الموءوده

8

☆ الــــــمــــــوءودة ☆
الـــكــاتــبــة : #نـــازك_الــبــور ✎

الــبـــارت " ₈ الـــــثـــــامــن ₈ "

رند : لزمت ايده ..

اااانت واااحد مررريض نفسيااااا روووح اضرب ابرررر

محسيت الا بوكسيات و دفرات منه و من ابوية معافوني الا كسروني اني بين رجلينهم و اباوع ع امل كاعده بالكاع لازمه حلكها و تعيط و تبجي

عافوني و طبوا ..

باوعت ع السما ..

هه دتشوف موو .. و ساكت ..!!! ليش ..؟؟ ليش تنطي بنات لهيج واحد ..؟

امل : من الشفته والصار حسيت روحي دتطلع من الخوف و البجي .. ورا مطبوا زحفت عليهن

رندد .. رندد .. لمى

ساعدت لمى و كومتها للغرفه و رجعت ع رند ..

كومي رند كومي جوا

رند : عوفيني ماحتاج مساعده .. اني اكوم ..

اذا اكو مساعده نحتاجها هي مساعده الخلقنا .. مو يخلق و يتخلـ....!!! استغفرالله

امل : طبينا للغرفه و سديت الباب .. ابوية بقى يصيح يغلط علينا و ع امي .. كعدت ابجي ع امي ..

رند : هه لتبجين امل ماعدنا صغار .. كبرنا و صرنا نواجههم ويا امي .. قبل جنا نعيط و نختل و هي تتحمل كولشي وحدها .. هسة الدور النا نشيل حملها خليها ترتاح

امل : رند ابالي صورتها من تتوسل و هم يطردون بيها .. اريد امووت رااح اموت من القهر .. اتعقددددت والله اتعقدت

رند : مو اقل منج قهري عليها .. بس الشي الوحيد المريحني امي طلعت من سجنهم ..

امل : لمى خلي اكومج ع الجربايه ليش بالكاع نايمة .. تعالي

لمى : لاا لاا لتلزميني .. ايدي مكسورة

رند : عوفيها مراح تموت بالكاع .. منمووت امل ثقي بالله منموت لان الموت النا راحه ..

امل : وينج يمةةة .. وينج .. كعدت بالزاويه كمت اشهك بالبجي ع حالنا ..

بقينا بالغرفه لليل .. لا دوام و لا اكل و لا صلاة .. اخاف حتى اطلع راسي .. نمنا و دموعنا تارسة المخاد .. و اشكد توجع دموع المظلوم و من اقرب ناسه ..

كعدنا الصبح ع صوت ابوية ..

ابو امل : يلله اكعدن و ع مدارسجن ززين .. مو مصدكتن تختلن .. وراية شمات و فشلجن ينزل راسي يلله

رند : اني ماكدر بية وجه اروح و خشمي و حلكي مورمات

ابو امل : حتى تحترمن نفسجن و تتعلمن التربية