الا ليت القدر

جزء 7

الجـــــزء الســـابع...

خفــايــا المــاضـــي..

ابتهال: بجد مدى كلميني..قولي ايش يبي منك؟؟

مدى بدا الخوف والتوتر يتسلل لقلبها: وانا ايش دراني عنه..

ابتهال: يعني ما سألك عن عنوان بيتكم..رقم تليفونكم..او لمح لك بشي..

مدى طنشت: ابتهال ايش فيك صايره كانك مشاعل..لاما قال شي..ما اتوقع جاء عشاني..اتوقع عنده سالفه..

ابتهال بنص عين: اجل عشان مين؟؟..لا يكون لمحني في الباص واعجب فيني..

مدى طالعتها باستحقار: ما ودك تبلين العافيه..وتقومين تحطين اذنك على الباب عسى تسمعين شي..

ابتهال قامت وحطت اذنها: ساكتين..او يتكلمون بصوت واطي.."وقربت اذنها اكثر"..لالا شكلهم ساكتين..

************************************************** ****************

سلطان يطالع ضاري اللي بان عليه الارتباك من لما شاف ابوه..

:يا هلا والله ومسهلا..هذا ابوي..

ضاري ابتسم وعرف قصد سلطان: هلا هلا..احم..والله ماني عارف كيف بأبدا بس بأبدا..

طالعهم شوي لاحظ انهم ينتظرونه..وكمل:

والله يا ابو سلطان انا جاي لك انت مخصوص..انا من قريب بس..مرني اسم عائلتكم الكريمه..اللي هي تحمل نفس عائلتي..

ابو سلطان رفع عينه على ضاري..وكأن الشكوك بدت تتأكد له..والذكريات صارت مثل الصور تمر عليه..

ضاري لاحظ ردة فعل ابو سلطان وقرر انه يكمل ويتشجع :والاهم من هذا كله نحمل نفس الجد..

سلطان وعلى راسه اكبر علامة استفهام:يعنـــي؟؟

ضاري وجه كلامه لسلطان: يعني احنا لنا نفس الجد والعائله..

سلطان لف على ابوه اللي حس انه ضاغط على اصابعه وشوي وتدخل اظافر ايده بكفه..

وتكلم بهدوء: انت ولد حمــــد؟؟!!

ضاري وسلطان كل واحد صدمته ما كانت اقل من الثاني سمعوا طيحة كاسات الشاي في المطبخ..لفوا على بعض..

وسلطان يبي اجابه من ضاري عشان يأكد الكلام اللي قاعد ينقال..

ضاري: ايوه انا ولد حمــد..

وقف ابو سلطان وشياطين الدنيا على راسه: لا بارك الله فيك ولا في ابوك..اطلع برا بيتي..اطلــــــــــع..