هوس الحب 😌

34 😍

يسرى: صافي را رجعت داك شي لبلاصتو يلاه نمشيو
شدو فبعضياتهم او خرجو عند جاد لكان باقي غارق فالافكار ديالو
سمر(شدات فيه): صافي ها أنا مافيا حتا حاجا 😇
جاد: الحمد لله
يسرى(ضرباتها على راسها): كتشدي فيه قداممي ... حشمي مني راني كبر منك
سمر: الله يهديك ايسرى لي سمعك كتقولي كبر مني يسحابليه مفاوتين بأعوام او حنا بيناتنا غا شهر
يسرى: مهم اني كبر منك او خاصك تحشمي مني
سمر هزات ليها كتافها بزعما: مالي اش درت باش نحشم منك!
يسرى(ضارت عند جاد): وا هانتا البنت مابقاتش تحشم ... فسدتي ليها اخلاقها
جاد: هههه اناا!!
يسرى:  تلاقيتو 😒
كملو ضحكهم او هوما فالطريق ليزونفي كان جاد كحاول يضحكها باش يبدل شوية هاد الجو المتوتر لي حاس بيها عايشاه هاد الايام واخا ماشي من طبعو يضحك على شي حوايج بايخة .. حتا من يسرى فهماه اش كحاول يدير حيت تاهي كتحاول دير نفس الحاجا ... كتبقا شلتها او عارفة التصرفات ديال كول واحد فيها وزيد عليها ان علاقتها مع جاد ماكانتش مزيانة فهاد الايام الاخيرة مي دابا كتشوفو كدوي او كضحك معاها قدام سمر بحال ديك المخاصمة عمرها دازت بيناتهم  ... اما سمر فرحانة حيت كتشوفهم كضحكو بجوج ... بقاو هاكاك تا وصلو تماك او كول واحد مشا لونفي تاعو
.... داز الوقت تا سلاو كاع لي كور لكانو عندهم او عاودو تلقاو مي هاد المرة كان حتا وليد معاهم بقاو كديو و يجيبو فالهضرة حتا تفارقو مشات يسرى مع وليد او سمر بقات مع جاد
كان خارجين من لافاك او كدويو
جاد: اش بان ليك نمشو نتغداو بجوج من شحال هادي مبقينا خرجنا غي بجوج بينا
سمر: مرة اوخرة ... ماعانديش المورال باش نمشي لحتا بلاصة دابا  ... بغيت نمشي غير لدار دابا
جاد: واخا لي بغيتي !
طلعو فلوطو دارو لي سانتير ... ضيمارا جاد باش يوصلها فين بغات
سمر(حسات براسها عيقات و اخر حاجة تبغيها فهاد الوقت هي شي واحد احس بيها ... حطات يدها هلى اليد لي مكسوقش بييها ): الا كنتي باغي صافي يلاه نمشيو
جاد (شابك يدو مع يدها او هزها لعندو باسها): جاك تانيب الضمير من جيهتي 😂
سمر:😏😏
جاد: متقلتش نيت تفكرت شي شغل خاصني نقديه .. المهم نتي تكوني على خاطرك (او ابتاسم ليها)
سمر:(ردات ليه الإبتسامة): شكرا
بقاو هاكاك حتا وصلو ... سلمات عليه او كانت غتحل الباب باش تنزل حتا شدها من يدها و ضورها عندو
جاد: سمر واش كاينة شي حاجا انا ماعرفهاش
سمر(كتحاول تبت راسها): لا ماكاين والو ... علاش ؟
جاد: والو غي بفيتك تعرفي بلي انا كاين و غانبقا ديما فجنبك .. ماشي غي انا بوحدي كاين انا ، ماماك ،باباك و يسرى حتا من وليد ... ديريها فراسك را حنا ديما معاك و الوقت لي تحتاجينا غا تلقاينا فجنبك
سمر(بتوتر): ههه عارفة هاد شي .. مي علاش كتقول هاد شي !
