الفصل الثانى (قلب مقبوض)
أصبح الظلم مبدأ حياة.
أصبح العدل مصدر أهاات.
أصبحت الحفيقه مقيده
وصوت الحق مكتوم ولم يعد به نقتضى.
براء
...........................................
فى مكتب قاسى
رقيه السكرتيرة⬅أوامر حضرتك يافندم
قاسى⬅هاتيلى ملف صفقه الملابس بتاعه الشركه الاروبيه. واطلبيلى الأستاذ رأفت المحامى على مكتبى حالا
رقيه⬅حاضر يافندم اى أوامر تانيه
قاسى⬅لا اتفضلى انتى..........
بعد عدة دقائق دلف إلى مكتبه رجلا فى نهايه عقدة الرابع.يحمل هيئه الوقار والبشاشه.
رأفت⬅حضرتك طلبتنى
قاسى⬅اتفضل اقعد يا استاذ رأفت.
رأفت⬅شكرا
قاسى⬅بص يا استاذ رأفت انا عايز سكرتيرة شخصيه تكون معايا فى كل مكان سواء اضطريت اسافر تكون جاهزه للسفر وتكون فى كل مكان انا موجود فيه تنظلى مواعيدى ومقابلات العمل.وأهم حاجه تكون محل ثقه هااا.
رأفت بتعجب⬅طيب ورقيه
قاسى⬅هتفضل مكانها بس زى ماقلتلك فى صفقات ومناقصات بتحتاج السريه. وياريت لو يكون حد من هنا من الشركه لأن مافيش وقت ننزل إعلان.حد يكون محل ثقه.
رأفت⬅انا هعمل إلى عليا يافندم.
قاسى بأمر⬅بكره تكون موجودة على مكتبى
رأفت بصدمه⬅بكره ازاى حضرتك دى محتاج وقت عشان
قاسى⬅اتفضل على مكتبك وبكره السكرتيره تكون موجودة عندى.
رأفت بخجل⬅تمام يافندم بعد إذنك.
............................
فى قسم الشرطه وخاصه فى مكتب اللواء جمال
خالد بغضب⬅يعنى ايه حضرتك انا متوقف عن العمل لأجل غير مسمى.
اللواء جمال⬅دى الأوامر ياسيادة النقيب.
خالد بنفاذصبر ⬅طيب اعرف ايه الذنب إلى انا عملته يوقفنى عن العمل.أظن من حقى اعرف.
اللواء جمال بشفقه على حاله خالد⬅بص يا خالد انتا زى ابنى وانا هكلمك بصراحه كان فى قضيه انتا كنت ماسكها من فترة واتقبض فيها على ابن مهرب مخدرات كبير.
خالد⬅ايوا يافندم بس ايه علاقه القضيه دى بقرار وقفى عن العمل.
اللواء جمال⬅تاجر المخدرات دا علاقته وصله بناس فى الداخليه.وللأسف غير معروفين.أظن كدا الرؤيه وضحت.
خالد بصدمه⬅طيب والقانون انا ايه ذنبي انى بطبق العداله.ايه ذنبى ان فى ناس فاسدة فى وسطنا بيشتغلو معانا تحت مسمى رجل قانون و حامى البلد.
اللواء جمال⬅اهدى يا خالد انتا تتفضل دلؤقتى تروح ترتاح وتسيب عهدتك (يقصد المسدس)
ولو فى حاجه جديدة حصلت انا هبلغك بنفسى.
خالد بخيبة امل ألقى التحيه العسكريه وغادر المكتب بل القسم بأكمله.
......................................
فى شركه القناص
فى مكتب يحوى عددا من المكاتب يجلس خلفهم عدد من المحاسبين.
رن هاتفها لتنظر إلى المتصل بتعجب.
غروب⬅ألو
خالد⬅
غروب بتعجب ⬅الوووو خالد انتا معايا.
خالدبحزن⬅غروب انا اتوقفت عن العمل.
غروب بصدمه⬅يعنى ايه انا مش فاهمه حاجه.
قص خالد لها ما قاله اللواء جمال
غروب بحزن⬅حسبى الله ونعم الوكيل ربنا المنتقم معلش ياحبيبى قدر الله وما شاء فعل لعله خير
خالد⬅ونعمه بالله بس ايه الحل ياغروب انتى عارفه الشغل دا كان مهم ازاى بغض النظر انه هويتى وكيانى دا مهم عشان نعيش دا مصدر قوتنا
هجيب فلوس منين دلؤقتى لعلاج بسام بتاع القلب ومصاريف بدور للكليه.أستغفر الله العظيم
غروب ببكاء⬅طيب صلى على النبى كل حاجه هاتبقا بخير والله.انتا روح ارتاح وانا خلاص خلصت شغلى ولما اجى البيت نبقا نتكلم وهتدبر والله...............
أغلقت غروب الهاتف لتحمل حقيبتها متجهه إلى خارج الشركه بعدما انتها دوامها.......
ظلت تسير فى الشارع بدون هدف كانت تبكى بحرقه خوفا من ما هو قادم فلأول مره بعد وفاة والديها تشعر بأخيها فى تلك الحاله من الضعف والانكسار فهو دائما مرتديا قناع القوة والقسوة فقط ليحميهم خوفا عليهم من فساد المجتمع ومن ظلم وجبروت أفراده ولكنها لم تكن تتوقع انه اول من سيقع ضحيه هذا المجتمع الذى ظل طول عمره يحميهم من بطشه.
............................................
كان يقود سيارته متجها إلى القصر.لتأخذه الذكريات الى حيث ماضى أليم.
فلاش باك
قاسى بصدمه⬅يعنى ايه احنا ماننفعش لبعض يعنى ايه هتتجوزى واحد غيرى كل دا ليه يا مريم انطقى.
مريم بتأفف⬅قلتلك احنا علاقتنا انتهت لحد هنا.انتا مش هتقدر تعيشنى العيشة إلى انا عيزاها بس العريس دا هيقدر يحققلى احلامى.
قاسى بعضب⬅والحب إلى كان بينا.احنا بقالنا 3سنين مع بعض وانا كلمت والدتى عليكى.
مريم بسخريه⬅ههه حب ايه هو الحب بيأكل عيش اليومين دول.بص ياقاسى انتا هتلاقى إلى يستاهلك بس انا وانتا ماننفعش لبعض سلام ....
ثم تركته باكيا مصدوما مكسورا ليقسم انه من اليوم لن يكون ضعيفا لن يبكى لن يكون فى قاموسه كلمه حب.ولا ضعف.سيصبح اسم على مسمى.
آفاق من دوامه ذكرياته على اصطدام سيارته باحداهما وتجمع الناس حول هذا الشخص.
YOU ARE READING
قلب مقبوض..بقلم براء السيد
Romanceفى إحدى الأحياء الشعبيه التى تدل على بساطه اهلها.فى ذلك البيت البسيط الذى يضم عدد من الأفراد قست عليهم الحياة لتجعلهم يذوقو مرارة الفقر واليتم.ولكنهم يحملون فى قلوبهم الصبر الكافى ليجعلهم أغنياء الروح................. على النقيض .فى إحدى المبانى الم...
