الجــــــــزء الثــــامــن عشـــــــــــر..
ابتهال: بنات عندي لكم اقتراح جوناني..
مشاعل: بدا الخبال..
مدى: مو شي جديد..
ابتهال تطالعهم بنص عين:انتوا اذا سمعتوه بتحبون راسي...
مدى: هاتي ما عندك..
مشاعل تستنى ابتهال تتكلم..
ابتهال صفقت بحماس:ايش رايكم نروح زواج لطيفه بنت جيرانا..حرام الفستان طلع قدي.."وفجأه نطت في حضن مدى"...تكفين تكفين مدى وافقي اللخ يخليك...
مدى اخترعت منها: ههههههههههه بعدي بعدي عني بسم الله على قلبي طيرتيه..ما ادري قولي لمشاعل..
لفت ابتهال على مشاعل: ها شعول..نروح؟؟
مشاعل نفسيتها تعبانه بكره عندها يوم حافل وتحسه ملياااان احداث بتعور قلبها..
ابتهال لزقت فيها: شعوله...ادري ما انتي رايقه لي...بس والله راح ننبسط وتغيرين جو..
مشاعل طالعت مدى...ومدى ردت عليها بأبتسامه مشجعه...
مشاعل رجعت تطالع ابتهال: كيفكم...ما عندي مانع..اصلا البلاوي فينا فينا..كنت جالسه في البيت ولا طالعه ..على الاقل اطلع وأوسع صدري هههههه
ابتهال ضمتها بقوووووووه: يا حووووووبي لك يا احلى مشاعل في الدنيا..يارب يارب تاخذين سلطون.."وانحاشت"
مشاعل استحت من مدى وصرخت: ابتهاااااااااااالوه خلاص هونت..
ابتهال تصارخ من الغرفه: راحت عليك خلاص..روحي جيبي فستانك من بيتكم..
مدى: يلخ نروح انا وانتي نجيبه..
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&
دخـــــــــلت القـــــــــاعه..
وتطالع اللي فيها: رهام ..ايش هذا؟؟؟
رهام منصدمه: ما ادري!!
بنات لبسهم اقل ما ينقال عنه لبس...وبويات اشبه بالرجال..اصلا يصعب عليك تقولين عنهم بنات والشك يملا قلبك وخوف انهم عيال...
دانا بلعت ريقها: نرجع!!!
رهام لفت عليها ما تقل عن صدمة دانا: بصراحه توقعت شي اقل من كذا..لالا هذا الشذوذ بعينه...