وكمت ورا دخلت للحمام لزمت ايدة
غضب: ها عشق
عشق: غضب اطلب منك طلب
غضب: انتي بس تطلبين كولي
عشق: زين غضب كافي حزن
غضب: عشق عوفيني ماريد
عشق: كلهم زينو لشوكت تضل بهالحالة انته اذا انته متكتل الحزن مستحيل يروح منك ويعوفك
غضب: ماكدر عشق لحد الان ماكدرت انسى امي
عشق: ولا راح تكدر تنساها مستحيل تكدر تنساها بس حاول تطلع من قوقعة حزنك لو امك هنا مجان رضت على حالتك هذه
غضب: هذا رأيج؟
عشق : اي اكيد
تقربت حطيت راسي على صدرة وحضنته: حتى نمر ديخاف منك ومن شكلك واني اشتاقيت ل غضب قبل شهد واسد تريد تعوف بيهم انطباع الحزن من اول ايام عمرهم
غضب: تزينيلي انتي ماروح للحلاق
رفعت راسي باوعتله وابتسمت : تدلل
طلعت للغرفة فتحت الكنتور طلعت المكينة ورجعت للحمام واكف صافن اقتربت منه زينت لحيتة مخليتة يشوف شكلة زينب شعرة وعدلتة
عشق: كملت
غضب: وخري داشوف نفسي
عشق: لا لا كمل غسل وتشوف جاهز
غضب: ماشي
دخل جوة الدوش غسل وكمل بدل ملابسة وكفت كدامة وانشف شعرة لزمني من خصري وقربني اله
غضب: اي ام نمر شوكت اشوف شكلي
عشق: هههه هسه لزمت ايدة وطلعت وكفته كدام المرايا مال ميز تواليت باوع بيها واقترب منها تلمس لحيته وباوعلي
غضب: تغيرت هواي
وكفت بصفة وحطيت راسي على جتفة
عشق: طبعآ تتغير هسه انته اب ل ٣ جهال وحبيب مرتك
فتح ايدة دخلت جوة جناحة وكفني كدامة و حضني ويباوع لنفسة بالمرايا شفت نمر كعد ورانه بين بالمرايا
عشق: اثبت بمكانك خلنشوف نمر شيسوي
رحت على نمر شلتة وحطيت ايدي على عيونة وكفت كدام غضب ووخرت ايدي نمر صفن عليه شوية وكال بااابااا كمز بحضنه غضب شالة ويبوس بي ويكلة ي روح ابوك
عشق: هههه شفت هسه عرفك
غضب: امشي ننزل اشوف البنات
لبست شالي ونزلت ويا دخل لغرفة البنات فتح الباب ووكف بالباب
غضب: صباح الخير
سرى : صباح الن عااا
كمزت بسرعة وبقوة حضنت غضب وتتلمس وجهة سهى كامت على صيحة سرى وحضنت غضب باس راسهن
غضب: ها شلوني
سرى: تخبل والله
سهى: نعيمآ واخيرا رجعت غضب الي نعرفة
سرى: امشي نشوفك ل بابا
طلعو لازمي لغرفة عمي كيف وكالة نعيمآ والولد نفس الحالة
مر شهرين على هل موضوع
كاعدين نتغدة كلنا سوة عمي فتح موضوع
عمي: مازال الكل كاعد خلي احجي وياكم
عدي: اي يابة كول
عمي: قررت اتزوج
كلها جمدت وتباوعلة سرى الخبزة بيدها وصفنت سهى محجت ولا كلمة عدي الخاشوكة وكعت من ايدة قصي لازم حيدر بحضنه غضب يباوع بالماعون ومدنك راسة رفع راسة الحمد لله والشكر ذب الخاشوكة ووكف وطلع شهد واسد ممددين بصفي ونمر كاعد بحضني نزلتة وكمت ورا شفت فتح باب السيارة يريد يطلع لزمت ايدة دفرها بقوة رجعت لزمتها ندار باوع بعيوني وصرخ بصوت مخيف: عووووووفينيييي
عشق: بروح امك وغلاتها لتطلع
تقرب علية وحصرني بينه وبين السيارة حط كصته على كصتي: محد ياخذ مكان امي
مديت ايدي وحاوطت ركبته : ولا احد يكدر محد يكدر بس خلي نتفاهم
غضب: شنتفاهم ماكو كل هل سنين العذاب فوكاها يتزوج ورا موتها
عشق: ماشي امشي نصعد للغرفة لتطلع وانته هيج
