#مختلفه عنهم
الجزء الثاني والعشرون
ل وردالعامري
قصي: عمي شغلتنه مو وياك ورقه صغيره وقعهه والله وياك
حجي شهاب: شنيه بويه الورقه
قصي: ورقه طلاك زوجتك
الحجي: بويه وزوجتي شدخلهه بهل سالفه
قصي: حجي هذا لمطلوب نفذه وكتلك بهل شارب ترجع لبيتك معزز مكرم
حجي شهاب :هذاهوه باجر اروح واطلكهه تددلل
قصي: حجي هسه اطلكهه والله وياك
حجي شهاب: بس يابويه لااكو شيخ ولااكو احد
قصي: سهله حجي 10دقايق والشيخ يمك عقدكم محكمه لو زواج سيد
الحجي :لا اخذتهه للكاضم عقدلنه وعله اساس انصدقه بالمحكمه وهيه قاصر اجلنه لمحكمه
قصي: ليش شكد عمرهه حجي
حجي :هسه طبت 17سنه من حوالي كم يوم
قصي :حجي 17سنه شتسوي بيهه انت
الحجي :قسمه يابوك
قصي: هههههه قسمه طريت بيهه شيباتك يعني
يله حجي اجه السيد وهاي ثنين شهود
طلكهه غيابي وشهود حارث وملازم كريم
هذا هوه حجي الله وياك السياره بره تنتضرك الساعه جانت 5الفجر بعد وكت خطيه جوي الشباب كالو وصلناه لفندق ليش لفندق
سيدي هوه راد
مومهم موضوعه بعد دزولي حارث
حارث :نعم سيدي
قصي :حارث قبل فتره اطيتك اسم وجبتلي العنوانين وتقرير كامل اريدك تجي ويايه لهذا العنوان وتطلب مريم بالاسم تخليهه توقع ع استلام البلاغ وتوصللهه هاي الرساله كولهه… ..
حارث :حاضرسيدي
قصي :ب8الصبح احنه يم بابهم قبل متطلع لدوامهه خل اصبح عليهه
مريم :كعدت ابويه طلع للمحل واني مقرره اليوم ماروح للشغل كلبي كارصني وين راح لحجي بلكن ابويه يجيبلي خبر شي
اجتي امي كالت بلباب يردوج
منو ايريدني
والله يمه مادري طلعت للباب وكال اريد مريم يجوز من كرابت رجلج
مريم: يارب بلكن يطمني
السلام عليكم
وعليكم السلام
حضرتج مريم رضا
اي نعم تفضل
الجنسيه اذا سمحتي
العفو شسوي بيهه
اكو بلاغ لازم اسلمه بيدج بس اتاكد من الهويه
هسه اجيبهه طبيت اجيبهه شايلتهه بجنطتي وين ماروح ويايه يحتاجوهه مرات بدوام تفضل اخي
جيد وقعي هنا
وين /اي هنا تحت الاسم
ام مريم: يمه وقعي وبصمي عله شنو يمه غير تفهمنه
حارث: بلاغ طلاق السيده مريم رضا من شهاب احمد
ام مريم: يبوو عزه العزاج يامريم
مريم: اني اصلا ممفتهمه شي طلاق ليش طلكني
حارث: حجيه رحمه لاابوج مي بين مااتوقلي عل ورقه الثانيه
مريم: طبت امي وين اوقعلك. اخي
حارث: ماكو توقيع بعد بس اكو كلام مبعوث رساله الج سمعي زين
الباشا ايسلم عليج ويكولج هاي بدايتهه بعدج مشفتي شي واذا حابه متشوفين اكثر هذا كرته واتصلي بي حته لاتندمين عله الي حيصير بعد
مريم: مكتوب قصي وهذا خبصني باشا وباشا
اخي لحضه هوه منو هذا اصلا
حارث: الباشا كال اذا معرفت الاسم كولهه الي اجاج لدوامج وحذرج من الاعناد وياه وهل مره راح يطيج بعد فرصه قبل ميسوي اكثر
مريم: هااا عرفته تفضل اخي هذا الكارت وكوله شكرا انت فدتني مضريتني مع الف سلامه
طبيت وامي طلعت تطي مي
عزه هذا اسوه بالحجي شنو هل ورطه الله لايوفقك
