-لاﭑ . تـٰثق في , ﭑحدِ كثـٰيراً..
... _ فَـيَ زمــــنٍ،...آنْعـدِمتٌ فَيَہ آلُثْقَــةّ✿♕
.
.
.
.
.
حكاية شمس
البداية مملة شوي لكن بعدها يبدن الاحداث المشـوقة ❤😻
#روايـة حقيقية
اسمـي شمـس م98 نـقرا ثـالثه جـامعة اقتصـاد.....
مواصفـاتي....بيـضة...طويلـة شوي...عيونـي خـضر وواسعـات...شعري كستنائي طويل....جميلة لدرجـة الناس يحسابـوني سورية!!!،
فـي حيـاتي عمري مـاتعرفت ع شاب واساساً مـانعرفش شن معنـى الحب!!!
كنـا نسكنوا في حوش صغيـر وع قدنا وبابا مـع الشغـل والتعب جمع مبلغ مالي وشرينا حوش كبير وفي المدينة واليوم اول يـوم حولنا فيـه...عندي اخين علي م93 وسالم م96 واخـت وحده اسمها شهد م2003..
.
.
.
"خشينـا لحوشنا الجديد اللي نرجـوا فيه لنا سنين وكااان كبيييير بكـل وع دورين ويهبللللل"
انـا »»واااو مش مصدقة هذا حوشنا!!
شهـد »»ولا انا!!
بابا »»هههههه...هيا كل واحد يختـار دار!
"نحنا انصدمنا!!!"
انـا بعدم تصديق »»شنووو كل واحد دار 😳؟
بابا »» اها
ماما »»الحـمدلله يارب كيف كنا وكيف اصبحنـا
"كـل حد خذا دار خـاصة بيه وكانـن ديار كبااااار ويهبلللن...كانن فيـه 6 ديار...انا خذيت دار فوق وشهـد الدار اللي جنبي وعلي وسالم كـل حد خذا دار لروحه وبابا وماما دار....كان حوووش كبييير وفيه صالة كبيرة في الوسط وعاليسار كوجينه كبيرة حتى هيا وبرا جنان كبير وكله عشب وواسع وفيه نافورة في النص....ضمينا الحوش انا وشهد وماما وسيقناه عشان دايرين عـشاء كبيير.....كملنا عالعشيه وبابا وماما جابوا كل شي جاهز وبدوا اقاربنا يجوا وانصدددموا من حوشنا الجديد!!...خشيت الكوجينه انا وبنت عمتي نرجس وبنت عمتي نيرمين وهنا في عمري وقعدنا نوتوا في الضيافه وخش ولد عمي اسمه عـلاء م92"
عـلاء »»القهوة واتيـ.."انصدددم لما شافني بدون حجاب وشعري الطويل وقعد يبحت فيا وانا لبست وشاحي ولفيته ع روحي قريب عشرين مرة....كانت معاملتي مع ضنا عمي عادية ومانحّتكش بيهم ابدا ولاعمري حكيت معاهم....خذا عـلاء القهوة وهوا هايم فيا وانا خشيت نجري للدار ولحقني البنات"
نرجـس »»هههههه نعليا اتحشمي من خويا
نيرمين »»وووه عـلاء هذا اما طرررف!!
انـا »»شـن تحكن انتن...حرام راه المواضيع هـذين!
نيرمين »»هههه خفـي علينا ياشيخة
نرجـس »»اوووف منـك ياشوشو كنك انتي عادي عيشي حياتك ومشيها بالجو...ليش ما تطيحي علاء...بعدين ديما يحكي عليك شكله مكبد فيك 🙊
انـا »»شنووو!!!...يابنات والله لو ماتسكرن السيرة وحق ربي ماعاد نقعد معاكن
نيرمن »»باااه بااه
"رقيتـلي منهن وانا كنت نتحسس من المواضيع هـذين ولاعمري رفعت عيني في شاب ولاحكيت معاه...حـتى خوتي نتحشم منهم.....جـاء المغرب والصبايا دارن العشاء...قعدت مكسـدة مع البنات وساكته ومنزله راسي لان بطبعـي خجولة مانختلطش واجد"
هناء بنت عمي »»شوشو كنك ساكته
انـا »»شـ شن نحكي
"الكل قعدوا يضحكوا وانا انحرجت"
شهد اختي »»شن دخـلكن فيها ياحقيرات 😡
هناء »»اعصابك كنا نبصروا معاها
"مشيت لداري وقعدت نبكي جت شهد"
شهد »»فوتيهـن يا شمس غايرات منك
انا نبكي »»ع شن بيغارن...شن فيا من حاجه سمحـه ;(
شهد »»اششش معاش تقولي هكي وحق ربي انتي تهبلللي واخلاق والكل غاير منك وشباب العيلة يتمنـوا نظرة من عيونك
انا »»هههه والله؟
شهد »»هههه وحق ربي
انا »»نجك ليا
.
.
"تعشينا وغسلنا الماعين وضنا اعمامي واحد طالع وواحد خـاش عشان يشوفوني...كنت اجمـل بنت في العيلة وملامحي مش زيهم لانـي طالعه لخوالي.....مشوا اعمامي كلهم وانا وماما وشهد ضمينا الحوش وكل حـد خش لداره"
"خشيـت لداري وفتحت فوني اللي كنـت عازقته اساساً ماعنـدي مع من نحكي غير نجلاء صاحبتي....رنيـت عليها وردت"
نجلاء »»الفففف مبروووك حوشكم الجديد
انا »»الله يبارك فيك حبيبتي
نجـلاء »»شنو سمح؟
انا »»هههه يهبللل
"فطنت لـ ظل من تحت الباب مشيت تسلسلت وشفت مع الفتحة خويا علي قاعد يراقب ويسمع يحسابني نكلم في شاب....فتحت السبيكر وووو"
.
.
.
يـــــتــــبــــع💕💕
الكاتبة :-سـرو الحاسي
YOU ARE READING
"حكـاية شمس"
Short Storyقصة باللهجة الليبية للكاتبة سرو الحـاسـي ..تتكلم عن بنت حبت شاب ويهددها بصورها وتصير معاها احداث مشوووقة جدا...❤❤#واقعية
