ميمر الاماره
كاظم الاماره
عالميمر اوعلميمر اوعلميمر
اسمع كلام الاماره وتفَكر
كلمن غدر بهواه ما حبيته
لو بالوعد ينساه ما حبيته
طبع الاخير اوياه ما حبيته
عالن حرب وياي والله اليستر
ميمر ميمر
من تبتسملك دنيتك تتحذر
----
درب الهوى كلش خَفي دَليني
لو شفت كلبي المختفي دليني
وين الكه بالدنيه وَفي دليني
حتى الملح بالناس شو ما غَزر!
ميمر ميمر
هالدنيه كلهه اتزول لا تتحصر
---
لاكاني عين ابعين ما حاجيته
ساركني من يومين ما حاجيته
ماخذ دليلي وين ما حاجيته
مابيه أصد لعيونه لمن تخزر
ميمر ميمر
لو بالهوى طَبيت لازم تخسر
الشاعر كاظم الاماره
