غضب العشق ( نهوة)

البارت ٤٣

وصاح وهوة يغمز : يولي تعاي جيبي ملابسي والمنشفة
عشق: هههههه لا عيني حضرتلك كلشي بالحمام بس عليك تغسل
غضب: منعولة مو بيدج
دخل للحمام يضحك اني رحت تمددت  يم الجهال نمر حط راسة على بطني واني اطك اصبعي للجهال ويا اغنية طيور الجنة وايدي الثانية احركها على شعر نمر شوية وطلع غضب المنشفة على راسة شافني اطك اصبع للجهال سحب المنشفة من راسة لفها على ايدة وكام يفر بيها ويركص نمر هم راقص ابن ابو كام علية ركض لزم ايدة ويركص ويا باوعلي  وهو يركص: كومي شوفينه طولج
ابتسمت: ما اعرف
غضب: لا تعرفين كومي يلة
اتقدم لزم ايدي وكومني ويا نركص ونغني غضب شايل نمر ولازم ايدي ويركص قربني منه يريد يبوسني نمر حط نفسة بيناتنه
غضب: اشتعلو اهلك
ركصنه تقريبا نص ساعة
غضب: يلة بابا انزل تعبتني
نزلة وكعد ع التخم : تعبت ثكلان نمر
عشق: ليش تشيلة تتعب
انطيتة مي شرب ووكع نفسة بالفراش يريد ينام
عشق: كوم للغرفة نام
غضب: مبية حيل خلي ننام هنا
عشق: لعد اروح اجيب الفراش
داطلع صاحني : عشقي
نداريتلة: ها حبيبي
غضب: جيبي بس دوشك واحد للجهال انتي مكانج يمي
غمز ويا اخر كلمتين ابتسمتلة ورحت للغرفة اخذت دوشكين ومخدة وبطانية وديتهن سحل للصالة ذبيتهن ورجعت للغرفة اخذت المميات والحليب والترمز مي حار وحفاضات عبالك دانتقل من بيت لبيت مو من غرفة لغرفة اخذتهن وديتهن للصالة عدلت الفراش بصف غضب نومت شهد واسد بصفة ونمر كاعد على بطن غضب وهوة يكلب بموبايلة نصيت التلفزيون وكعدت ارضع شهد الى ان نامت غطيتها وكعدت ارضع اسد نام واني مطفية بكوة كاعدة حطيته بصف شهد باوعت ل نمر نايم على صدر ابو
عشق: حبيبي نيم نمر بمكانة
غضب: اي هسه
كمت طفيت الصوبة وبعدتها رجعت باوعت : يلة غضب
رفع راسة: ها حبيبي شكو
عشق: شيل نمر لمكانة نعسانة اريد انام
غضب: بس دقيقة
عشق: اوووف
عفته تمددت يم الجهال
غضب: يولي بس افعل الخدمة مال رصيد واشيلة
مجاوبتة نعسانة توني داغفى كام شايلة
غضب: وخري عشق دانومة
عشق: عوفة بحضنك نعسانة
دفعني بخفة برجلة: يلة بس اكلبي نفسج ليغاد اني هم نعسان
كلبت نفسي على فراشة حط نمر بمكانة
نداريت علية: غطيهم من يمك
غضب: بدون متكولين
غطاهم وباسهم من راسهم شكد حنين تقرب يمي رفع البطانية دخل وياية فتح ايدة دخلت بحضنه ونمت على صدرة حضني بقوة باس راسي: احبج
عشق: اموت عليك
نمنه كعدت ورا ساعتين على صوت شهد تبجي سحبتها لحضني واني حاضنه غضب ارضعها واني منعسة اخذتني الغفة وفزيت بعدت شهد من صدري نايمة ونمت حسيت على شي بارد على زندي وشي دافي على رجلي فتحت عيوني باوعت الوطنية طافية والصالة باردة نمر لازك بضهري من البرد وايدة على زندي حاضني واسد ليغاد نايم وحدة رجل غضب على رجلي اريد اتحرك ما اكدر بعدت رجل غضب من رجلي
