فصليتي بنت عمي

حقوق النشر محفوظة

فصليتي بنت عمي  //البارت  الرابع

الكاتبه //ندى الحساني

اندك الباب  وطلعت لكيت عمي  شافني ابجي وعيوني مورمات  كال ﻻ عمو ﻻ تبجين ادموعج غاليات  من كلي هيج شبكته وبقيت ابجي بصوت عالي وهو يبجي علي  بعدين كلي عمو عندي حجي وياج بس اذا ما تكدرين بعدين نحجي كتله ﻻ هسا احجي  كلي عمو سمعيني صح انو انتي ما الج ذنب بالي سواه اخوج بس اذا ما راح توافقين اخوج يذبحونه  واهلج هم راح يتاذون  وشوفي حال امج وهيه اتصيح أربع وعشرين ساعه باسم اخوج وقدري شيبات ابوج بعد هل العمر  كال عمو فكري زين بقرارج ترى قرارج يا أما ينقذ عائلة بأكملها أو يدمرها باكملها نوب تركني وطلع واني بقيت ابجي وأفكر شلون راح يضيع مستقبلي من جهه وحبيبي الي اتمنيت أكون وياه راح اخسره لو أهلي الي راح يدمرون  بسبب هل المشكله لو العذاب الي ينتضرني  منا لمن نمت واني ابجي وأفكر اكعدت العصر  واخذت قراري نزلت ولكيت والدي وعمامي كلهم كاعدين  رحت كعدت مقابيل ابوي وكتله بابا اني موافقه اروح أهم شي يطلع اخوي من السجن وما يصير عليه شي  ابوي كعد يبجي اول مره اشوف والدي بهل الطريقه يبجي  كتله بس عندي طلب واحد انو من اطلع من بيتك ما تحسبني ميته من كتله هيج ضمني لصدره ويمسح  بيده على راسي ويبجي كال سامحيني بنتي ﻻنو ما بيدي شي  اسويه الج  ورحت بعدين لغرفة امي شفتها تبجي وتندعي حطيت راسي بحضنها وبقيت اشتم بريحتها راح  اشتاقلها هواي وراح انحرم من هذا الحضن  شكد صعبه لمن تترك أهلك بهل الطريقه وانت ما تعرف مصيرك  بعدين رحت على  غرفتي وفتحت تليفوني  اتصلت على هيثم ﻻنو ما اريده يسمع من غيري وما اريده يحس انو اني  خذلته  الو حبيبي الو ياعمري  ها شلونج  كتله مو زينه وبديت ابجي  وكتله هيثم سامحني ﻻنو ما راح أكون الك  هيثم هاي انتي شنو جاي تحجين وليش ما اصيرين الي  سولفتله الي صار  وهو بقى يبجي بالتليفون  واني احس روحي تريد تطلع  كتله حبيبي راح تبقى بكلبي ﻻ خر نفس بيه سامحني الضروف أقوى مني كال ديري بالج على نفسج اميرتي  احبج  واني هم أحبك  وسديت الفون  احس اختنكت شكد اتمنيت يرجع الزمن بيه  بس  ما راح يرجع بعدهي دخلت اختي لغرفتي  وشبكتني  وبقت تبجي واجت مرت خوي  هم  نوب كعدن يحضرن بامﻻبسي  ومرت اخوي جابتلي كلبيه كلتلي ترى هما ما يقبلون بلبسي هذا   فارس  اتصل عمي من مرت جدي اﻻولى وكال  باجر  انجيبه الكم   نادين  صار  ثاني  يوم  الصبح  لبست  وقبلها قررت انو مستحيل  أخلي ادموعي اذلني  وما راح اسمح لحد  منهم يشوف ادموعي  راح  أكون قويه  وارفع  رأس ابوي  صح اني  خسرت حبيبي ومستقبلي وأهلي  بس ماراح اخسر كرامتي  انزلت  ولكيت أهلي كلهم ينتضروني  كتلهم شنو ماكو ريوك  كتلهم هذا آخر يوم  ﻻزم  نكعد سوي صدك كعدنا وحطينه الريوك  بس الكل كوه ياكلون  وما  حجينه أبد مو مثل قبل بعدها عمي كال يﻻ بنتي ﻻ نتأخر على الجماعه  وادعت أهلي واحد واحد  وكلهم يبجون بس  اني  سيطرت على نفسي  ﻻنو وعدت نفسي ما تنزل دمعتي واضعف  صعدنه بالسيارة نص ساعه ووصلنا لبيت مثل القصر بس هذا القصر راح يكون سجني نزلت واني كاضه ابيد عمي دخلنا  وبعدها دخلونا لغرفة  وبيها  ولد  والشيخ الي راح يعقدنا وعمي آبراهيم  أبو زيد  بس قبل  ﻻ  أدخل لبست نقاب عقدنا الشيخ  وخلص  واني  ما رفعت راسي  وباوعت  جنت كرهانه كلشي  بهذا البيت  طلع  الشيخ  والولد  وعمي  وصا عمي  براهيم علي  وادعني  وراح  صاح عمي  براهيم  لوحده اسمها  أم  عباس اجت  واخذتني دخلتني للصاله  وجان بيها  نسوان  هواي  وحده اتقدمت  الي  وانطتني  راجدي احس فرت راسي  وهنا كلهن التمن علي  وبلش الضرب كمت  ما اعرف منين يجي  بس  أبد ما طلعت صوت  وﻻ نزلت دمعه مني  شوي  وبعدن عني اجت أم عباس كومتني  واخذتني  اغسل ﻻنو خلن راسي وخشمي  ينزفن  دم ودخلتني للغرفه