احتويني ولا تخسرني

البارت التاسع

الكاتبه #خيــــﺂݪ أݪقــــمݛ

احتويني ولا تخسريني

البارت التاسع

الحجيه طيبه:رجعت من المستوصف وبيدي التحليل
الطريق كله ادردم عليها ،اوف من سوالفج نجوان متبطليها والله كله من وز امها اكيد
شراح يخلصها من حسام
نجوان:ها خاله شنو
الحجيه:بنتي انتي حامل بالشهر 3 مبروك وبالتمام
هند:مبروك حبيبتي بالتمام
نجوان :الله يباركلكم ان شاءالله ،يوم الج هنوده
نجوان:خاله فدوه ماريد حسام يعرف خليها الما تكبر بطني لان هو بلا شي يزعل 24 ساعه ويريدله حجه يعوف البيت ويطلع
حسام:رجعت من الدوام وحاره وقبل لا اوصل خابرت نجوان (صارت عدنا مبايلات)
نجوان اني دايخ حضريلي الغرفه ونيمي الجهال جوه يمكن مرتفع ضغطي
اي حبيبي ادلل من عيوني
نجوان:رجع حسام وتغده وصعد نام واني نمت جوه ويه الجهال
حسام:كعدت العصر على صوت التلفون ..خالد ديتصل حجيت ويا ونهيت المكالمه،
صفنت بداخلي وكلت فرصه هاي بلكت نجوان تهتم بيه وبنفسها وترجعني الها
نزلت اشرب جاي
حسام :نجوان وينج سويلنه جاي وحطينه شي ناكل ويا
نجوان: اي عيوني هسه ثواني يمكم الجاي
نجوان:طلعت كليجه من المجمده وحميتها وسويت جاي والبان وحطيته والتمينا كلنا العصريه بالهول دنشرب جاي
نجوان:اباوع على احمد شلون يوكل هند ومداريها واني كاعده بجهه وحسام بجهه
حسام:اكلك يابه هسه خابرني خلودي والخميس راح يسافرون واني راح اعوف غرفتي وغراضي بس ناخذ ملابسنا وراح نروح نكعد بيتهم
نجوان:هاي شنو شو ولا حجيت
حسام:هسه خابرني وحجيت،ثانيا شعليج انتي ، عليج تنفذين
هند:بيني وبين احمد ،تره حسام محلو تعامله ويه مرته فد مره عنفه
احمد:والله جان مدللهه دلال  ويحبها بس هيه ثوله معرفت تكسبه ثولته ثول بالجهال وهو جان محذرها وكايللها
هند:ياا خطيه..بداخلي (من هيج خطيه تخاف تكله حامل)
حسام :شربنا الجاي(ام آيه) وصحت نجوان للغرفه
نجوان:ها حبيببي رايد شي
حسام: احنه راح نطلع نعيش وحدنه اذا متدبريها وتشوفيها صعبه كولي حتى لانروح ولاشي
واني عود اشوف حارس ثقه اكعده بالمطبخ واقفل البيت كله
نجوان:لا بالعكس ماعندي مشكله
حسام:ديله لعد كدامج يومين حظري الجنط حتى نروح الخميس ،واني طالع وبالليل ارجع
نجوان اكلج مو ارجع الكاج نايمه من 8 مثل الدجاج انتظريني
نجوان:كملنا العشه ولملمنه المطبخ اني وهند واخذت البنات وصعدتهم غسلتلهم وبدلتلهم وناموا ساعه9 واني سبحت ولبست دشداشه كصيره ودكلب بالتلفزيون وفاتت عليه هند
هند:نجوان كلش فقيره ومن اهل الله وانقهر عليها ..واتمنى اساعدها ،كتله لااحمد شويه وارجع
هند:خو مو نايمه
لا وين انام منتظره المسلسله وحسام كلي انتظريني
هند:نجوان بربج هاي الدشداشه تنامين بيها يم رجلج
نجوان:شبيها نظيفه توني سبحت ولبستها
هند: ومنو كلج وصخه ادري نظيفه،
غير تلبسين نفنوف نوم مشخلع وتحطين مكياج صارخ وعطر قوي علمود تسطرين الرجال وتثولي
نجوان:عزه والله استحي يمكن ملابسه مال النوم بس بالعرس و وراها كم مره ،استحي والنبي
هند:ليش انتي نايمه ويه رجال من الشارع ..مو نايمه بحضن رجلج حلالج
هند:لج بابا الرجال كلما تهتمين بي يحبج ويتعلق بيج..دكومي شوفيني شنو عندج ملابس حتى اختارلج واحد
نجوان:يبو شبيج اليوم متعوفيني وتروحين على رجلج مو احسن
هند:لا مو احسن وما عوفج..تدرين انتي هوايه غشيمه وعلى نياتج
شو وخري خل اختارلج شي بي خير
لج هذا الابيض يموت البسي بربج
نجوان :صخام لو اموت هذا لبسته بعرسي وفوكاه روب وميته خجل ،النوبه وحده
هند:والله اذا ملبستي ازعل منج وماحاجيج ابد
نجوان:راح البسه
هند:يله كدامي لبسي
نجوان:لايولي حرام وعيب
هند:راح اندار وانتي بدلي وذبي عليج روب
نجوان:لحظه ،يله نداري كملت
هند:خرب عرضج وين ضامه هالحلاه..يولي ديري بالج على رجلج تره العيون عليه
هسه كعدي دالعب بجهرتج شويه قبل ليصيحني احمد
هند:شوفي بالمرايه بله تعرفين نفسج لو لا
نجوان:هههه هاي منو ،معقوله اني
هند: اي انتي خاتون شوفي شلون خلقه وشلون شعر راح اروح اجيبلج عطر مني واجي
وخري خل ارشلج العطر
نجوان:مو تبالغين ماحب العطور
هند :وخري بابا حتى على رجليج ارش، اليوم اسبحج بيها..
يمكن اجه رجلج انزعي الروب واني رايحه باي
نجوان :يمه كلبي يدك من الخوف شسوت بيه والله عبالك يوم عرسي
حسام:جنت طالع ويه شذى وتعاركنه وذبيتها بالبيت ورجعت..اني على الدرج جتني ريحه عطر عرفتها هند حاطته
فتحت باب غرفتي