هوس الحب 😌

25 😍

من بعد ما سالاو العناق الحميمي ديالهم سمر سمعات صوت ماماها او مامات جاد جايين او هي ضور عندو
سمر: جااد شمعتيههم جايين قود**ها
جاد سمعهاا او هو يضربها لفمها
جاد: ياك قلت ليك متبقاش تخصري الهدرة
سمر: اوكي راهم جايين
جاد:وي شفتهم
دخلت ماماة جاد او مامات سمر كغوتو غي بانو ليهم اوهما يمشيو عندهم كل وحدة شدات ولدها من ودنييه
نور : علااش ماقلتيهاش ليا فاش يلاه عرفتيها مخيلينا جايين بحالا حنا غراب علييها
سارة : ويي نقولو هو نسا او نتي شنوو
سمر: وا ماامااا والله حتا مع الخلعة مجاتش ليا على بالي اماما والله
مروى: صافي صافي غي طلقوهم را مقصدووش
جاد: اللععز اخالتي مروى كنبغييك انا
نور : أأه لقيتيها تسلكك .. مي را كان خاصهم يقولوها لينا
نور او سارة قربوو ليها او كلسو حداها
سارة : وي راك ختنااا الى ماكالوهاش لينا حنا لولين لمن غيقولوها .. أأه .. را عشرتنا ماشي ديال نهار اولا جوج را سنين هادي
مروى: ههه وي من يامات فاكيلتي او نتوما لاصقين فيا هههه
سمر: وااو من لفاكيلتي
سارة : ويي (وراتها واحد لافوطو باقا عندها ملي كانو كقراو كع بعضياتهم)
جاد: وااو كنتيي تيتييزة اخالتي .. دابا عاد فهمت علاش عمي ياسين كحمااق عليك
سارة: ههه ويي ياماات فاش كان كيغيير كنا بحالكم نتا او سمر
سمر: جااد بحالا تعنبتي على ماما قدااميي محشمتييش
جاد: بياان سيير خاصني نعز عليها من دابا راها غتولي حمااتيي
سمر: 😒
سارة : ههه حمااتك .. كتباان سيغيوو بزاف اجاد
جاد: ويي خالتي كتر متصوري
سمر: سمحوليا
او جرات جاد من يدو لبراا

جاد: مالكيي ؟
سمر(كتغوت): 😠 جاااد علاش ديما كدير عكس داك شي لكنتافقو عليه ياك قلنا هاد الموضووع ماشي وقتو ... او جابدو قداام ماما من الفووق
جاد (ببرود) : واش عارفة راسك بلي غتولي مرااتي😌
سمر: اووووف اوووف اجااد 😤
او مشات او خلاتو
جاد: اما لياا اولا لحتا واحد واخا نعرف راسي نقتتل فيهاا 😒 او متكونيش لغيري
من بعد ماخلاتو مشات لدارهم او تكات فوق الفوطوي معصبة
سمر: اوووف ديماا كدير داك شي لكعصبني بقال ليا غازوااج هو لنفكر فييه .. اوووف اجاد اووف .. نعيط ليه .. نو نو صافي دابا هو يعيط ليا .. 📲🎵هااا هاهو كصوني😊 .. نوو هادي ماشي نمرتو هادا بخيفي
سمر: الوو
؟؟: ...
سمر: الووووو !!
؟؟: ...
سمر: جاد!!
؟؟: ....
سمر: ااش هاد الزببل لمكنتييش باغيي تجااوب متعيطش من اللول .. كترت فيكوم الز*** تفوووو
او قطعت الطيليي
سمر: اووف لي ملقا ميدير يعيط لياا اناا .. تفووو كملل علياا هاد الزبلل😡
من بعد ماسالات لابيل رجعت نعساات على أمل تفيقها شي أبيل د جاد
فبلاصة اوخرة:
==> كان واحد الشخص مستمتع بصوت سمر واخا كتعايرو مي كان عاجبو يسمعا مهم انها كتهضر معاه
؟؟: وااه على صوت عندها غير هو يحمق الواحد

