خالد " نعليا انا
طارق " مش متحمل تبعد عليه دقيقه عليك حب لا حول الله
معتز " هههههههههههههه لقنكم تيوس باهي
مهند " رايفت ي عزو قولي خوك انا
معتز " والله نخبطك بالكرسي
طارق" تنصحني نجوز ي معتز
معتز " عليك حصله ازف
اسلام " مش حيخلوك في حالك راه
ورن فونه
معتز "عارفهم بهايم
اسلام" معتز افطن للشوايات توا انجي
معتز " تم
جمال" قوللنا تنصحني نقدم الفرح
خالد " مافيش فرح نحن خوتها مش موافقين
جمال" ريح روحك انت راه نخربلك موضوعك بكل
طارق"كيف كيف موضوعه شنو
جمال" والله ي اطروقه خوك جابت راسه وحده
طارق" العب هو من يومه من وحده لي وحده
معتز " هههههههه لا في وحده رباته
طارق" الله واكبر وينهاا بيش نعطيها 1000 جنيه لو صاح
خالد "هاتهن هنا توا نعطيها لها انا
طارق "مستحيل يكبد ع بنت وحده هذا حافظه انا عاد
معتز "قد كلامك انت تعطيهن
طارق" وحق ربي نعطيها بس وروني حوشها
مهند "قد كلامك متاكد
طارق " حلفت عاد اصلا مافيش وحده تقدر تربيه
كان شي معجزه صارت
معتز "وراسك فيه وحده تعرفها
طارق" بحت في خالد
ازح كلكم تعرفوها الا انا عاد
خالد " ازف فضحتوا بي امي
معتز " حس باللي ادير فيه فيا
خالد " تبدا اذلني انت عاد
معتز " نقول ولا نسكت
طارق " احكوا ازف
مهند" استنا
ع جيت نهي ونور ومروة وصفاء وسلوي وهبه
قعمزن جنبهم
مهند" نهي
نهي "هم
مهند " لو حصلتي توا 1000 جنيه شن اديري
نهي " نعطيك منهن 100
مهند"عليك بخل
نهي "بلكي تحسابني نقسمهن معاك هههههههههههه
طارق" تكذب قصدك نهي لا مستحيل
نهي "فهموني
خالد " ازح لقنكم عليك معيله درتوها
نهي" شن فيه
طارق "قصدك انتي وخالد لا الله مانتخيلها حتي في الحلم تصير
معتز " مع الله صعيب عطيها 1000 هي
جمال" صحه لكي ي نهي
نهي "هههههههه فهموني حسيت روحي كيف الاطرش في الزفة
خالد " نفهمك بعدين ونقسموهن ال 1000
نهي" لا رزق وجاني مادخلنيش بيك
طارق " اوووووووووه بعاتك عيني عينك
مهند " يا ستي طارق قال لو نعرف وحده الي مكبد عليها خالد نعطيها 1000 جنيه اهو حصلتي فلوس
نهي " هات هي خليك ع قد كلامك بس
طارق "عيب ي مرات خويا
نهي "احرجتني ي ولد عمتي
خالد " باهي بلكي خلاص تسكروا ع موضوع
مهند " راه تزعل بس
خالد " وانتوا عيله ديما تكب في شوالات
طارق" والله غيابي عليكم تغيرن حاجات واجد
من اخري ارتبط جمال وخالد بحتوا في مهند
مهند " ريحونا عاد
طارق" من ماتقولش حتي انت من العيله
نور" وجها طاح قعدت ماسكه فون دروحه مش شورها كلام
جمال" اخت مرات خوك
طارق" مروه ولا نور هذينا الي مازالن
جمال" احم الاجابة رقم اثنين
مهند " هههههه
طارق" اووووووووه نوني اخره
مهند "اسمها نور وفكنا من نوني
جمال" جرب نار الغيرة
طارق" لا كلكم من العيلة انا الي رحت فيها من مازال مروه بس
مروة "فوتني
طارق " مافيش غيرك نكبد عليها شكلي
مروه " هههههه والله
طارق " الله غالب تحملي انتي
مروه "عليك بلوه حصلت فيها
طارق" وانتي اصلا تحلمي تحصلي عريس كيفي
خالد " خلاص بنات العيلة كملن
صفاء" ونسيت خواتك ازف
خالد " ريحي روحك انتي
صفاء" انا كان نجوز معش نوريكم وجي
طارق" نحن نتنازلوا عليك بي بلاش اخره بيش نفتكوا منك
صفاء" بلا سماطه
جيت قعمزت انا وليلي
ليلي " مازالتوا جعنا راه
معتز " اسكتي وانتي همك في بطنك -_-
ليلي " حتي المدام امتاعك جاعت راه
انا " توا انا حكيت كلمه
معتز " المدام موضوع تاني
مهند " اخس وخلاص
جاء عمو اسلام وكان باين انه رقيله
و حطينا العشاء وقعدنا نتعـشـوا
والجو سمح بكل لمة العيلة وتشفيط الشباب وضحك كان يوم نزيك بكل
part34
Start from the beginning
