Lamar Alzankna

كيف نويت اكتب قصة غضب العشق

قبل ٨ اشهر تقريبا صار عدنه مناسبة كرايبنه بس مو حق المعرفة يعني من بعيد ( ابن اخت الخياط الخيط بدلة العرس😂😂 لحد يسألني بالضبط شتصير مني لان كرابة بعيدة عائلة متشابكة😄) المهم رحنه هناك تعرفت على......( عشق كما ذكر في القصة) من بين كل الكرايب صادقتها لان صاحبة لسان حلو وشقوجية جانت حامل بوقتها بشهر ال٥  تعمقت صداقتنه اكثر خلال المناسبة شفت جهالها وشفت ادهم ( غضب كما ذكر في القصة) جان عنده شيب شوية 😁😁 كعدت وياي اني بيه طبع كل المتزوجين لازم أسألهم شلون تعرفو هيه ورجلها 😁✌ ف كعدت حجتلي القصة بالمختصر كلتلها عوذة هذا مو حب هذا مخبل ضحكت وكالت انجبي والله احبه كلتلها جبير كالت اي فرق بينه ١٤ سنه بيناتنه اني نصدمت كالت عمري ٢٥ وهوة ٣٩ سنة المهم طلبت منها رقمها اخذت اذن من ادهم حتى تنطيني رقمها بالبداية كام يتنعوص ويمانع بس حكم المراة على الرجل ( هسه يقراها غضب ويكرهني 😓)قنعته واخذت رقمها على شرط ما انطي لاحد ضلينا نتواصل اني وياها دخلت عالم الواتباد ورة كم شهر وهيه جابت النونو الصغير  . اني من طفولتي عندي خيال كاتبة بس ماجنت منتبها الواتباد خلاني انتبه عليه بديت باول قصة ماجانت ناجحة بالشكل الجيد ونشرت الثانية كلتلها ل عشق ع البرنامج نزلته وشافت قصصي بالوقت الي جنت انشر قصة عهد واسامة طخت ببالي قصة عشق وكلتلها شنو رأيج انشر قصتج انتي وادهم  هيه قبلت كالت اكول ل غضب هم لان مثل ماهيه قصتي نفس الحالة هيه قصته ردتلي خبر ورا كم ساعة وكالت قبل على شرط تبدل الاسماء وبعض التفاصيل الصغيرة ومتنطي اي عنوان خطية بكوة مقنعته بدت ترويلي قصتها بالتفاصيل من بداية حياتها الى يومنا هذا بهاي الفترة جنت انشر عهد واسامة واني ببالي احضر غضب العشق بس جنت حايرة باسمها كملت قصة عهد واسامة واني و البطلة ندور على اسم للابطال والقصة لكيت اسم عشق لان اكو كاتبة كلش احب قصصها اسمها ام عشق واني مقررة اسمي بنتي عشق اقترحت الاسم وكلتلها هم رمز من رموز الحياة مثل اسمج الحقيقي كالت عجبني بقى اسم للبطل كاعدة اتغدة واخوية ذكر اسم غضب صديقة اني طخت ببالي لان اصلا ادهم اعصار او بركان هيج اسماء تلوكلة اكثر من ادهم عفت الغدا وكمت خابرتها كلتلها الاسم كالت يولي اسمه مرعب ومحلو كلتلها والله حلو ويلوكله اتفقنا نسمي غضب بقى اختيار اسم القصة وهاي اصعب مرحلة بالنسبة الي ككاتبة اختيار اسم القصة مهم حتى يجذب القارىء لزكت اسم باسم وطلعلي غضب العشق توالم ويا القصة   وصف القصة خليتها اهم مشهد بكل الرواية وهيه من نهى عليها  المهم بديت ب نشر القصة بالبداية التفاعل ضعيف بس يوم عن يوم زاد التفاعل والحماس والتشجيع وكل بارت ادزة ل عشق تقرا تتاكد منه اخاف اني ضايفة شي زايد او منقصه شي اعدله وانزله الكم الى هذا اليوم

هواي تساؤلات حول قصة غضب العشق علمود هيج قررت انزل شلون تعرفت على عشق وكتبت قصتها

اي استفسار او سؤال اكتبو بالتعليقات 💭💭💭💭💭💭💭💭💭💭💭

لاتنسون تصوتون
✴✴✴✴✴✴✴✴✴✴✴✴

غضب وعشق يرسلون تحياتهم وسلامهم ويشكرون كل احد دعالهم بالموفقية والسعادة 💜

الكاتبة: Lamar Alzankna

❤❤❤❤❤❤❤❤❤❤❤❤
❤❤❤❤❤احبكم❤❤❤❤❤❤❤❤❤❤❤❤❤❤❤❤❤