمن شاورلها : تمام اتفضل ع اوضتك
نايا تقوم بتعب و تفرد ضهرها بشويش : تمام كده ارتحت نفسين يا فندم
مهيمن شاورلها ع صدره : جدا
نايا مشيت بغيظ رجلها كانت وجعاها و اول ما دخلت الاوضه عمرو كان رافع طرف السجاده اتكعبلت فيها و كانت هتقع
عمرو ضحك جامد
نايا تبص لعمرو بضيق : هعمل نفسى مش واخد بالى و هعديها
و اول ما وصلت للسرير رمت نفسها ع السرير و دبابيس مكتب كتير دخلت فيها
نايا بصويت و وجع : اااااه
عمرو فضل يضحك ضحك هستيرى
نايا فضلت تشيل الدبابيس و تتوجع في صمت لكن صوت ضحكه استفزها راحت لحد عنده ، الا بالحق مين اللى حط الدبابيس دى يا ميكو ، اصل الدبابيس مش هتلم نفسها و هى متبعتره و تروح لوحدها ع سريري
فادي بهدوء : خلاص يا نضال ماتنساش ان كابتن مهيمن حذرك كتير
نايا بعند : و انا بقى ولا يهمنى مهيمن بتاعكم و ولا يهمنى اي حد
عمرو بقرف : امشى يالا العب بعيد انا مش عارف ازاي و انت شبه خلة السنان جيت هنا
نايا شمرت ايدها و قربت منه: اقولك ازاي انا جيت هنا ( اخدته ع خوانه و ضربته في كوع رجله و اول ما وطه ضربته ب الراس في مناخيره)
(نايا حركاتها سريعه جدا لانها كانت بتدرب رياضات كتير و العاب قتاليه كتير و عمرو مش متخيل انها تقدر تعمل حاجه عشان كده بتفوز عليه دايما )
فادي مسك نايا و بعدها : خلاص اسكت بقى
عمرو رجله شبه اتكسرت مش قادر يحركها و مناخيره بتجيب دم
نايا بحده : ما تنشف كده يا كوكو هو انا لسه عملت حاجه ، و ربنا ما هسيبك لحد ما تنطرنى من دماغك
عمرو بعصبيه : و انا هعرف اعلمك الادب يا ابن....
مهيمن يقاطعهم و بحزم : ايه اللى بتعملوه ده انت و هو من هنا ورايح هخليكم تكرهو اليوم اللى شوفتوني فيه ، كل مره اقول اعديها لكن كده انتو زوتوها
فادى بهدوء : يا كابتن ، نضال مالهوش ذنب عمرو هو اللى دايما يستفزه
مهيمن بحده : و انا مسألتش مين فيهم غلطان و بص ل نايا ما لو هو فعلا ابتدا كان جه و قالى مش ياخد حقه ب ايده احنا هنا مش في غاب...
نايا تقاطعه بحده و عصبيه كانها اتعمت و مابقتش شايفه قدامها : و انا راجل اكيد مش هروح لحضرتك و اعيطلك و اقولك ان عمرو بيضايقنى و بالمره كمان افضل اتحايل عليك انك تنقلنى من قدامه اصل بخاف منه و اول ما بشوفه بترعش ،( و تتكلم بقوه )انسى يا كابتن . اه ممكن كلكم شايفنى خلة سنان او زي ما حضرتك ما بتقول شكلى مش مريحك و مكنش ينفع اكون هنا بس الرك ع اللى جوايا و انا مسمحش ل اي حد يجرح كرامتي او يهني مهما كان مين (و خبطت الحيطه بإيدها جامد) اااه فضلت تهف فيها
YOU ARE READING
رواية معشوقتي المجنونة الجزء الاول كامله
Adventureالمقدمة هي ليست متهوره في لحظاتها المصيرية .. لكنها تصبح مجنونة بسبب افعالها عندما يتعلق الامر ب اصدقائها الذين هم اغلى ما تملك .. و يتحكم عقلها بها عندما تكون مع حبيبها االذي ولد من رحم التهور .. ولكن مع نفسها وتوأمها يتحكم بها واقعها الذي يحجب رقت...
معشوقتي المجنونه ( الحلقه الثالثه
Start from the beginning