غضب: عشق تفهميني لو بس تحجين
عشق: والله افهمك بس تعال وياية
لزمت ايدة وصعدته وياي هوة ويصعد الدرج باوع للصالة خواته كاعدات ع الغدا ويبجن قصي عايف الغدا وكايم هوة وقدس عدي كاعد بدون كلام سحبته وياي وطلعت للغرفة كعدته ع الجرباية وكعدت بالكاع كبالة واحجي ويا
عشق: غضب لتباوع من ناحية ابوك ادري بيك صعبة عليك ولو جنت بدالك هم صعبة علية بس انته هسه متزوج وتفتهمة تخيل نفسك بمكانة وبعمرة وبدون مرة تداريك اكلك وشربك نومتك وكعدتك صعبة عليه انته بعدك بحيلك ومتكدر وحدك شحالة هوة وحدة الوحدة تكتل الواحد كتل
غضب: ادري والله ادري
نزل دموعة دنك راسة وغطى وجهة بيدة: ماكدر اشوف وحدة بمكان امي
مديت ايدي على ايدة وسحبتها من وجهة
عشق: لتضم وجهك مني وانته تبجي كدامي لتسويها
غضب وكفني وحضني راسة على بطني ويبجي : شلون ارجع من الدوام واشوفها تطلع من غرفة امي وواكفة على طباخها وكلشي هيه مكانها
عشق: اااااشششش حبيبي المهم ترتاح
ضل يبجي الى ان سكت ورا نص ساعة ضل كاعد صافن اني نزلت اجيب الجهال صعدتهم وخليتهم بصفة نومت شهد ونمر اسد ماقبل ينام غضب اخذة من حضني حضنه ونام وهوة يبوسة اني نومت شهد بحضني ونمر بيناتنه
مرت ٣ ايام على هل موضوع اعصاب غضب بكوة تنطاق يحجي وياي قليل اخوته تقبلو الموضوع بس هوة مديتقبل الى ان كاعدين ع الغدة وغضب فتح الموضوع
غضب: زواجك اني موافق علية بس عندي جم شرط
عمي: كول
غضب: اول شي تنتضر اسبوع لحد ما الكيلي بيت ايجار اطلع بي اني ومرتي وجهالي واي وحدة من خواتي تجي وياية اهلا وسهلا والي متجي براحتها
عمي: غضب ليش تطلع من البيت خلينا كاعدين سوة مثل قبل
غضب: يابة لتكلي مثل قبل ماكدر اجي للبيت واشوف وحدة بدال امي لذلك الاحسن اطلع واعزل كلفي عائلتي هم كبرت ثاني شي غرفة امي تنقفل وتفتح لمرتك الجديدة غرفة الخطار وتجهزها الها غرفة امي متطلع منها ابرة
عمي: بس غضب
غضب: الي عندي كلتة توافق اهلا وسهلا مترضى اطلع واعوفلك البيت يلة الحمد لله والشكر
كام وطلع للغرفة سهى كامت ورا سرى ماحجت شي ضلت كاعدة انتضرت شوية وصعدت ورا غضب باوعت الباب مفتوحة شوية سهى حاضنته وتبجي ويا وهوة يسكتها ويفهمها ليش وافق على زواج ابو اني عفتهم وابتعدت نزلت جوة عمي صافن لمينا السفرة اني واية وقدس سرى راحت لغرفتها نامت راحتلها قدس حجت وياها اجتي كالت تكول ادري بابوية وحقة اني متفهمته بس خايفة على سهى لان الصغيرة غسلنا المواعين نزلت سهى وراحت لغرفتها اخذت الجهال وصعدت لكيتة متمدد وايدة على عيونة تقربت منه وحطيت راسي على صدرة مد ايدة من جوة ضهري وحضني للعصر نزل واني ابدل للجهال نزلت ورا لكيتة واكف ويا ابو حجى ويا وطلع ضليت انضف ويا البنات وحضرنه العشا لليل خابرته كال دادور على بيت شوية واجي لل٩ اجه للبيت ورا ما اتعشينة كال امشي لبسي عبايتج نشوف البيت صعدت لبست عبايتي شلت نمر وياي وطلعنه مشي بالطرف الثاني قريب على بيت اهله دخلنا البيت زين غرفتين واستقبال ومطبخ وحديقة وحمام وتواليت ونضيف كتله زين رجعنه