غضب العشق ( نهوة)

البارت ٣٠

ويا اخر درجتين زلكت رجلي ووكعت على ضهري حسيت مي نزل عليه وشي بضهري طك غضضضضضضضضضضضضضب
عمتي اجتي تركض واني عيوني من الدموع ماشوف شي الدموع تنزل مدري من الالم مدري من خوفي على غضب مدري من خوفي على نمر عمتي تحجي وياي بس مدفهم شي عدي واكف يمي ولازم جتفي واني اصرخ وابجي البنات يبجن والخوف مسيطر ع الكل حاول عدي يوكفني صرخت بألم ويا صرختي دخل عمي رباح من شافني بالكاع يم الدرج ممدة وابجي ع السريع كرفص يمي يسألني شبيج لزمت ايدة واتوسل بي
عشق: فدددددووة عمموو اريد غضب فدوة ااااخ
لزم الكاع يسند نفسة رفع جف ايدة وباوع ل عمتي
عمي رباح: ام عدي هذا شنو
عمتي شهكت بقوة وقدس صاحت راح تجيب واني لازمة ايد عمي واتوسل بي اريد غضب سرى واكفة تخابرة ميجاوب
سرى: مديجاوب
عشق: غضب بي شي وينه غضب وين
عمي رباح: عدي شيلها ناخذها للمستشفى
عشق: ماررررروح بدون غضب عمه فدوة عمو اريد غضب اتوسل بيهم وعيوني تفتر بيناتهم ميجاوبوني عدي كرفص مد ايدة جدة ضهري صرخت بقوة ألم موتني مدها جوة جتفي والثانية جوة رجلي ورفعني واني اصرخ قميص غضب بيدي اعصر بي واعض وابجي شايلني عدي وعمي يركض قبله فتح باب السيارة بكوة يريدون يصعدوني بالسيارة كل عمامي اجوي والولد والبنات يسألون ع الانفجار شافوني تخبلو
عدي :سوولي مجال دافوتها حيدر اسحب الكشن ليكدام
حيدر(ابن عمي): مينسحب مديصير
يحيى(ابن عمي):سيارتي بيكم خلي ناخذها بيها ع السريع
صعدت عمتي وامي ليورا وصعدوني وياهن قدس وعدي ليكدام يحيى يسوق وعمي بصفه وحيدر ويانة ليورة ويا كل طسة يزيد المي ووجعي بنص الطريق حسيت بألمي قوة وشي يطلع مني
عشق: ماما مااااامااا نننننممم ررر
عمتي مدت ايدها وصرخت وهيه تضرب على الجامة مال سيارة: استتتتتعجلو راح تذب نمر هنا
خفت لا صدك اجيب بالسيارة وبدون غضب سحبته بقوة ماريدة يطلع شنجت نفسي حتى ميطلع عمتي صرخت بيه
عمتي: لتسووووين هيج يختنك الطفل
حابسة انفاسي وحجيت: ماجيب بدون ماعرف شي عن غضب
الجامة ندكت من وراي ندارت عمتي وصاحت:يمة وليدي
عشق: غضب وييين
عمتي: ديخابرهم
عشق: اررريدة انطوني يااا
عمتي دكتلهم الجامة وكفو ونزل يحيى انطاني الجهاز
غضب: الوو
ماعرف اوصف شعوري بذيج اللحضة واني اسمع صوته يعني بخير يعني مامات الف الحمد لله والشكر احمد ربي بداخلي واني اسمعة يصيح باسمي ويطمني
عشق: الحمد لله والشكر غضب احب
ضلمت الدنيا وغبت عن كلشي بالحياة ماحسيت الا براجديات قوية على وجهي وصوت كلام مداستوعبة ولا افهم شي منه فتحت عيوني شوية ضوة قوي غمضت انضربت راجدي الخ فتحت حطيت ايدي على عيوني شي بلاستك قوي اذاني من حطيت ايدي على عيوني انسحبت ايدي من فوك عيوني واسمع صوت بنية تكول: لاا لااااا عشق لتسوين هيج
لساني ثكيل مينطق بكوة نطق: غغغ غ ضضبب
صوت بنية ثانية نطقت: هذا هوة خلي نطلعها
انسحبت باوعت على صفحتي نايمة على سدية متحركة وديمشون بيه بممرات مو كلش ضيقة شبه خيال بنات اثنين لابسات اخضر وولد كدامهم يفتح بوب اكثر من ٣ بوب ورجعت الاضاءة طبيعية سمعت صوت رجلينات تمشي وصوت حجي بين كل الاصوات ميزت صوت امي وصوت روحي تذوب بي هذا صوت غضب اطمئنيت ونطقت: غغ ضبب
انلزمت ايدي باوعت واحد طويل ولابس عسكري عيوني بعدها مغوشة مديت ايدي الثانية فوك ايدي الي لازمها وجريت حديدة تلمع صارت كدامي طلعت حزام غضب تقرب مني ونزل راسة يم راسي شتميت عطرة عرفته غضب
