انت اول شخص دق له قلبي💗
أحببتك بكل جوارحي😍
كنت لي كل شيء ...كنت سندي في هذه الحيا💞
أتذكر تلك الليلة🌃....عندما وعدتني بعدم تركك لي👫....قلت انك ستواجه كل المصاعب معي💓 و اننا سنخطي كل خطوة معا ❤
.......
فلما خدعتني و ذهبت 😞...لما تركتني وحيدة ف...
و إنتقلت الى عالم الأحلام ❤ *في الصباح* نضت صباح على صوت الرافاي ⏰يعيط حكمتو خبطتو كيلعادة و لعوايد و نضت رحت عين مفتوحة و عين مغلوقة ني ميتة بلعيا مالقري دا وين نضت رخت درت روتيني اليومي♻ وجدت فطور خفيف 🍳🍞🍏 و رحت وجدت روحي درت مايكاب خفيف بزاف و لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلت الثمنية سمعت تدقديق رحت فتحت لقيتو أليكس صفاء : هاااي اليكس اليكس : هالووو واش راكي واجدة صفاء : وي خلاص رحت اتا طفيت ضواري و فيريفييت لغاز و كلش و اليكس دا لفاليزات تاعي ههه بسيف مخليتوش بصح كي لعادة يغلبني و برك كملت رفدت لمفاتح و جيت خارجة صفاء : باي باي داري العزيزة💖 اليكس : اجري دك يروح لحال صفاء : خلاص جيت هههههه رحت ركبت و قلعنا ... وصلننا للمطار ...و حان وقت الوداع بعد الوداع الطويل المؤثر 😭 جا الوقت .... طلعت فالطيارة و برك قعدت فلكرسي هداك... بداو يجوني ذكريات مالماضي.... قاعدة فكرسي فالطيارة... شعري قاع مخرب ...وجهي صفر لابسة لبسة تبهدل .... نبكي بشهقة و ناس قاع تخزر فيا ... حاكمة تلفوني و صوت المرأة يقول '' إن هاتف مراسلك مغلق او خارج نطاق التغطية يرجى اعادة المحاولة لاحقا '' الهدرة هادي خلاتني نزيد نتألم كثر. و كثر ... هكا كانت اخر مرة ركبت الطيارة ... عندها 6 سنين لكن نفس الاحساس .... قاطع افكاري صوت لمءيفة تقول نربطو الاحزمة باش تقلع الطيارة تنفست مليح...نحيت الافكار هاديك غلقت حزامي و رقدت ديراكت ..... *بعد مرور * عاودت نضت على نفس صوت الموظفة لي تقول بلي وصلنا للجزائر.... عوجت روحي مليح باش يروح داك التفنيين لي مور الرقاد ...و نضت رفدت لي فاليز تاعي و جيت خارجة برك خرجت اول عفسة قابلتني مرأة كبيرة و موراها دراري تعيط عليهم .... أجرو أجرو راح ديماري الطيارة يا لكلاب و نتو نزلتو هنا اجرو ..... تقوللهم هكا بلعياط تقوشي راي فدار كي شفت هكاك تبسمت وحدي اه يا بلادي مزلتي نتي نتي متبدلتيش هههه اااه شحال توحشت ريحة لبلاد 💔😢 قاعدة نمشي و نشوف فناس كيفاش يتعاملو ههههه مزالهم مراض الشعب حتى نسمع
****: صفااااااااااااااااااء انا برك درت و نصيب أنفال جاية تجري من جهتي انا كي شفتها صفاء : أنفااااااااااال و نضت نبكي كي وصلت ليها عنقتها و هي تان و زيرنا على بعضنا باقصى ما. لدينا من قوة هي تبكي و انا نبكي و نقولو كلام ميتفهمس مخلط بلبكية المهم سمير كحل أنفال : يالخرا والله قلت كي رحتي لفرنسا رجعتي مرأة راقية بصح علا حساب الشوفة المستوى الحيواني تاعك زاد صفاء : يا ختي عايزة كلام دي !!!؟ انا وجهي وجه العقالة 😂😂😂 أنفال : ههههههه عبالي نعرفك اجري نروحو...