للبيت كال ل ابو انته مشي اني لكيت بيت صعدنه للغرفة كعد يلعب شهد واسد ونمر صاعد على ضهرة يلعب ويا لبست دشداشة كصيرة ربع ردان واجيت وياهم لعبت لحد مانعسو نومت الجهال ونمت بحضن غضب اختصر عليكم مرت ٤ ايام غضب بين الدوام والبيت رتب البيت من صبغ ومعالجة وترميم طلعنا اخذنة اجهزة كهربائية من صديقة بالتقسيط جهزنة البيت خلال اسبوع وبدينه ننقل غراض غرفتي وغراض الجهال امي وسرى وسهى ساعدوني بالشيلة وهوسة الجهال غضب قفل غرفة امه بايدة وفتحو غرفة ل عمي بغرفة الخطار جابوله غرفة وجهزوا لمرتة الجديدة سهى وسرى ماقبلن يطلعن ويانه رادن يضلن ببيت امهن قبل زواج عمي بيوم انتقلنا بشكل نهائي لبيتنه الجديد الجهال مستغربين من البيت امي عافتنه وراحت
غضب: عشق تعاي نوميهم خطية تعبو
دخلت للغرفة واني شايلة شهد غضب شايل اسد ونمر يمشي كدامنه خليت شهد على الجرباية وكعدت نزعت نمر ملابسة وبدلتلة وبدلت لشهد واسد نومتهم بيني وبين غضب ونمنه او الجهال نامو اني الليل كلة اباوع ل غضب نايم على ضهرة وايدة جوة راسة والايد الثانية يشرب جكاير الليل كله ينافخ بالجكاير اقتربت منه عبرت من فوك الجهال فتحت ايدة ونمت على صدرة تمددت فوكا ذب الجكارة من ايدة وحط ايدة على ضهري فرك ضهري
غضب: عشق
عشق : ي روحها شبيك
غضب: تعبان
كعدت على بطنه وابوس براسة : شتريد اسويلك وترتاح والله روحي تطلع واني اشوفك هيج
غضب: بس ابقي وياي هيج ولتتغيرين ضل وياي بهالحنية وكونيلي ام وحبيبة ومرة محتاجج لتعوفيني
حضنته بقوة ونمت فوكا وهوة يبوس براسي غفيت ويا كعدت على صوت اسد يبجي فكيت ايد غضب من خصري ونمت بصفة رضعت اسد نومته على صدري وغفيت واني اباوع ل غضب شلون أسرني بحبه واني الي جنت ادعي علية واتمنى موتة صدك لو كالو عسى ان تكرهو شيئآ وهو خيرآ لكم سحبت ايدة حطيت جف ايدة على خدي ونمت كعدت الصبح حضرت الريوك وجبت الصينية للغرفة لكيتة كاعد ومخلي شهد بحضنه
عشق: صباح الخير
غضب: صباح النور عشقي اليوم كاعدة من وكت
عشق: حضرتلك ريوك ابو نمر
غضب: يروحلج فدوة ابو نمر من هالصبحيات
كعدنه نتريك كعد نمر ويانه كملنة ريوك وكمت اخذتة لبيت اهله نساعدهم ضلينا ملتهين للعصر عقدو لعمي ومرتة المغرب سرى وسهى راحو لبيت عمي رباح وقصي وعائلتة راح لبيت اهلي عدي ومرتة وجهاله لبيت اهلها الي همه بيت عمي الثاني اني وغضب والجهال دنرجع للبيت دخلنا
غضب: حضري نفسج دنطلع
عشق: وين نروح
غضب: للنجف مشتاق لامي
حضرت ملابسي وملابس الجهال
غضب حضر مقاعد الجهال وثبتهم بالسيارة كعد الجهال حطيت الجنط بالسيارة وطلعنا نمر بين شهد واسد كاعد وغضب يسوق واني بصفة الطريق كله ماحجى ولا كلمة بس نمر يحجي وحدة وصلنه الساعة بل ١٢ بليل حجزنه فندق نزلنة الغراض والجهال صعدنه للغرفة الجهال نامو من التعب الغرفة بيها جرباية ام النفرين وجرباية ثانية ام النفر
كلنا نايمين ع الجبيرة اني وغضب والجهال الساعة بال٢
غضب: كومي عشق ننام على ذيج الجرباية
كام قبلي تمدد وفتح ايدة تمددت بحضنه ....
