صقر الصعيد

البارت الرابع

- مفيش
قالتها بعد تنهيدة قوية ،، دق باب الغرفة ففتحت ووجدت " فريدة " تردف بأستياء :-
- الفطار جاهز تعالوا أفطروا

أشارت إليها " جالان " بالموافقة وتمتم :-
- حاضر هلبس وإحصلك

- مفيش داعي صجر سافر مهيعودش النهاردة وحذر عوض ميدخلش اهنا و السرايا مفهاش رجالة حتي جوزك سافر  ...
قالتها " فريدة " وهي تأخذ الأطفال ،، أتسعت عيناها علي مصراعيها بذهول وقالت بتلعثم :-
- سافر

نظرت " فريدة" لها بدهشة من ذهولها وملامح الحزن التي سكنتها من خبر مغادرته وتسألت هل أحبت أخاها فعلاً ؟؟ ونزلوا معا للأسفل وهي حزينة بعد أن كانت خائفة ولم تلعب مع الأطفال ،، فسألت بفضول :-
- إيه حكاية زهرة دي بقي ؟؟

تتنهدت " فريدة " بحزن وبدأت تروي لها ما حدث منذ تسع سنوات قائلة :-
- أقولك ياستي زهرة دي بنت فاتح ابو زيد وخيت كامل اللي خطفك دا وكمال الله يرحمه لأن ميجوزش عليه غير الرحمة ،، حسام زمان جبل ما يسيب النجع والصعيد كلتها كآن بيدرس في الجامعة مع صجر في كلية التجارة ،، كان شايف ان صجر عنده كل حاجة وجدي مهيبخلش عليه بحاجة بواصل حب يثبت أنه عنده حاجة كيف صجر تماما وكانت الحاجة دي اللي مموجداش فصجر ،، أنه يعرف بنات الجامعة وفي اللي يعرف يعاشرها في الحرام وفي اللي تتطلع جدعة متناولهوش اللي في باله واصل ،، وجتها جدي جال أنه مستهتر ومينفعش يمسك حسابات ولا فلوس في يده وحرمه هو وعمي من الميراث ،، بس كان كاتب حج عمي بعجود صورية ،، وجتها حسام جابل زهرة في الجامعة وفي أول محاولة معاها ضربته بالجلم الموضوع كبر في دماغه وخصوصاً ان الجامعة كلتها عرفت وشافته بينضرب من حرمة وده عندينا هنا حاجة كبيرة جوا ،، جعد شهر كامل يخطط ويراجب لحد ماسنحت له الفرصة وخدها من الطريج بعدها لاجيناها في أرض زراعية مقتولة ومُغتصبة ،، فاتح كان هيجن مين عمل في بنيته اكدة بس واحدة زميلتها جالته ان حسام خدها من الميكروباص فعرف انه هو اللي عملها ومن هنا بدا التار والدم ،، كمال حاول يجتل حسام بس صابت عمي ابو حسام فكيف يحصل اكدة راح ابويا يأخد تاره فجتل كمال وجه كامل ياخد التار جتل أبويا وكل ده وحسام مختفي ،، جدي أتحسر علي ولاده التنين وصابه القلب ،، أعيان النجع حاولوا يهدوا الموضوع لان وجتها أهل النجع كلتهم كانوا عايشين في رعب وخوف ،، كان الدور علي صجر ينجتل بعد ما أتجتل أخوه فاتح فجالوا يجدم كفنه ويتصالحوا ،، فعلا جدم كفنه جدام البلد كلتها مكسور بس معندوش حل تاني وأتصالحوا وجدي طرد حسام من النجع والصعيد كلته بعد ما خسر ولاده بسببه وحرمه من كل الميراث ،، بعدها معرفناش حاجة عن حسام غير لما أتصل بصجر وجاله انه عاوز يتجوزك وإمكانياته متسمحش ،، صجر فرح فكر حاله اتصلح مادام في واحدة جدرت تخليه يتجوزها بس طلع غلطان لما أتصل يجوله انه طلجك الثلاثة ومكنش مر علي جوازكم ثلاث شهور

كانت تستمع لحديثها بصدمة اهذا من كانت تحبه او بالأحري توهم نفسها بحبه ،، كانت تعيش حقاً مع قاتل مُغتصب لعرض البنات ،، سألتها بهدوء مترددة :-
- صقر عمره ضربك