الشيخ & العشگ

بارت 2

- جاسر . . شيخه اني جاسر ابن الشيخ هاشم موش كسر صغير مثل هذا يأذيني 

- وسن . . بعد بيتي  ييمه روح ارتاح نلكاك تعبان من السفر 

- جاسر . . ماشي شيخه بس وين خواتي ماشفتهن يساعدنج بالطبخ 

- وسن . . ابيت عمك قاسم هناك يطبخن باقي الاكل علمود لتضوج من هوستهن 

- جاسر . .  يله يمه اروح انام من تصبون كعدوني عيب من الزلم 

- وسن . . اي يمه نام 

جاسر صعدت فوك بغرفتي فتحت الباب لكيته نظيفه ومبخره 

نزعت ساعتي وطلعت موبايل من جيبي حطيتهن بصف السرير من تعب نمت بهدومي مابدلت 

. . . . . . . 

سما رحت ويه امي للمطبخ اساعده بالطبخ سوينه دولمه لان عمتي تحبه من ايد امي 

وبرياني وسمج واني حضرت الطرشي والزلاطه والخبز جا حيدر من دوام 

- حيدر. . خوخه جوعان شنو الغده 

- خوله . . يكولون بالاول السلام عليكم 

- حيدر . . وعليكم عيني هسه شنو غدانه 

- سما . . ماكو غده هسه 

- حيدر . . ليش شنو حصار 

- سما . . لا بيت عمه رحاب اليوم يجون على الغده ابويه عزمهم 

- حيدر والابتسامه شاكه حلكه . . هاا اذا هيج ننتظر يجون يله نتغده

-سما . . منين طلعت عين الشمس الي يسمعك ميصدك 

- حيدر . . انت انجبي معليج 

- خوله . . اسكتو ثنينكم حيدر روح على بيت مها ( اخت سما الجبير) جيبه رجله عنده شغل ميكدر يوصله 

- حيدر . . اي خوخه تدللين تريدون شي وياي 

- خوله . . لا سلامتك 

- سما . . حيدوري حباب حبشكلات وياك علمود سهره اليوم 

- حيدر . . اي ماشي يله اني طالع 

- خوله . . الله وياك . . سما نضفي الاستقبال والغرف ضيوف لان خطيه يجون تعبانين واني راح اخابر اخوج عمر يجي من وكت هو ومرته عيب من عمتج تلكينه ممتجمعين

- سما . . اي خوخه تدللين 

- خوله . . وج عيب كدام عمتج تصحيلي خوخه افتهمتي 

- سما . . اي يمه والله ادري قابل اني صغيره 

- خوله . . يله روحي ماضل وكت 

سما بديت بتعزيل الاستقبال عدلت الكوشات مال تخم والفرشات وكنست وعطرته وبعدين على غرف الضيوف 

لما كملت اني مستشهده خرب رحت سبحت ولبست تراك اسود وبي لون وردي فاتح شسورت شعري وسويته كعكه سمع صوت لجوه نزل جتي مها ويه حيدر وجابو حبشكلات