جرحني و صار معشوقي

الجزء الرابع والعشرون

***********

ريم قامت للمطبخ تشييك ع شغل الخدم وتشوف القهوه خلصت وإلا وقامت معاها أمل

مسكت جوالها ودقت ع عادل
علشان يجي ياخذ القهوه بس عادل ماعطاها وجه ولارد لأنه
يعرف إنهم يبغونه يجيب القهوه

سكرت الجوال بعصبيه:عدول الزفت معطيني طاف

أمل:أخوك شكله عجاز

دقت ع فيصل:ألو

جاها صوته مع صوت الإزعاج اللي عنده:هلا

ريم:تعال خذ القهوه عند المطبخ

فيصل:وعادل ليه مايروح

ريم:عادل عجاز تعال بسرعه لاتبرد

فيصل:طيب طيب

قام ولف ع عادل:قم

عادل:وشو

فيصل:تعال جيب معي القهوه

عادل:ماقدر رجلي نايمه وتنمل

فيصل:أقول قم بلا خراط

عادل يتصنع الألم:قلت لك ماقدر تبغاني أطيح عند الرجال

فيصل يتطنز:بسم الله عليك

بسام كان مستمع ضحك ع لف عادل وقال:خلاص أنا أشيلها معك

فيصل ناظرعادل بحده:ماتستحي الضيف يشيلها وانت جالس

بسام بزعل:شدعوه أنا موضيف

فيصل:تسلم بسام

لف ع عادل وقال:حسابك بعدين

وطلع مع بسام للمطبخ

في المطبخ

ريم بنرفزه:وينه هذا

أمل جالسه ع الكرسي وتشرب عصير:أصبري

ريم:آلمتني يدي الصينيه ثقيله

أمل:عطيها وحده من الخدامات تعطيه إياها

ريم توسعت عيونها:مجنونه تبغينه يذبحني..مايواطن الخدامات يقربوا منه أو يحاكيهم
وتبغيني أخليها تعطيه الصينيه والله إن يكسرها ع راسها وراسي معها

أمل تفاجأت وإبتسمت داخلها..كبر بعينها مرره..

دق عليهادقه وأخذت القهوه وطلعت..

مدتها له:تفضل

فيصل ناسي إن بسام جاي معاه لأنه منشغل يناظر رائد اللي يحكي في الجوال في الحديقه وحاقد عليه وده يرد له
الحركه اللي سواها له...

ريم انتبهت لبسام اللي واقف خلف فيصل ومعطيها ظهره..

شهقت وارتبكت وكانت بتطيح 
منها القهوه دفتها باتجاه فيصل وحطتها بإيديه وانحاشت بس
لما انحاشت إيدها كانت ماسكه القهوه لماتركتها بسرعه وفيصل
مامسكها زين طرت الدله وكانت
بتطيح بس فيصل مسكها بس 
بعد ما مالت وإنكب قطرات منها
ع جزمته..