صقر الصعيد

البارت الرابع

قهقهت " فريدة " من الضحك عليها بسخرية وقالت :-
- كأنك بتجولي صجر عمره ساب فرض صلاة ،، صجر عمره ما يضرب حرمة وكمان بيخاف علي حريمه جوي جوي ،، آنا مهما أتخانج وأتعصب عليه وأغلط عمره ماضربني ده هو اللي بيرضيني كمان

رسمت بسمة مُشرقة علي شفتيها بعد أن طمأنتها من منامها المُخيفة وبالتإكيد ناتج من عقلها الباطل وخوفه من المستقبل ،، فسألتها بسعادة :-
- وانتي بقي عارفة كل المصايب دي وبتحبيه سي زفت دا ازاي ده ميتحبش

تحولت ملامح " فريدة " من الهدوء الي الحزن المميت الذي ينبع من قلبها الصغير المحول الي رماد ثم هتفت بخفوت :-
- الجلب مبيختارش حبيبه ،، أنتي فاكرة لو حسام جالي وجال نتجوز انا هوافجه مستحيل اوافج آنا بس معرفاش أبطل أحبه.... 

- متزعليش بكرة ربنا يعوضك براجل يحبك وتحبيه ويصونك
قالتها " جالان " وهي تربت علي كتفها ثم أكملت بفضول :-
- عشان كدة بقي صقر قبل بالفلوس امبارح

رفعت " فريدة " نظرها لها وقالت بخفوت :-
- عشان يحميكي أنتي وأبنك لما ربنا يرزجكم بيه ،، صجر لو كان جتل كامل امبارح كان التار هيرجع وصجر معندوش غالي غير ولده لما يجي ،، كانوا هيستنوا سنين لحد ما يجي وتربي وتكبري وتصرفي ويجتلوا جدام عيناكي بعد ما تزرعي وترعي هم يحصدوه ،، كدة كان احسن 

هتفت " جالان " بسعادة من تصرفه قائلة :-
- طب الحمد لله ،، هو هيرجع أمتي

لم تجيبها فبتر حديثها دخول " مجدي " وقفت بذهول وهي تقول :-
- جدي

صاح بها وهو ينظر لـ " قمر " وأطفالها :-
- ده الكلام صوح بجي وصجر اتجوز وخلف كمان من غير راي ولا أذني

- لالالا ياجدي خلف ايه دي جمر خيت جالان ،، دي مرات صجر ،، تعال أرتاح
قالتها وهي تأخذ يده ،، نظر لها وهي تلف جحابها وتقف هناك هادئة لم تصدر اي صوت ،،  جذب يده من قبضتها بعنف وهو يقول :-
- بعدي أكدة ،، هو فين اخوكي ده اللي ملهوش كبير

أبتسمت " جالان " بسعادة بعد أن علمت بأنه سيقف معاها ضد "حسام" وذهبت نحوه مُبتسمة ثم قالت :-
- تعال ياجدو أقعد وأنا هتكلم معاك شوية  ،، فريدة حكيتلي كتير عنك

نظر لها بدهشة وذهب معاها وجلسوا في الجنينة وحدهم وحكيت الموضوع بأكمله فضرب نبوته بالأرض بغضب وهو يردف بجدية غاضباً :-
- طول عمره مستهتر وبايظ ،، وصلت معاه آنه يضربك انتي تنضربني ده حمار ما بيشوف ،، طالع لأبوه الله يرحمه عمره ما فهم في الحريم كيفي

ضحكت معاه بسعادة وهو يغازلها بحديثه ،، وقالت بخفوت :-
- يعني مش زعلان من صقر

- صجر ميتزعلش منيه واصل ،، ده تربيتي آنا ،، بس تعرفي لو كان اتجوزك كمان مكنتش هزعل منيه واصل ليه بجي مشان انا طول عمري بجول اتجوز وهاتلي عيل يكملوا سلسال ابو الدهب وهو اللي مبيسمعليش وكمان مشان أنتي كيف الجمر البدر وروحك زينة كمان تتحب ،، وشكلك بيجول ان الزفت حسام ده تعباك جوي جوي
قالها وهو مُتكي علي نبوته بذراعيه ،، فهتف بعفوية مُقلدة للهجته بسعادة :-
- جوي جوي ياجدي