🌹أحببتك فتركتني 🌹 [ باللهجة الجزائرية✅]

🌹بارت 01🌹

صفاء : ااااااااااااااه ينعل جدك يالكلب واقيل حسبتلك سايبة باش توشيني😡😡😡 ....ارواح لهنا ليوم تموت على يدي يالمشعود المصفار 😡😡..ايا جماعة اهجمو *بصراخ*
و انا نعيط عالبوليس الكلب لي سيا يبعدني و فنفس الوقت نستعد للهجوم ...شفت حجرة قدامي حكمتها خزرت فيها مليح

صفاء : نتكل عليك عمري😏😏 
و بوووووووووم  تيريتها ...حتى نسمع صوت زجاج يتكسر ...هيهيهيهي تم القضاء على الهدف بنجاح ...✔✔✔✔

برك تكسر الزجاج قاع البوليس دارو و حنا اغتانمنا الفرصة و هجمنا ....برك وصلنا قدام الباب
الجميع : لا للمواد الكيميائية في المزروعات ...لا لخداع الناس....لا لتلويث البيئة *بصراخ *
رافدين لافتات و نعيطو و نقولو نفس الجملة الامن ملور واقف يسيي يبعدنا بصح هيهيه انا وحدي نقتلهم قاع كيما راهم
نص يضارب و نص يعيط و نص رافد لافتات رفدناها 
قعدنا نص ساعة و حنا هكاك حتى نشوفو نائب الوزير خرج  و معاه الحماية من كل بلاص ....حنا كي شفناه...في رايكم سكتنا؟؟ ياو لتم لي زدنا ...شاف فيا ديراكت انا دفنت روحي بين لجماعة يا جدك والله يشوفني هاد لمرة نعشي فالحباس ياو راه حفظ وجهي....
حبطت درت قلمونتي و نواظر و ماسك و عاودت طلعت .... و بدا يهدر 
نائب الوزير : بليز سكوت سكوت ...جيت نفسرلكم الوضع 

الجميع : وش تفسر..واش ...سمعنا ....سمعنا بلي درتو مواد كيميائية في المزروعات 
هو برك سمع هكاك رجع صفر ما يضويش
نائب الوزير : لا المصادر لي قاتلكم هاد الخبر كادبة و برك باش تطيح بالوزير بما انو قربت الانتخابات 
كل واحد وش يهدر و هو يفهم و يحاول يكالمينا ....
بعد مرور ساعة كاملة و حنا هايجين و هو يفهم اخيرا لقينا حل و تفاهمنا و تكالمينا ....
و  برك دخل لوزير حتى نشوف البوليس جايين ليا 
أليكس : صفاء صفاء اجرييي رام جايين 
انا درت شفتو جاي ليا و حاكم لي مينوت😱😱 درت خزرت في أليكس ... درت كرطابي مليح طلقت اللافتة لي كاين في يدي و ااااااااااااااااااااا ديمارينا نجرو كثر من كابتن ماجد و حسان تع سلام دانك 
سااابق لا تتردد لاحق ..*عبالي خلطتها هههه*
هو يجري و انا نجري و لجماعة كي شافونا نجرو ناضو تان معانا و لبوليس ملور يسيو يلحقو....
نجرو و نتخازرو انا و اليكس و ميتين بضحك😂😂 تقوشي رانا نلعبو تشيلا مشي بوليسي راه مورانا .....
حمدالله جيت خفيفة لبوليسيين قاع قد البقورة هههه بحرناهم ...نجرو نجرو حتى خلاص مرجعش اثرهم يبان...وصلنا لواحد لحديقة يلعبو فيها عرش تع دراري صغار و دخلنا باش واحد ما يفيقلنا تع الصح هنا 
صبنا كرسي قعدنا فيه  نضحكو و نلهثو النفس راحلنا هههه 
أليكس : *جبد قرعة ماء💧* هاكي ههههههههههه 
صفاء : ميرسي 
قرقعت هاديك القرعة كي المرهوجة 
أليكس : هههههههههه يا جدك ليوم تان مر بنجاح✅
صفاء : واش بنجاح هههههه انا كون يحكموني تروح عليا 
أليكس : يابنتي كيفاش جاتك الشجاعة تديري هكاك 
صفاء : اااه ياخو اكسبيريونس 😜
أليكس : هههه بيان سوغ مشي نتي القائدة في باطل 💖
و حنا هكاك حتى يصوني تلفوني رفدت صبتها أنفال...ياااه الكلبة 
أنفال : الو يالحيواااان 
صفاء : الو وي بب 
انفال : ما بب ما ختك يالحيوان عرسي بقالو سمانة يالكلبة  و نتي مزال ما حبطتيش لدزاير ادا سامحتك انا كلبة بنت كلب والله يا صفاء والله و ماتجيش غدوة غير ما نزيد نهدر مع جدك  عبالي مزلتي مع لمظاهرات تاعك تع الزمر عبالللي😡😡😡
تالمون كانت تعيط صوتها خرج متلفون خزر فيا اليكس مسكين مافاهم والو 
صفاء : واشبيك يالخرا ياخ قتلك غدوة نحبط اجد باباك متفهميش نتي
أنفال : غدوة منصيبكش هنا تشوفي 
صفاء : ايه ما تخ....
مكملتش هدرتي كوبات عليا ....الكلبة البقرة 
صفاء : الوغ اليكس باي انا نروح عندي ما خدمة كبيرة 
اليكس : اوك باي هههه غدوة نجوز نوصلك للمطار