ليلة سمر
همس القوارير
البارت ١١
وفعلا سويت بسكت العصر وكيك وعصير علمود الحديث يحلى ونفكر شنو راح نسوي وتقريبا صارت الساعه بالاربعه ونص واجتي نبأ وطبعا بعد السلام والتحيه گولتلها التفاصيل تفاصيل اسوء ليله بحياتي
نبأ: لج سموره هذا رجلج من صودك ما يستحي كاعد يخابرها بيتج
سمر : حبي ربج راد يكشفه الي لان شايفه ضيم وساكته
نبأ : والله ما اعرف يا خيتي
سمر : هسه عوفينا من هذا كوله وگوليلي شنو الحل
نبأ : باعي سموره اريدج كولشي اگولج عليه تسوينه بالحرف
سمر : اوكي جاهزه
نبأ : اليوم كوله افكرلج بخطه ولگيتها اول شي واهم شي ما تخلين باسم يشوف وجهج
سمر : يعني اشلون اطلع من البيت
نبأ : لا طبعا ماكو طلعه من البيت
سمر : انتي شاربه شي يعني شلون ميشوفني وهو وياي بلبيت
نبأ: هااا اني اگولج شلون تخلصين كول شغلج قبل ما يجي لا تخلين شي واذا طلب منج غدى او عشى او شي راح تخلين حجاب على راسج وتغطين بيه وجهج ومتخلينه يشوفج مجرد ماتنطينه الشي وترجعين تقفلين عليج باب الغرفه لازم يحس هو ديخسرج وديري بالج تشوفينه شكلج او تسمعينه صوتج
سمر : والله ما ادري مو جنها خطوه صعبه
نبأ : بالعكس طيعيني وشوفي النتائج
سمر : ماشي والخطوه الي وراها
نبأ : راح تاخذين موبايل باسم وبدون ميحس راح تاخذين رقمها السافله تخزنين الرقم يمج وثاني يوم الصبح راح تدزين رسائل للمكموعه الي ماخذه رجلج تستفزيها بيهن
سمر : يعني شلون مدافتهم
نبأ : ربي شنو هالثول الي عند هاي البنيه ولج تدزين رسايل
مثلا الله يوفقج خربتي حياتنا مراح اخليج تاخذين زوجي ومن هالحجي
سمر : هااا اوكي فهمت
نبأ : تدزينها من غير رقم وانتي راح تدزينها على رقمج وجبتلج وياي شريحه مبيها اولويات حتى تدزين منها الرساله وراح تگولين للبنيه اني راح اشهرج واوصل السالفه لخوانج واني اعرفج منو انتي
سمر : هاااا اوكي وتالي بس اني ما اعرفها
نبأ : ولج ادري بس تهديد وتالي راح تمسحين كول رساله انتي دزيتيها وهي راح تدزلج رسايل تسبج وتغلط عليج بيها راح تحتفضين بيها
سمر : لج والله انتي تخوفين شنو هاي شيطانه ههههههه
نبأ : ولج رجل هذا رجل تعرفين شنو مو جدر دولمه متنغصته لجارتج رجل يمعوده ههههههه