حقا علاه مجاوش والديك و الاخوة يجيبوك ؟ صفاء : مقتلكش بلي معبالهمش ؟ خليتهالهم سوربرايز💃 أنفال : اوه ماي كوكورو *قلب باليابانية😂* قولي والله صفاء : بحلفلك يا ختشي أنفال : يلا ياختشي تأخرنا ههههههه رحنا ديمارينا و لكلبة تحلبت رجعت تسوق غير انا لي عندي لبيرمي و مكاش طونوبيل 🚘.... اصلا معندي مندير بطونوبيل .... دراهم تع طونوبيل يسحقوهم اليتامى كثر .... هي تسوق و تغني مزالها حيوان يادرة شكون هاد المهبول لي قبل بيها شفتو صحبتي و معباليش شكون قاتلي سوربريز المهم شحال توحشت بلادي و هاد الاجواء قلبي راه يخبط بقوة منيش قادرة نزيد نستني كثر باش نشوف عائلتي توحشتهم لدرجة متقدروش تتخيلوها حتى تدخل للحومة يا ربييي عينيا تعمرو بالدموع ....شحال توحشت حومتيي جوزت فيها طفولتي ... يايماا متبدلتش قاع ههههه مزالها هي هي أنفال : مرحبا بيك في حومتك لي نسيتيها صفاء : ايا روحي ترنكي ههههه برك خرجت مطونوبيل بديت نخزر هكا يايمااا قلبي رح نبكي .... بلا اي تفكير رحت نجري قدام دارنا .... و فطريق تلاقيت بواحد الطفلة منال : اووو صفاء جيتي *بتصنع* صفاء : لالا مزالني فالطريق منال : ممم عسلامتك متبدلتيش تبسمتلها بتصنع و جيت رايحة...كلبة شحال نكرها هاد طفلة عندي حكاية طويلة معاها.... المهم خلينا منها...رحت قدام دارنا و قلبي رح يخرج مبلاصتو...جات عندي انفال انفال : شفتي لكلبة منال صفاء : خليني منها انفال : كون تشوفي ملي وصلنا و هي تخزر فيك و تحكي مع صحبتها هاديك... كلبة فا صفاء : حمبوك متفسديليش المورال ههههههه انفال : اوك صو انا ندخل و نتي تبعيني و نديرولهم سوربريز صفاء : اوك انا تخبيت و منال دقدقت مبطاوش بزاف و فتحو الباب ايمن : عسلامة لالة مولاتي انفال : بلع يايمااااا متقلوليش هدا صوت ايمن ...يايماااا خويا كبر خليت صوتو رقييق تع اطفال بصح الكلب مزالو مشي مربي مقاللهاش ميمبا جوزي فتح لباب و راح بصح مليح هكاك خير هو برك راح انفال دارتلي بيدها باش نتبعها.... انا رحت و دخلنا دخلت للكولواغ....و نسمع ايمن : ماما جات انفال حسنة : ياخااااه مقتلهاش جوزي ايمن : نورمال دك تجي وحدها موالفة برك وصلنا قدام الصالون خزرت فيا انفال و قاتلي رواحي انفال : شوفو شكون جاااااااااااااااااات هي برك قالت هكاك انا دخلت نسوطي صفاء : جيييييييييت كان لتم ماما و بابا و ايمن لكلب و يارا الحيوانة بمعنى اخر قاع العائلة.... برك شافوني فتحو قاع فمهم و عينيهم انا بديت نضحك صفاء : اغلقو فمكم دك يدخلكم الدبان انا برك قلت هكاك يارا و ماما نضو يجرو عندي هجمو عليا بلعناق و ماما تبكي و انا نبكي و بابا جا سلمتلو على راسو و عنقني عينيه تعمرو بالدموع و ايمن لكلب زعما ميحلبش مالدخلة عطيتو كف ههههههه غير الضحك و العياط من برا سمعو حسنا تقول شي هبلنا و ماما تعنق فيا و تضرب كي مقتلهاش حسنة : يالكللببة يالفاسقة علاش مقلتيليش صفاء : ماما قتلتينيي هههههه سوربرييز عماد : لالا زيديلها تستااهل الكلبة يارا : يالحيوان لبارح كنت نهدر معاك و مقلتيليش صفاء : مزلتي متحشميش الكلبة بعد اللحظة العائلية الجنونية ....