(Zawgyi)
"ဘာလို့အိပ်ရာကနေ အစောကြီးထသွားတာလဲ။"
တင်းမာမှုမရှိသော်လည်း ချွဲနွဲ့မှုမပါသော မေးသံနှင့်အတူ ကျွန်တော့်ခါးကို ရစ်တွယ်လာသောလက်တစ်စုံကြောင့် လှီးလက်စကြက်သွန်တောင် ရပ်တန့်သွားသည်။ နေ့ရက်မှရက်သတ္တပတ် ထိုမှတစ်ဆင့် လသို့ကူးပြောင်းလာပြီဖြစ်သော ဒီအိမ်ကြီး၌ကျွန်တော့်ရဲ့တည်ရှိမှုက ရောက်စနှင့်တော့မတူ။ အနည်းငယ် ပြောင်းလဲလာသည်။
ကိုယ်တိုင်ချက်ပြုတ်စားချင်သည်ဆိုသော ကျွန်တော့်အား မီးဖိုချောင်ကိုအပိုင်စား ပေးသည်။ ထို့အတူ အိမ်ပေါ်မှာရောခြံထဲမှာပါ သွားလာခွင့်ပေးထားသည်။ ခြံထဲဆင်းလျှင် နောက်မှ သူ့တပည့်များ လိုက်စောင့်ကြည့်နေတာကိုတော့ အခုချိန်ထိ ကျင့်သားမရသေးပေ။ တစ်ခါတစ်ရံ လမ်းဆင်းလျှောက်လျှင်တောင် လမ်းပျောက်သွားတတ်သော ခြံဝင်းဖွဲ့စည်းတည်ဆောက်ထားရှိမှုကြောင့် ထွက်ပြေးရန်ကတော့ ဘယ်လိုမှအခွင့်မသာခဲ့ပါ။
လည်ကုပ်ကို နှုတ်ခမ်းသားနှင့်ပွတ်တိုက်နေမှုကို ခံစားလိုက်ရသောကြောင့် ကျွန်တော်တစ်ချက် တုန်တက်သွားတော့ အားရပါးရကိုရယ်တော့သည်။
"အခုချိန်ထိကိုယ့်ကို မရင်းနှီးသေးဘူးလားကွာ..။ ဒီဘက်လှည့်ဦး။ နမ်းချင်လို့။"
ကျွန်တော့်ခန္ဓာကိုယ်ကို ဆွဲလှည့်ခံလိုက်ရသောကြောင့် ထိုလူနှင့် မျက်နှာချင်းဆိုင်ဖြစ်သွားသော်လည်း လက်ထဲမှကိုင်ထားသော ဓားကိုတော့ တင်းတင်းဆုပ်ထားမိသည်။
"ကျွန်တော်မကြိုက်ဘူးလို့ ပြောထားတယ်နော်။ ထပ်လုပ်ရင် ကိုယ့်လက်ကိုလှီးပစ်လိုက်မှာ။"
"ဟိုး..ဟိုးထား..မထိနဲ့ဆို မထိတော့ဘူး။ အဲဒီလိုတော့ မလုပ်ရဘူး။"
ချက်ချင်းနောက်ဆုံးသွားကာ ကျွန်တော့်လက်ထဲမှဓားကို လွှတ်ချလိုက်စေချင်သော အရိပ်ယောင်မျိုး ထိုလူ့မျက်ဝန်းထဲ၌အထင်းသားမြင်နေရသည်။
တစ်ခါက ကျွန်တော့်ကိုမနမ်းနဲ့ဆိုတာကို အတင်းအကျပ်လိုက်နမ်းဖူး၍ အနားတွင်အသင့်ရှိနေသောဓားဖြင့် ကိုယ့်လက်ကောက်ဝတ်ကို ခြစ်ချဖူးသည်။ ဆရာဝန်တစ်ယောက်မို့ သွေးကြောရှောင်ကာ လုပ်လိုက်မိသော်လည်း သွေးတစက်စက် ကျနေသော ကျွန်တော့်လက်အားကြည့်ကာ တစ်ယောက်တည်းယောက်ယက်ခတ်နေတာ ထိုလူပင်။
YOU ARE READING
"Rebel of Heart"
Romanceကျွန်တော့်နှလုံးသားလေး သူပုန်နှင့်အတူရှိနေသည်။ သတိ..နှောင့်ယှက်ခြင်းမပြုရ။ boyxboy OC ကျွန်တော့်နှလုံးသားလေး သူပုန်နှင့်အတူရှိနေသည်။ သတိ..နှောင့်ယှက်ခြင်းမပြုရ။ boyxboy OC Zawgyi & Unicode
