.... اعتذر على نقطاعي المفاجئ
صار عندي ضرف صعب وماكدرت اتواصل وياكم
........................................
...............................
.....قرو للخير راح تنال عجابكم
من يدگ شباچكم عصفور
والدنيا مطر
گولي محبوبي إجة وحلي الشعر
من تجي نسمة خفيفة تناغي بزلوفچ خجل
گولي محبوبي برد
گولي محبوبي گعد
اشاه يافي الگصيبة شچم شمس بردانة تدفة على سدك
چم نهر خدران والشهوة نوارس حطت اسراب على حدك
ردي بفراگچ صرت گاع النجف ميت برد
ردي بفراگچ الدنيا الوانهة انترست چذب
موناليزة وشخبطتهة دموعي بعدچ ماكو دافنشي اليروحلهة ويرد
خلاف عينچ كلشي باهت
حتى طعم الموت باهت
لاخسارة ولا ربح
خبزة امي وچلمة اليمة صباح الخير مابيهة طعم
الدنيا محتاجة ملح
سامحيني محلفچ بخل الصبح
واحلفچ بحر الظهاري وكل مواعيد الصبح
سامحيني بداعت اول كلمة كاتبلچ احبچ
ذابهة ابابچ حرز
ردي لية ..
بية تقوة ملك ماشاف الاثم مرة بحياتة
طلگ جناحة لجل يمشي على دربچ
اشتهيتچ ..
بية حسرة عانس بزفة اختهة
بيدهة تصفط غطاهة وتحلم بليلة عرس
من افك بيبان قمصاني القديمة الگة عطرچ يلعب بنصهن مثل طلاب ومكيفين
ماعندهم درس
صوت عطرچ يترس الغرفة بلابل
ويترس عيوني سهر
صوت عطرگ يگلب اللحظة شهر
يگلب النشغة مطر
يگلب ايامي صفر
ياترافة شمس من تغيب تتوضة بنهر
سامحيني الدنيا ما تسوة زعل
الاجل واگف مثل وحاش ديرتنا القديمة متاني يكتلني الخجل
سامحيني
سامحيني.