غضب بنعس: وين
عشق: اقرب اسد خطية وحدة بعيد
غضب: مممممم
كلبت نفسي من فوك نمر شلت اسد ورجعت لفراشي غضب حاضن شهد نومت اسد بيني وبين غضب وسحبت نمر ل حضني غطيتنه كلنا ببطانية وحدة سحبت البطانية الثانية خليتها فوك الاولى نداريت على جهة نمر وحضنته غضب حط رجلة على رجلي مينام الا هيج غفيت للصبح كعدت باوعت الساعة بال٦ وشوية ونمر ماد رجلة على بطني وخرت نمر من حضني ونداريت غضب رجل على رجلي والرجل الثانية ع التخم شهد ايدها على وجه ابوها الوحيد اسد طالع عليه بنومته ميتحرك الا نمر وشهد مصرع جهال غضب كمت تمددت ورا غضب بست ضهرة بعدة نايم مشيت ايدي على صدرة بعدة نايم مديت راسي بركبته ابوس بي حسيت ايدة حاوطت خصري: يولي ليش تتحارشين من الصبح
رفعت راسي من ركبتة: صباح الخير غير انته متكعد وراك دوام
كلب نفسة وحط راسة بركبتي: احلى صباح بشوفت عيونج
عشق: ترة راح تتأخر
غضب: ادري يلة كومي
بعد نفسة عني كمت وكفت باردة مو مال واحد يعوف الفراش رحت للغرفة لبست روب ثخين الجو بارد دخلت للمطبخ خدرت جاي جديد حطيتة ع النار ورحت غسلت وجهي ورجعت اسويلة ريوك شفته كام للتواليت ووراها طلع غسل وغسل وجهة واجه علية: حبيبي ملابسي وين
عشق: بالغرفة معلكتهن بالكنتور
عافني وراح للغرفة كملت الريوك حطيته بصينيه وصبيت الجاي داطلع من باب المطبخ طلع غضب من الغرفة دخل للصالة كعدت ويا يتريك واني اباوعلة
غضب: اكلي وياي
عشق: بالعافية ماريد
غضب: وياي ع الواهس ماكدر اكل وحدي
اكلت ويا شوية وكام لبس بسطالة اكرمكم الله شال سلاحة بخصرة دنك بوس الحهال وطلع واني ورا
باس راسي: يلة عشقي ديري بالج على نفسج وع الجهال مع السلامة
عشق: ماشي الله وياك حبيبي
فتحتله الباب طلع واشرلي اسد الباب اشرتلة باي وسديتها هوة طلع واني رجعت ركض باردة الهوة يكص كص دخلت ركض سديت الباب ودخلت ركض جوة البطانية حضنت جهالي ونمت لل ١٠ يلة كعدت لكيت نمر كاعد يلعب بالمكعبات اسد وشهد نايمين كمت غسلت وجهي سويت كلاص حليب دافي وبيضتين وكلاص جاي وكعدت اتريك ويا نمر كملت غسلتلة وجهة وايدة نزلتة يلعب بالكاع كعدو شهد واسد وكلتهم سيريلاك غيرت حفاضاتهم كعدتهم ب الكراسي مال سيارة مالتهم وكعدت انضف واعزل البيت هواي يحتاجله شغل بعدة ممعدلتة كله لان شيلتنا صارت ع السريع ضليت انضف لل١ الضهر دك جهازي شفته غضب
عشق: الو
غضب: هلو عشقي
عشق: هلا حبيبي
غضب: شدسوين
عشق: دانضف ليش
غضب: والجهال شيسوون
عشق: شهد واسد يباوعون تلفزيون ونمر يلعب ليش
غضب: هيج بس داطمئن عليكم
عشق: اطمئن كلشي مابينة انته شدسوي
غضب: كاعد وساكت صدك عشق ولد وياي جبنه طاري الجهال يكول اني جهالي من عمرهم اربعين يوم امهم تكعدهم بالحجلة لذلك يمشون من وكت
عشق: شلون يوكعون منها بهيج عمر
غضب: يكول يحاوطوهم بقماش لو كوشات