قعدنا قاع و ماما تسقسي و تعاود و على احوالي و انا نطمن فيها و يارا تسقسي كيفاش المعيشة تماك حبت تكمل لتم قرايتها هههه و ايمن كيما قتلكم طايح رجلة الرخيس كبر و تحلب انا لي كنت ندوشلو و بابا مسكين غير يسقسي على حوالي و راح يجبلي مع ايمن الفاليزات بسيف باش خليتو ههههه حتى ناض يضرب فيا بالتمسخير بيان سوغ المهم راح جابو الفاليزات يارا : مجبتي والو يالمشحاحة صفاء : بلعي برك جالهم فتحتهم و بديت نمدلهم لي كادو كل واحد وش جبتلو على حساب وش يحب صفاء : سي بون هههههه انفال : اخاااااااه و انا صفاء : ههههههههه نتي مشي دك ممبعد نمدلك كلش كي نروحو لداركم هي لتم فهمت بلي كاين عفايس جبتهم ميتوراوش قدام العائلة قاع ههههه غمزتلي و يارا تخزر فينا و تضحك ههههه المهم برك كملنا قصرة و كلش و حكيتلهم كلش بالتفصيل ههههه انفال راحت لدراهم عندها تجهيزات تديرهم و انا خليت العائلة و دخلت دوشت و كلش و برك كملت جيت رايحة لبيتي.... قاتلي ماما من نهار رحت مفتحوهاش...كان هدا طلبي ... صفاء : يارااا يارا : خلاص ني جيت هاكي صفاء : ميرسي عطاتلي المفتاح جيت رح ندخل لمفتاح حتى نحس بيدها فوق كتفي خزرت فيها و تبسمت عبالي وش كانت حا تقولي يارا : صفاء عبالي بلي رح تتألمي كي تدخلي هنا ...بليز خليني ندخل نقيها و نتي روحي لبيتي ممبعد فليل ارواحي هنا صفاء : هههه يارا كبرتي و رجعتي تعرفي تهدري... يارا : صفاء قاع علابلنا بلي مزلتي.... قبل ما تكمل هدرتها قاطعتها
صفاء : ههههه يارا جيبي لمفتاح متخافيش عليا حبطت راسها و مدتهولي و راحت تجري تنفست مليح...و دورت المفتاح ....دخلت لبيتي.... مغبرة قاع...سي نوغمال متفتحتش 6 سنين ملي رحت متفتحتش... بديت نمشي و مع كل خطوة نتقدمها يجوني الدكريات ههههه اااه يا دنيا ...الوقت جاز بزربة لبارح برك كنت قاعدة فالبيرو هدا و نقرا ....كنت طفلة صغيرة بريئة...مرات نتمنى نرجع صغير هاديك لي في راسها ولا تفكير و في قلبها غير لفرحة...
قعدت فوق سريري الجميل ...شفت فالحيط صبت تصاور هدوك مزالهم...رحت ليهم و عينيا تعمرو بالدموع جكمتهم بلا اي تفكير نحيتهم قاع و خبيتهم فلقجر...كي لعادة منيش قادرة نقطع ولا اي عفسة تخص الموضوع هداك...علاش منيش قوية كفاية باش نديرها ؟؟ خبيتهم فلقجر ديراكت منيش حابة قاع نتفكر.... و بديت نخمل ...... STOOOOOOOOOOOOOOP
هههاي هدا لبارت ثاني من رواية نتمني يعجبكم و كيما لعادة متنساوش رايكم و تان سمحولي بزاف عالاخطاء الاملائية هههههه و ادا صبتو بليز قلولي باش نصحح الله غالب نكتب بزربة نلتقي في بارت اخر غدا في نفس لوقت نشالله
![🌹أحببتك فتركتني 🌹 [ باللهجة الجزائرية✅]](https://img.wattpad.com/cover/162990776-64-k658995.jpg)