فصليتي بنت عمي

حقوق النشر محفوظة

فصليتي بنت عمي //الجزء السابع

للكاتبه// ندى الحساني

فارس نمت شوي وكعدت على صوت البابا فتحته ولكيت سرى ها سرى الوالد والوالده بيهم شي كالت ﻻ انتي بيج شي ﻻ لعد ليش جايه كالت كعد الفصليه خاطر تشتغل كتلها انتي روحي اشتغلي هيه مريضه كالت ليش عيني اني خدامتها للخاتون كتلها شوفي هسا تروحين تشتغلين بﻹ لغوه زايده ﻻ انطيج راجدي افر راسج هيه بعد ما حجت ومشت  نادين اني فزيت على صوت فارس كمت وعدلت كعدتي كتله منهو بالباب كال  هاي سرى تريدج تشتغلين  نادين جاي أكوم وكلي وين رايحه ردي نامي كتله احسن اروح اشتغل ما بيه حيل اختك البرعه كالي شنو شنو حجيتي على اختي  ترى من اسمحلج تحجين هيج ﻻ شوفيني انطيتج وجه نادين اني من كلي هيجي حجيت بيني وبين نفسي فارس سمعتها تكول حتى اني جان عندي أهل وعندي اخون ما يخلون الهوء يلمسني نوب كتلها تنامين لو هسا براجدي انيمج  نادين خليت ونمت  فارس كعدت الساعه با8وشفتها كاعده بفراشها  كمت رحت اسبحت واطلعت كتلها انتي شنو اسمج  كالت نادين  نادين كلت بكلبي صارلي حوالي شهر يمك ما تعرف اسمي
كلي انتي شكد قياس المﻻبس الي تلبسيهن كتله هل الكد كال اوك كومي ننزل نزل واني انزلت وراه  فارس شفت امي كاعده وخواتي دار مداره كتلها هﻻ هﻻ بست الحبايب والله شتاقيت لكعداتج وبستها على رأسه نادين من كال هيج عرفت انو هاي أمه خفت ﻻ تقرب عليها وتضربني  أم فارس يمه نادين ليش واكفه بعيد تعاي يا ريحت الغاليه فارس استغربت من كﻹم امي نادين تقربت عليها ابوس رأسها وشبكتني وتكول هﻹ بريحة الغاليه  اذكرت انو أم فارس اصير بت عم امي  فارس وخواته يمه شنو ريحة الغاليه أم فارس أي جا مو أم نادين اصير بت عمي نادين اني بعدني شابكتها  وسالتني على امي ما اكدرت احبس دمعتي وبجيت على جتفها وهيه تمسح على راسي  فارس  رحت للسوك اشتريت كلبيات ثﻻثه ورديه واحمر وإسمايه نادين كمت اشتغلت وخلصت اصعدت ولكيت سرى واكفه الي ومختصره وبدت تغلط وتحجي وتشتم ودفعتني ووكعت على حافة الدرج وطلع الدم من راسي  نوب تركتني ومشت  كمت ورحت اغسلت راسي وحطيت ﻻصق وسمعت فارس يصيح نادين طبعا هاي اول مره اسمع اسمي كله يصيحولي الفصليه حتى اسمي نسيته نزلت ولكيته جايبلي إلغراض اخذتهن وكتله شكراً
العصر رحت كعدت يم عمتي أم فارس وبقت اسولفلي على قبل  اجت سرى وكالت ﻻمها أي جاي تسولفين وي الي كتلو ابنج أم فارس انتي تنجبين ﻻ اكص السانج الطويل نادين اتفاجاة انو عمتي حجت وياه هيج وسرى ما ردت صح هما عذبوني بس عدهم احترام حلو بين بعضهم وخاصة لمهم وابوهم وفارس
فارس اتصل علي صديقي وكال عدنا سفره لكربﻻ  كتله اوك اجي وياكم نادين طبعا إني رجعت انام وي سرى بغرفتها بس اشبعانه ضيم منها فارس رجعت من السفره بس طول اليوم ما شفت نادين
نادين اجت سرى وكالت جهزت نفسج للشغل باجر بيت عمي جايين من النجف يشوفونه وهم وعمامي وخواتي معزومين عدنا
ثاني يوم اكعدت من الفجر وبديت اشتغل وعمامهم وخواتهم كلهم أجو  شوي واندك الباب  طلعو عائلة عمهم إسماعيل جايين من النجف والكل استقبلوهم وتسمع الضحك والسوالف خبصه
وسام اني وسام ابن اسماعيل عم نادين  عمري 20 رحت على المطبخ وشفت وحده حلوا كلش سلمت وهيه ردت السﻻم كتلها انتي شسمج كالت نادين كتلها انتي بت عمي موه كالت انت منهو كال اني ابن عمج إسماعيل نادين الولد امبين عليه حباب وبقى يسولفلي عن نفسه وطلع هو هم يدرس ترجمة إنكليزي وبقينا نتناقش وهوا ينكت على اﻻستاذ مالهم وصدك ضحكني سرى شفت وسام يسولف وي نادين وهيه تضحك  كلت اني اعلمج نادين وكعتي بيدي  رحت على فارس وجريته من أيده وكتله شوف الخاتون شلون تضحك وي وسام عود ليش ما تضحك وياك مثله
فارس شفت نادين تضحك وتسولف وي وسام عصبت حيل وحتى عيوني ما كمت اشوف بيهن