عشق: مادري ليش تسأل
غضب: يمكن لان ماكعدنه نمر من وكت بالحجلة تأخر بالمشي
عشق: والله مادري بس محد كالي من قبل
غضب: الله كريم صدك خابرتلج سهى راح تجيج العصر تبقى يمج مو زين تبقين وحدج ويا الجهال
عشق: ان شاء الله
غضب: يلة حبيبي محتاجة شي
عشق: سلامتك الله وياك
غضب: مع السلامة
سديت الخط حضرت معكرونة ع السريع وكعدت اتغدة اني ونمر كملنة لميت المواعين رضعت الجهال ونومتهم بالغرفة كعدت اكمل تنضيف غسلت الملابس الوصخات عدلت الملابس طلعت الزايدات والصغرانات من مال جهال للعصر اجتي سهى كعدنه وهية شايلة شهد سألتها على عمي ومرتة الجديدة
سهى: ممأذيتنه بشي مبينة خوش مرة شعجب ما اجيتو
عشق: غضب مقبل
سهى: بعدة ممتقبل الموضوع اني مادري ليش عندي عادي
عشق: لان فترة وتطلعين مهامج الموضوع
سهى: يمكن هوة شلون حالتة هسه
عشق: احسن من قبل شهد منسيته العالم
سهى: الحمد لله
ضلينا سوالف وكعدت اكوي ملابس غضب للمغرب حضرنة العشا وتعشينة نمر متعلق بعمته مانزل من حضنها وهيه فرحانه ب شهد كعدنه طلعنا فلم اجنبي وناكل فواكه ونباوع دك جهازي غضب كمت للغرفة وحاجيته
عشق: ها حبيبي
غضب: شلونج حبيبتي شدسوين
عشق: دنباوع تلفزيون انته شتسوي
غضب: كاعد وحدي دارتاح وكلت اسأل عليكم واشوف الجهال شيسوون
عشق: كاعدين عادي
غضب: سهى يمكم مو
عشق: اي جتي من العصر
غضب: شلونها
عشق: زينة الحمد لله كاعدة تلعب نمر
غضب: خوما متأثرة ب ابوية ومرتة
عشق: سألتها تكول خوش مرة ممأذيتنة
غضب: ضلي قريبة منها عشق اي شي يصير وياها كونيلها اخت
عشق: لتوصيني بيها اصلا هيه اختي من الصغر
غضب: عفية حبيبتي ديري بالج ع الجهال
عشق: بعيوني اخليهم اطمئن
غضب: تصبحين على خير
عشق: وانته بخير حبيبي
سديت الخط وطلعت كعدنه تعللنا شوية ودخلنا ننام سهى نومت شهد بحضنها واني نومت اسد ونمر يمي للصبح انفتحت الباب علينا واحنه نايمين غضب دخل غسل وبدل واجه كعد يم راسي واحنه نايمين حسيت بايدة على شعري
غضب: عشقي عشقي بعدج نايمة
فتحت عيوني: الله يساعدك حبيبي
غضب: ويساعدج كومي حبيبي
كمت ويا
غضب: عاشت ايدج البيت هسه صدك صار بيت
عشق: وايدك حبيبي
غضب لزم ايدي: تعاي وياي
دخلت للمطبخ حجلتين بالكاع لون اخضر ووردي
عشق: والله جبتهن
غضب: طبعآ
حضنته: ياريت لو كل الاباء مثلك
باس راسي: كل الاباء نفس الشي بس مو الكل يعرف يبين حنيتة وحبه
عشق: ماكو منك والله
كعدت اباوع للحجلات جايب مسواك هم صفيته وهو واكف يمي
عشق: شتريد اسويلك ريوك
غضب: جبت كيمر سوي وكلاص جاي وصمون حار واريد بوسة فوكاهن
عشق: ههههه اوك
حضرت الصينية ودخلت ويا للصالة تريكنه شلت الصينية للمطبخ جبتلة مخدة وبطانية نام ع التخم لان سهى بالغرفة طفيت الضوة ورحت للمطبخ انضف واغسل ملابس الجهال لل ١٠ كعدت سهى ضلينا نسولف اندكت الباب فتحتها اني وسهى دخل عمي ومرتة: السلام عليكم