جاد: حتا حاجا غي بغيت نفكرك مي مالك هاكدا متوترة ؟
سمر: مامتوتراش
جاد: واخا .. غير شوفي ليا فعينيا او باراكة ماتحاولي اتفادايهم
سمر: بففف بقاو ليك غا عينييا .. را ماكاين لي كوتوني قدك (او ضارت خارجة)
جاد(جرها لعندو): سمر راني كنعرك مزياان ... هاد اللعب تاعك تقدري دوزيه على اي واحد الى انااا ... (كحاول اهدن راسو) شوفي ! كندير هاد شي حيت حاس بك مخبية شي حاجا
سمر(دفعاتو): صاافي باراكة را قلت لك ممخبية والو باركة متبقا تخايل
او مدت يدها باش تخرج ... جاد هاد المرة ا اكتفى بالصمت مي حلف حتتا يعرف شنو جاري ليها
اما سمر لي من بعد ما هربات من قدام عينيه باش متزيدش تفضح جرات رجليها نيشنا لبيتها .. دخلات عيانة و قلبها منفوخ خاصها غا علامن تشكي لكن متقدرش لمصلحتهم متقدرش
سمر(بصوت مبحوح): سمحليا اجااد مي ماكاينش شي حل اخور من غير هادا  ... هاد شي لمصلاحتكم كاملين
                                   Flash back
كانت مجبدة فوق سريرها كتحاول تجبر راسها على النعاس حتا بدا كصوني طيلي هزاتو بكسل او هي تصدم من داك شي كانت نيم بريفي عوتاني ... حتا قالت نساني او بعد مني هاهو عاود عيط ليها باش بزرع فيها الرعب عوتاني .. صرطات ريقها بصعوبة فحلقها لنشف بالخلعة بقات غا كتشوف فطيلي معرفات اش تقدم ولا توخر .. بقات هاكاك كترمش عينيها و هي كتشوف فيه ... دازت المرة اللولة،التانية،التالتة،الرابعة و هو يسكر طيلي ... قالت فنفسها صافي غايكون حبس حتا وصلها مسج " اش باليك نبدلو الروتين او هاد المرة تجاوبيني فطيلي تاع ماماك .. ولا بلاتي تقدر هي لي تجاوبني فبلاصتك ؟؟ " ... غا قراتو او هي تهبط بجرية هزات طيلي د الدار او ديال ماماها او رجعات لبيتها سداتو .. رجعات تجمدت فبلاصتها كتشوف فيهم بتلاتة قدامها او كتسنا فين غايعط هاد المرة ... مطالش الانتضار تاعها بزاف حتا كان طيلي تاعها تصوني هزاتو مصدومة حلاتو او هو يتقبط قلبها من واحد الموسيقى كانت دايزة فشككل .. كتحسي بيها كتعطيك واحد الطاقة سلبية او كتخلع بزااف ... مقدراش تستحملها مزال او ماقدراش تسد الابيل خايفة من شي فعل رد منو مايكونش فالحسبان ... الحاجة لي دارت هي تركنت فبلاصتها او بداو دموعها كنزلو بوحدهم ... مبقاتش قادرة لا تحكم فدمرعها ولا تزيد تستحمل داك الرعب لي كانت فيه او هي تهز طيلي باغا تقطع المكالمة لكن بلا فايدة ... كان طيلي مبلوكي ماقادراش تحكم فيه بغات غا تنقص الصوت مي والو مفهماتش اش جرا و كيفاش قدر اتحكم ليها حتا فطيلي ... حطاتو على ودنها
سمر(كترجف): ااش بغيتي عندي علاش تدير ليا هاكاا
... (حبس ديك الموسيقا او اطلق واحد الضحكة كدمي القلب): هههههههههه واخييرا سمعنا صوت اميرتناا .. لي توحشت نسمعو ... و خصوصا هاد الخلعة و الرععب لي كنحس فنبرتك (وكملها بضحكتو البسيكوباتية)
سمر: اناا اش ددرت لك باش تدير ليا هاد شي
...: واالو ...  لكن نقدر نقوليك هادا وقت عذابك
سمر: كي.يفاشش عذااابي !