عشق: غغغ ضببب
غضب: ي روح غضب ي احلى ام نمر
الممرضة: رجاءآ بس نوصلها للغرفة
لازم ايدي والسدية تمشي بيه وكلها داير مدايري بس مدميزهم منو من الدوخة الي براسي ايدي شلتها وحطيتها على بطني هاااي شنو بطني نازلة خفت لا صاير شي ب نمر
عشق: نمممممممممممر ووووين
امي: نمر بخير ماما اهدي
لزمت ايدي بقوة وابجي واصيح نمر
غضب: جبتي ياعمري والله جبتي بالخدج هسه يجيبو
دخلوني لغرفة
عشق: ارريد ابني جذب ماجبت بعدني بالثامن ابني وين شصايرله
لزمت ايد غضب
عشق: بغلاتي عندك نمر وين
لزم وجهي: والله بخير بالخدج امي وموسى ويا والله بخير
عشق: جيبولي يا اشوفة
غضب: حبيبتي بالخدج بعدة صغير ومختنك جان
عشق: ارررريد ابني غضضب ابني اريدة
يريدون انزل من السدية يحولوني للسدية الثابته واني ماقبل
الممرضة: لازم ترتاحين هستوج طلعتي من العملية ميصير
عشق: ابببببني اريد اشوفه
شفت مرة لابسة روب ابيض دخلت علينا معرفتها لان عيوني مغوشة الا من سمعت صوتها
الدكتورة: ها ام نمر شبيج بالخير
عشق: ارريد ابني اريد نمر اريد اشوفة فدوة دكتورة
الدكتورة: انتي ارتاحي والله هستوني جنت يمه شفته ودكتور الاطفال كال حالتة ممتازة رغم طلع مخنوك ارتاحي واجيبة الج
عشق: اررريد اشوفة فدووة
لزمت ايدها اريد ابوسها سحبت ايدها وكالت استغفر الله مروة اخذوها ل ابنها تشوفة
اخذوني واني بالسدية وكفو كدام غرفة فتحو الباب شفت اطفال اشرتلي الممرضة على طفل لابس ازرق
الممرضة: ذاك ابنج
عشق: عفية جيبي الي
الممرضة : ميصير ارتاحي واني اجيبه
عشق: بس اشمة ورجعي
اشرت للممرضة الثانية تجيبة الي شالته واجتي حطته على ايدي حطيت خشمي على كصته وتنفست عطرة بقوة ردت روحي وكل تعبي راح عطرة مميز غير عن كل عطر شميتة من قبل بسته من خشمه اجه غضب حط راسة على راسي وايدة على راس نمر نزلت دمعتي ويا دمعته
الممرضة: لازم نرجعة بعد
اخذته الممرضة من ايدي واني لازمة ايد غضب رجعوني للغرفة الى ان وعيت على نفسي بس بطني توجعني
عشق: شصار وياي
عمتي: بالسيارة من انطيناج غضب تخربطتي وصلناج للمستشفى حالتج خطرة غضب طلع واصل قبلنه وقعنه على اوراق عمليتج ودخلوج قيصرية  طولت عمليتج ٣ ساعات لان نمر مخنوك جان طلعو للخدج لان ثميني
كلهم راحو لبيوتهم بقت امي وياي وقدس ويا نمر وغضب يروح ويجي بيني وبين نمر للعصر كل شوية جايني احد من كرايبنه يتحمدلي السلامة ويباركون ل غضب على نمر واني اشوف فرحة غضب متنوصف
ألم ببطني عبالك شياشية ومزروعات ببطني الساعة بالستة العصر جابولي نمر فرحتي بهاي الدنيا دخلو حطو بحضني واني ابوس براسة واشم بي الضنا غالي شعور الامومة مينوصف ولا اكدر اوصفة قطعة جانت بداخلي من اول يوم انبتت بداخلي وكبرت وطلعت واليوم بين ايدي قطعة تمثل حبي اني وغضب ثمرت عشقنة كعد غضب كدام الجرباية ومد ايدة على نمر ويباوعلي مبتسم ويكول احلى ام نمر ابتسمتله دخلت الممرضة تنطيني العلاج اخذ نمر من ايدي ووكف على صفحة بين ماضربتني الابرة وانطتني العلاج واني اباوع عليه شلون شايل نمر ويبسبسلة وفرحان بي
الممرضة: بالعافية
ام عشق: تسلمين عيوني
غضب انطاها خمسة بخشيش طلعت
عشق: انطيني نمر
غضب: اكبرلة حبيبتي واسمي
عشق: اي
غضب بدة يكبر بأذنة وهوة شايلة ونمر يتنعوص بحضنه الى ان سما نمر وجابه حطه بحضني وباس راسي
غضب: مبروك ام نمر
عشق: الله يبارك بيك ابو نمر
ام عشق: بالخير يتربى بعزكم ودلالكم