كعدنه بالستة الصبح غسلنا بدلت للجهال وطلعنا للمقبرة اخذنة مي ورد وبخور ودخلنا وصلنا قريب من قبرها نزلنه اني وغضب من السيارة الجهال ضلو بالسيارة نايمين نزل يمشي باتجاه قبرها واحسة يرجف وصل يم قبرها كعد بصفه وسند راسة عليه محجى ولا كلمة ضليت واكفة ورا بس اسمع صوت شهكاته اقتربت لزمت جتفة رفع راسة وصرخ بقوة: رببببببببببببببي ليش لييييش اخذتها وما اخذتني
كعدت مقابلية لازمة حلكة وابوس بايدة اريدة يسكت وهو حط راسة على جتفي ويون ونين يبجي الصخر ضل تقريبا نص ساعة الى ان هدئ وكام غسل قبرها وفتحلها بخور كعد يقرالها قرآن واني كاعدة يمه اقرة ويا كمل سد القرآن باوعلي
غضب: ج
🌹🌹
للكاتبةLamar Alzankna
-------
جفصت خوش جفصة اليوم وذكرت اسم عشق بالتعليقات الحمد لله مرت سلامات وغضب رحمني وماقتلني بما انو نعرف اسمها خلي اكوللكم عليه اسمها فرح ذكرتة بتعليق وخوش جفصة مال اوادم 😂😂😂😂
نصيحتين لليوم
الاولى ... ابد لتنسخين شي بدون متقري وتدققي لا معناها تجفص😂
الثانية..... لتشربون لبن ع الغدا لان النعس يدك بيكم دكة مال اوادم عبالك شاربة مخدرات مو لبن انسطرت 😂😂
تعليقاتكم ماعرف شلون اجاوب عليها بس اكوللكم امووووووووت عليكم
المشاهدات تجننننننننن بس التصويت صح قوي بس يعني مشاهدات البارت ١٣٥٥ مشاهدة والتصويت ٢٢٣ ليش مو والله داتعب لخاطركم والتصويت هوة الي يرفع القصة بس داطلب منكم واعرفكم متقصرون حبايبي🌼🌼🌼
❤❤❤❤❤❤❤❤❤❤❤❤❤❤❤❤❤احبكم❤❤❤❤❤❤❤❤❤❤❤❤❤❤❤❤❤
أنت تقرأ
غضب العشق ( نهوة)
ChickLit-انتة اكثر واحد اكرهه بهاي الدنيا اموت منك اكرررررهك - خلي اشوف شلون تكرهيني ورا ما اكسر عينج الصلفة هاي - استهدي بالرحمان ابني وصلي على محمد - عليه افضل الصلاة والسلام من هذا اليوم وهل ساعة وهل دقيقة عشق صارت نهوتي نهوة غضب - لا فدوة يمة غضب لتس...