                                ****

فاقت سمر دايخة بنعااس لقات الليل نزل هزات طيلي تشوف واش جاد عيط ليها مي تصدمات فاش ملقات حتا شي ابيل من عندو
سمر: اويلي ياكما دارها بصح او تقلق .. نو نو دابا يعيط كوراه غي مشغوول مع وليد .. أه داك شي لي غيكوون
عادت تكاات باش تنعس مي مبغاش يجيها نعااس بقاات ليل كامل كتكلب او كتسنا شي ابيل اولا غي مسج من جاد مي والوو حتا داتها عينها .. فاقت فصباح على الغيفيي قتقلب الطيلي مي والو او هي تعيط ليسرى
سمر: الوو يسرى
يسرى(دايخة بنعاس): ويي اش بغيتي عندي مفيقاني
سمر: باقي شي نعاس را الوقت هادا .. المهم البارح فاش مشيت انا اش دار جاد
يسىى: دابا هاد شي علاش مفيقاني
سمر: يسرىىى متعصبينبش كتر ما انا معصبة
يسرى: صافي ديكالم من بعد مامشيتي دخل معصب سلم علينا او مشا .. علاش مالكم مادويتوش
سمر: نوو صافي حتا نطلاقاو او ندويو اوكي
يسرى: صافيي باي
من بعد مقطعات مشات غسلات صوبات شعرها او الميكب ديالها او هبطات تفطر مع ماماها او باباها
سمر: صبااح الخيير 😚😚
ياسين: صاح الخير بنتي (او باسها)
سارة: صباحو حبيبة 😚
ياسين: كيغادا مع قرايتك ابنتي
سمر: مزياان الحمدلله
ياسين: الا حتاجيتي شي حاجا كوليها ليا
سمر: دابا مامحتاجا والوو بابا الله يخليك ليا (او باستو فجبهتو)
سارة: غرت اناا 😏
سمر(مشات عنقاتها): نتي راك كلشيي .. هو تنبوسو بعد المرات باش نبقا شاريا معرفة معاه معرفتي نحتااج شي حاجا 😚
ياسين: سمععتكك 😏
سمر: just kidding را نتوما لي عندي فهاد الدنيا 😚😚(باستهم بجوج) .. بلاه هانا نمشي نغسل يدي
مشات غسلات او رجعت عنهم لطابلة
سمر: ماما واش جاد جاا
سارة: نوو حبيبة ماجاش .. يمكن مشغوول ليوما حيت مولف عاد الوقت ككون هنا
سمر:ااه اوكيي .. او لوطوو باقا متصوباتش
ياسين: را الشيفور يوصلك
سمر: نوو غنشد طاكسي اصلن باغا نتمشا شوية .. مم واش مغاتمشيش ليوما لخدمة
ياسين: نوو غانبقا مع ماماك
سمر:أأأأه فهمت او غمزاتهم 😉
ياسين: اش فهمتي !
سمر: داك شي 😂
سارة دارة عند راجلها: هادي مابقاتش تحشم منا
سمر: هههه يلااه بسلااامااا
خرجات قدام الباب كتقلب ليكون جاد جاي مي مكينش الآثر ديالو
سمر: أأأف 😧
بقات كتمشا بشوية لشانطي باش تاخد طاكسي او عاجبها الجو حتا كتحس بشي خطوات موراها فاللول سحاب ليها جاد مي ملي ضارت ملقات حتا شي واحد
سمر: يمكن كنتخايل .
. عاود ضارت تكمل الطريق او عاوتاني كتحس بشي واحد تابعها كضور مكتلقا حتا حد تخلعات او هي تخف رجلها حتا وصلات الشانطي خدات طاكسي بزربة .. زاد بيها مسافة
ساىق الطاسي: لالاة را واحد لوطو من قبيلة او هي تابعانا واش كتعرفيها
ضارت بانت ليها لوطو كحلة بزاج فيمي مكبينش
سمر: هادي ماشي ديال جاد .. ياربي اش هاد شي كجرا لياا
سايق الطاكسي: لالاا ..
سمر:نو نوو مكنعرفهااش
بقات الطرييق كاملة او هي مخلوعة مرة مرة كضور تشوف واش باقا كتلقاها باقا تابعاهم حتا قرباات توصل لفاك او هي ضور لقاتها مبقااتش
سمر: اوووف واقيلة غي كنتخيل
هبطات من طاكسي صفرةة او بابنة فيها مخلوعة
كان جاد واقف كتساها حدا لباب دلافاك بانت ليه هابطة من طاكسي صفرة بغا يمشي عندها مي حبس راسوو بزز ... شافتو هي او هي تمشي كتجري عندو .. شافها جاية عندو دار بحالا مشافهاش او مشا داخل ... تبعاتو شمر بزربة حتا وقفااتو
سمر: جااد
جاد(ببرود): وي
سمر: مالك كدوي هاكا
جاد: كندوب عادي
سمر: نوو كدوي بحالا مكتعرفنييش
جاد: ااف سمر عندي ميدار دابا بسلامة
سمر: جاا...
قاطعها صوت يسرى كتعيطط ليها
يسرى: سمممر
سمر: وي
يسرى: مالكم
سمر: معرفت مابغاش يدوي معايا
يسرى: مي علااش .....
#يتبع

                     ________________

○ لقراات فوط + كومنط
○ كجاكم البارت ؟
○ اش بالكوم فجاد علااش تبدل ؟
○ او الاحداث لكتجرا لسمر تكون عندها علاقة بسفااح لقتل اولا شي واحد اخور ؟
○ كنبغييكوم 💕