عشق: تسلمين ماما وانتي الحاضرة
غضب: مشكورة عمه
ضل نمر بحضني واني اشمشم بي وغضب طاب طالع منا شغلة ومنا اني اني امي تداريني وتاخذ نمر من عندي تبدلة تغسلة الى ان صارت بل ١٠ بليل صدري فدنوب الحليب ونمر مديرضع بس يبجي اجه طبيب الاطفال كال لازم ترضعو غضب شال نمر امي كعدتني ارتجيت ع الجرباية وخليت نمر بحضني وارضعة ألم بطني شي وألم صدري شي ثانية مديعرف يرضع حرت بي غضب واكف يمي وامي تحاول تساعدني بس مديرضع جابو ممية حتى يرضع وهم مديرضع مدري شبي دوخني جابو ملاطة( ماعرف شيسموها) وهم مدياخذ بكوة نام شوية بال١١ غطوني دنام امي نامت ع التخم وياي بالغرفة وغضب ع الكرسي كاعد يراقبني ونمر نايم بسرير الاطفال غفيت ورا شوية حسيت على ألم صدري باوعت غضب نايم وركبته عوجة خطية مبين ممرتاح باوعت لامي نايمة ونمر يتنعوص بس صوته مو قوي مديت ايدي داعدل ركبة غضب فتح عيونه جفلان
غضب يفرك بعيونه: هااا عشقي محتاجة شي
عشق: لا حبيبي بس داعدل ركبتك
غضب حرك ركبته وطكها: مابية شي حبيبتي مرتاح هيج ليش كاعدة يوجعج شي
عشق: غضب انطيني نمر دارضعة صدري فدنوب صار وهوة هم مبين جوعان
كام وكف شالة اني سحبت نفسي على طرف السرير وخليت مكان فارغ بصفي جاب نمر وحطة على كيفة بحضني حتى متوجعني العملية ساعدني حتى احاول ارضعة هم مكدرت عليه ولا نمر يعرف يرضع واني اشوفه يبجي غضب شالة من حضني ويهز بي حتى يسكته اني اباوعله وكمت ابجي صعب شعوري واني اشوف ابني جوعان ومداكدر اسويلة شي غضب شافني ابجي اجه تقرب علية وهوة شايل نمر باس راسي ويهديني واني بس ابجي ونمر يبجي غضب باسني حتى اسكت هوة ديبوسني تذكرت اول مرة باسني وشلون تعلمت عليه ابتعدت من غضب وفتحت ايدي
عشق: انطينيا
غضب: هسه اسكته اني انتي ارتاحي
عشق: انطينيا اني اعرف شلون اسكته
حطه بحضني وهوة واكف بصفي لازم جتفي قربت وجهي من وجه نمر وسحبت شفايفة بين شفايفي ارضع شفايفة حتى يتعلم يرضع بالبداية ضل يبجي
غضب: هاي شتسوين
عشق: اني اعرف شسوي
غضب: عشق شتسوين فهميني
عشق: اعلمه يرضع
رجعت رضعت شفايفة تعلم شوية
عشق: غضب الزمة شوية
اخذة من ايدي طلعت صدري وحطيته بحضني شوية شوية وتعلم يرضع الحمد لله ابتسمت بوجه غضب تقرب علية لزم وجهي بين ايديناته وباس كصتي
غضب: من اكلج احلى ام متصدكين
عشق: وانته احلى اب سحبت نفسي ووخرت البطانية
عشق: تعال نام هنا
غضب: عشقي ارتاحي انتي اني هيج مرتاح
عشق: تعال غضبي نام ماكدر انام بدونك اريد حضنك
غضب ابتسم واجه بصفي تمدد حطيت راسي على جتفة من ألالم وهوة يمسح على راس نمر بديت اغفي ونمر يرضع كل ما اغفى افتح عيوني بقوة حتى ما انام
غضب: نامي حبيبتي
عشق: لا خاف يختنك راح اضل كاعدة
غضب: اني دراقبة نامي
عشق: لا باقية كاعدة
دقايق وغيت ماحسيت الا نمر انشال من حضني واحد يمسح صدري بالكلينس رتب ملابسي وغطاني فتحت عيوني شفت غضب شايل نمر ومنومة على صدرة ويفرك ضهرة
عشق: شبي
غضب: شبع دافركلة ضهرة امج العصر شفتها ورا الرضاعة هيج سوت حتى ميبقى غازات
ابتسمت بوجهة وبست من كتفة هوة مسح على راسي وكال ارتاحي عشقي اني نداريت عليه بصعوبة بسبب العملية حضنت ايدة واني  اباوعلة شلون مهتم ب نمر وشكل نمر شلون نايم على صدرة براحة
عشق بابتسامة: ابن امه ميرتاح الا على صدرك
غضب: يدلل هوة وامة
غفيت ماحسيت الا الصبح على صوت الممرضة جايبة الريوك و دواي  غضب بعدة منيم نمر على صدرة حاضنه ونايم
امي مموجودة