( ... ) : ...
سمر(كتقوي راسها): دير حاجا فراسك بلي هاد شي تاعك ماغاديش إخوفني
...: هههههه الا ماكنتيش خايفة علاش كتلعثمي فهضرتك .. انا متأكد انك كترجفي من الرعب دابا ماشي غي خايفة ...  و بلا من هضر على نفسك لي ولات تقيلة حتا هي غي من طريقة التنفس تاعك
سمر: لااا نتا غالط بزاف اناا مستحيل نخاف من واحد مرييض بحاالك ... نتا خااصك تمشي تعالج ..
...( قاطعها): قريبب غادوقي المرض تاعي عن قرب غا صبري مبقاش بزاف
سمر(هنا حسات بداتها جمدات): لا..ااا ميمكنش ... مستحييل تقدر تقرب لياا .. ماشي بهاد السهولة
...: لا بهااد السهولة ... حيت بكل بساطة نتي وحيدة و ماكين حتاا واحد فجنبك لي اقدر يحميك مني !
سمر: لااا غاالط بزااف ... كاين بزااف د نااس فجنبي و لي قادرين اوقفووك عند حدك .. كون متأكد بلي غتشرف الويل غير الا حاولتي تقرب ليا
...: هههههه الا كنتي كتدوي على عائلتك او جاد ... وعد من عندي بلي غادي يولييو فخبر كان قبل ميقدرو يديرو شي حاجا
سمر: كفااش 😳!
...: بلاتي بلاتي نعاود ليك واحد البلان اقدر اطرا الى تهورتي ... نبداو بجاد .. عندي واحد النهاية لفلمكم غاديا تعجبك بزااف ... ااش بانلك فأنه ياخد مخدر فالعصير  تاعو و لي غايخدم ليه فالجسد تاعو او اتقلو عليه فمرة حتا افقد التحكم تاعو فمرة فالجسد تاعو من بعد دقايق قلال مورا ماغادي انزل لبيسين و بمأنه كولشي كعرفو كيكون بوحدو فلاصال ديك الوقيتة .. فمكنضنش غادي القا لي عاوتو او يعتقو .. فمن دابا بداي تودعيه😀
سمر(الخلعة مخلطة ليها بالبكية ومصدومة من كمية الشر لي فهاد الشخص المريض ): لاااا متقدرش دير ليه شي حاجا
...: هههههه الا كنتي باغا نجربو راه اصلا كاين قداامي (او صيفط ليها تصويرت جاد فلاصال)
سمر: لااا...
قطع عليها قبل متكمل هضرتها او خلاها كترعد هكداااك معرفت اش ديير واش تعيط لجاد تقوليه اياخود الحذر تاعو ولا لمن تقول هاد شي  ..  لكن فنفس الوقت تتقول والا نفذ المخطط تاعو او قدر يآذي شي وااحد اش غادير ديك ساعا كيفما قادر يلقا خطة باش يآذي جاد لا بد وراه قادر يدير نفس الحاجا لناس لوخرين لي قراب ليها  .. ناضت كتلبس تمشي عند جاد واخا ماعارفاش اش اتقوليه لكن المهم تطمأن عليه ... بقا عقلها كدي و يجيب فيها او هي كتلبس و كتحاول تهدن باش تلقا شي كذبة تبرر بيها لجاد  حتى وصلها مسج لي قطع حبل تفكيرها
...: هاد المرة كانت غي الفكرة اما الكرة الماجية غايكون التنفيذ من بعد هاد المساج رتاحت شوية على الاقل عرفاتو ماغادي ادير والو
رجعات تفكر لكن هاد الم فشي  فحل اهنيها من هاد المريض النفسي تا خارت كاع القوة تاععا و داتها عينها
                        End of flash back

                      _____________

• و عدناااا 😍
Lovee uu babes 💕