عشق: وعليكم السلام
بوستهم وباركتلهم : تفضلوا هلا بيكم
دخلوا وياي فتحتلهم باب الاستقبال دخلوا كعدو طبيت للصالة هزيت غضب
عشق: حبيبي حبيبي كوم
غضب: مممم ها عشق شكو
عشق: عمي ومرتة هنا
غضب فتح عيونة: من شوكت
عشق: هستوهم جوي ودخلتهم للاستقبال اسفة ادري متريدهم ب
قاطعني: لا عادي
كام كعد لابس بجامة وتيشيريت التراكسود لبس جاكيتة فوكا وكام يغسل وجهة واني واكفة يمة راح للاستقبال واني ورا دخلنا تقرب من عمي ومد ايدة سلم عليه وباركلة باوع لمرت ابو وكاللها بالخير ان شاء الله كالتلية تسلم ابو نمر كعدوا اني قدمتلهم مي ورحت اسويلهم عصير دخلت قدمتلهم وسهى واكفة يمي غضب هادئ ميحجي قليل مرت ابو مبينه خايفة منه
عمي: لعد الجهال وين
عشق: بالغرفة هسه اجيبهم
طلعنا اني وسهى اني شلت اسد وسهى شالت شهد ونمر كدامنة يركض ويصيح جيدوو جيدوو يعني جدو راح ركض حضنه عمي باسة مرت عمي هم باستة رجع وكف يمي سهى حطت شهد بحضنه عمي يبوسها ويشمها من شكلة حسيتة بعدة يحب ام غضب بس الحاجة خلتة يتزوج غيرها مرتة هم تباوع ويا على شهد انطيتها اسد بحضنها ضلت تضحك بوجهة باوعت ل غضب: الله يحفضهم الك ول أمهم
غضب: تسلمين
كعدو شوية وكامو طلعو اخذو سهى وياهم ودعناهم راحو غضب ماحجى شي كبل دخل للغرفة حطيت الجهال بالصالة ودخلت ورا لكيتة متمدد ومتغطي سمع صوت الباب انفتح
غضب: طفي الضوة
طفيته وتقدمت كعدت ورا العب بشعرة ثواني واندار حضني بقوة كلشي ماحجى ضل بهالحلة الى ان نام باوعت الساعة ١٢ الا خمسه دفعته شوية وكمت لان سمعت صوت الجهال يبجون حس علية من دفعته كام وياي طلعنا نمر فدوة لطولة واكف يمهم يحط الهاية بحلكهم حتى يسكتون غضب ضحك علية وشالة من ورا ورفعة على جتفة نمر لزم راسة بقوة حتى ميوكع
غضب: جيبي الحجلة نكعدهم
جبتهن وجبت بطانيات صغار نزل نمر من فوكا وكعدهم وياية حاوطناهم بالبطانية وكعدو نمر فرحان واكف كدامهم ويلعب بالموسيقى والالعاب الي كدامهم وهمه مصدومين يباوعون للالعاب عفتهم يم غضب ورحت صبيت الغدا وجبته  بصينية دخلت للصالة غضب معلي صوت طيور الجنة اغنية الجزرة وكاعد يصفك وياهم ونمر يكمز وشهد واسد يضحكون حطيت الصينية وكعدنه نتغدة ونمر كاعد بحضن غضب كملنا غدة لميت المواعين للمطبخ شلت شهد نومتها بكاروكها بدلت حفاظة اسد غسلت وجه نمر ودخلنا ننام نمر مانام ضل كاعد بالكاع يلعب اسد وشهد كل واحد بمكانة اني بحضن غضب للعصر كعدت ضليت اباوع بوجه غضب الى ان كعد
غضب: شبيج حبيبتي
عشق: اباوعلك ميصير
غضب: هههه احس عندج كلام طلعي
عشق: اطلب منك طلب
غضب: شوكت تجوزين من هالسالفة وتطلبين كبل
عشق: هههههه ماعرف الا هيج اكول
غضب: يلة يابة اطلبي وأأمري
عشق: مو تصير عصبي
غضب : لا ماصير عصبي احجي
