الجزء التاني
عودتي بعودته♥
ساره : اتفضل يا عمر اطلب
عمر:ممكن نخرج سوا النهارده ونقضي اليوم سوا بدل ما كل واحد يقضيه لوحده ، هو احنا المفروض صحاب وكده
ساره :يعتبر اه صحاب وماشي نقضيه ونخرج
قبل ما يتكلم ويطلب مني كده كان نفسي اطلب انا منه كده ،عمر بالنسبه ليا شخص غامض ،اي اللي يخلي واحد بعد ما كان في منصب عالي جداا وبعدين قدم استقاله وقبل بمركز اققل في شركه الي حد ما مش مشهوره ذي اللي كان فيها
عمر:ها اي رائيك نعمل اي
ساره:اي حاجه تخلينا نطلع من ضغط الشغل
عمر: خلاص تعاالي اغديكي بره وبعدها نروح اي مول نشتري شويه حاجات ولبس علشان حفله اخر يوم هنا
ساره :تصدق فعلا محتاجه اروح اي مكان اجيب منه حاجه البسها علشان لبسي كله فورمل
عمر:يلاا بينا نتغدا الاول علشان جعان وبعدها نروح
لما تبتدي تحب حد هتحب انك تشيل كل القيود وكل الحاجات اللي تخلي معاملتك معاه مقيده ب علاقه معينه زي انك تكون زميل او صديق او قريب ،وبعد فتره بعلاقتي بعمر بقيت حاسه اني بعامل جزء مني وبفرح بوجوده،وفهمت كلمه رنا لما كانت بتقول يوسف بيكملني.
روحنا اتغدينا وروحنا مول جبنا لبس ولاول مره اجيب فستنان واخبيه من حد وكأني عايزه اعمله مفاجاه ،اخر اليوم قعدنا سوا نتكلم شويه علي الشغل
عمر:افتكر المشروع ده هينجح جدااا وهيعمل ضجه في الشركه،اخر مره عملت مشروع في الشركه اللي كنت فيها خلاني في مركز عالي جداا بس يلاا الحمد لله
ساره:ممكن اسأالك سؤال يا عمر
عمر :اتفضلي طبعا
ساره:انت ليه قبلت بالوظيفه دي رغم انها اققل بكتير جداا من الاولي
عمر:رغم اني مش بحب افتكر الموضوع ده وكأني عايز انسا الفتره دي كلها علشان بسبب الفتره دي كرهت نفسي وحياتي وكل حاجه كنت حاسس اني لازم حياتي تنتهي بأي طريقه
ساره: لو هتفتكر حاجه تتعبك بلاش تحكي خلاص
عمر:لا انا فاكرها ومش بنساها بس بحاول اعمل كده،بصي يا ستي الحكايه وما فيها اني طلعت لسابع سما ونزلت لسابع ارض بس نزلت متفتفت وكان المفروض اني الم المتفتفت والبواقي دي واخلي عمر يقوم من اول وجديد ،بس مكنش ينفع اققوم واكمل في الشركه دي،لاني لو فضلت هناك كأني ببني بيت بثلج ويسيح كل يوم ويبوظ مني
ساره:طيب واي اللي وصلك لكده
عمر : هقولك
بعدها حكالي انه كان يعرف بنت واعتبرها دنيته وحياته كلها وحرفيا كان بيتنفس بوجودها وفضلوا سنه تقريبا خلص كل الطرق اللي تخليها تتغير ويكملوا بس كل حاجه وليها نهايه ،جت بعد السنه وعزمته علي خطوبتها رغم انها كانت بترفض انه يتقدملها وكانت بتأجل الموضوع ده كل ما يتكلم فيه فاكره انه وقتها قالي
عمر: وقتها مكنتش مستوعب اي حاجه عامل زي اللي الواحده اللي فضلت مستنيه بيبي ومستحمله وجعه وفي الاخر طلع انتفاخ
وقتها ضحكت علي وصفه رغم ان كلمته وخنقته وهو بيتكلم وجعتني اووي وقتها نسيت ساره الجامده وحسيت انه طفلي بجد ونفسي احضنه واحضن وجعه وخنقته دي
عمر:بس طبعا بعدها تعبت وقررت اتنازل عن شغلي ده وكل حاجه تخليني اشوفها تاني ما انا مكنش ينفع افضل في المكان ده مكنش ينفع
قالها ولاول مره اشوف دموع بالوجع ده ولا كأنه كان بيخرج الوجع ده كله ومستني حد يكلمه علشان يعيط
ولاول مره احس ان الدموع قوه مش ضعف لانه استحمل كتير لحد ما وصل لخنقه وتعبه ده
ساره:عمر طيب قوم تعالا نشرب اي حاجه ونكمل كلام حاول تهدا وانا معاك ،معاك لحد ما تخلص كل الوجع ده
فضلنا سوا لحد ما ارتاح شويه بعدها طلعنا ننام ،كنت مستنيه الصبح يجي بأي طريقه علشان اشوفه ، مستنيه اطمن عليه واشوف عينه وهي بتضحك تاني اول مره احس اني انا اللي عيطت كده دموعه كانت بتوجعني اوووي كانت بتوجعني وكأنها عقاب ليا
أنت تقرأ
عودتي بعوده
Romanceفي اغلب الاحيان تنتهي الروايات بالنهايات المعتاده اما موت احدهم او زواجهم ببعض او ان تتزوج البطله بأخر ويندم البطل،ولاكن ما حدث بي لا اعرفه هل كانت نهايه او بدايه لا اعرف ماذا حدث بيننا ولا اعلم اين ذهبت روحي فأنا كثيرا ما اناديه بروحي لانه هو الذي...