عشق: اريد اشرب حب مانع
غضب: مانع شنو
عشق: مانع حمل
كعد على حيلة: شتكولين انتي ليش
عشق: مو كافي هاي عدنه ثلاثة بعد شكو
غضب: وليش تمنعين عوفي اذا الله يريد يصير واذا ميريد ميصير
عشق: غضب اول مرة صارت وصار نمر وبالثانية شهد واسد وحملي سريع ماكدر هسه طفل اخر
غضب: بس اني اريد بعد جهال
عشق: اي والله واني هم اريد بس مو هسه خلي امنع هالفترة بين ميكبرون الجهال واخلف بعد شتكول
غضب: مادري خوما يمنع نهائي هذا المانع
عشق: لا كلها تاخذة ومن يتركوا يرجعن يحبلن عادي
غضب: متأكدة
عشق: اي والله
غضب: اني معاجبني هالموضوع بس لان داشوفج تتعبين ويا الجهال راح اقبل لحد ميكبرون شوية
عشق: ماشي اتفقنا
غضب: اتفقنا منين تجيبين هذا المانع
عشق: خلي اسأل قدس
كمت خابرتها وسألتها على احسن نوعية انطتني اسمها كتله ل غضب على اسمها كال اني اسأل عليها بالصيدلية واجيبها اخذ نمر وطلع اني كعدت احضر العشا الى ان رجع جايب الحبوب معناها مطمئن بديت اخذ بالحبوب بانتضام خوفآ من ان احمل مرة ثانية ويزيد الطين بلة مرت
ستة اشهر نزل نوعية الموبايل اللمس غضب اشترى واحد اله وواحد الي سحبنا انترنت للبيت بين يوم ويوم دوام غضب يوم الي بالدوام خفارة تجي يمي لو سهى لو سرى لو ثنينهن يبقن ويباتن لثاني يوم لحد ميجي وهيج كضت ال٦ اشهر اسد وشهد عمرهم ١٠ اشهر سمان وبيض ويضحكون ويناغون شهد خبلتة ل غضب نمر كبر عمرة سنة و٩ اشهر غضب معاملتة حب وحنية بس احيانا يفقد اعصابة ومرتين ضربني راجدي بس زين يرجع يصالح ع السريع كلشي عادي الى ان اجه غضب بيوم وكالي خبر خوفني وهزني ماتوقعت بيوم اكون بهيج موقف مخيف صعب
داغسل الحديقة العصر وشهد واسد يلعبون بالحجلة يمي الدنيا صيف واني ابلل رجلهم وهمه يضحكون دخل غضب وويا نمر جان طالع يم اصدقائة
غضب: السلام عليكم
عشق: وعليكم السلام
اجه يمي كعد ع المرجوحة اخذ الصوندة يرش بالمي وشهد واسد اجوي يركضون بالحجلة عليه ضل يلاعبهم واني كاعدة بصفة حط ايدة على راس اسد وباوعلي
غضب: عشق شوكت ...

🌹🌹
للكاتبة Lamar Alzankna

---------
البارت ٢٠٧٩ كلمة  اسفة تأخرت ❤

خلي نعدل التنزيل مال قصة من باجر نبدي بي لان الدوام راح يبدأ ولازم انضم وقتي كل هالفترة اني دانزللكم شكد ما اكدر بس هسه مستقبلي بدأ وانتو تعرفون الدراسة واحتياجاتها لذلك قررت انزل باليوم بارتين يبقى الاختيار الكم

تريدون بارت الصبح وبارت بالليل🌹

                لووو

تريدون بارتين بالليل واحد ورا الخ 🌹

انتو اختاروا 🌼🌼🌼🌼🌼

🌼كاتبة تجنن تابعت كتابها واندمجت بي لدرجة نسيت الكيكة بالفرن واحتركت هذا حسابها اذا تحبون تشوفون اعمالها WDQ__18

🌼كاتبة مبتدئة مبدعة هذا حسابها اذا تحبون تشوفون قصتها hjvjhjvh

❤❤❤❤❤❤❤❤❤❤❤❤❤❤❤❤❤احبكم❤❤❤❤❤❤❤❤❤❤❤❤❤❤❤❤❤