حتى اخر العمر بقلم امل عاطف

الفصل الرابع

روايه(حتى اخر العمر)
(الفصل الرابع)
***************************
جاسر بيه لميعاد مش هينفع انه يتاجل دى صاحبتي وملهاش غيرى ومامتها تعبانه اوى فى المستشفى ولازم اكون معاها لو سمحت بس النهارده

انتى فاكره نفسك فى شركه ابوكى مثلا تمشى زى ماانتى عاوزه وتيجى زى ماانتى عاوزه
مفيش اذن ولو مصممه يبقى اتفضلى بس مترجعيش هنا تانى.........

انصدمت هنا من رد جاسر ولثوانى تراجعت عن قرارها فى الذهاب الى كارما

ابتسم جاسر عندما راى هنا فى هذه الحاله
شايفك اترجعتى عن قرارك بسرعه
انا خارج ومش راجع تانى الشركه والاجتماع بتاع النهارده يتاجل لبكره الساعه واحده الظهر بلاغيهم بكده تمام

جاسر بيه ثوانى من فضلك
اتفضل استقالتى عن اذنك
هنا استنى هنا انتى رايحه فين
لم تجب عليه هنا وذهبت قاصده كارما
وفجاه جذبها اليه جاسر قائلا....
انا مش بنادى عليكى
سيب ايدى لوسمحت
وفى تلك الحظه نظر جاسر الى عيون هنا التى حين جذبها اليه امتلأت بالدموع
ليشعر ولاول مره بشئ لم يشعر به من قبل

عاوز ايه منى ياجاسر بيه عن اذنك
يعنى بضحى بشغلك عشان صاحبتك
ايوه مستغرب ليه مش كل حاجه ممكن تشتريها بالفلوس
دى مش صاحبتى دى اختى ولا يمكن اسبها وهى فى الموقف ده عن اذنك
تركت هنا جاسر وذهبت الى كارما لينظر جاسر ولاول مره لها نظرت احترام ولكن هل سوف ترجع هنا الى جاسر مره ثانيه ام لا...........
**********************************************
فى شركه ادم الدمنهورى
هاجر ادم بيه جوه
ايوه ياعادل ادخل بسرعه عشان عاوزك ضرورى
ربنا يستر
ادم بيه حضرتك طلبتنى
ايوه ياعادل تعالى
انا مسافر بكره اسكندريه عشان الصفقه الجديده اللى دخلها الشركه وانت اللى هتستلم الشغل فى غيابى مش عاوز حاجه تنقص والشغل يمشى زى ماانا موجود بالضبط مش عاوز ارجع القى الدنيا بيظه
حاضر يافندم ان شاء الله كله هيكون تمام
انا متاكد من ده ياعادل يلا اتفضل على مكتبك ومتنشاش اللى اتفقنا عليه
ان شاء الله يا فندم عن اذنك
خرج عادل لتسرع اليه هاجر
عادل:استنى رايح فين
فى حاجه يا انسه هاجر
لا بس متيجى نشرب حاجه ونتكلم شويه
نعم انا مش فاضى ورايا شغل كتير عن اذنك
طب هو ادم باشا كان عاوزك ليه اه
نظر لها عادل وقال ابقى اساليه وهو يقولك عن اذنك
ياساتر على دمك ياخى يلطش جاتك القرف فى شكلك
طب اعمل ايه انا دلوقت
لاهسافر معاه ولا حتى عرفت كان عاوز عادل فى ايه

قضاء ادم يومه فى انجاز ما هويمكن انجازه لعدم تواجده فى الشركه
وبعد مرور ساعات قضاه ادم فى تجهيز كل ماهو خاص بالصفقه كى لا ينقصه شئ نظر الى ساعته انها العاشره مساء
ياه انا اتاخرت ونسيت ريم خالص
لملم ادم اوراقه ووضعها فى الشنطه الخاصه به وهما بالرحيل
انسه هاجرانتى لسه هنا اتفضلى انتى
لا يافندم لما حضرتك تمشى
انا خلاص خلصت يلا اتفضلى
حاضر يافندم
رحل كل من هما الى مقصده
فى بيت ادم
داده انتى لسه صاحيه
ايوه يابنى مستنياك عشان اجهزلك العشاء
ريم نامت
ايوه يابنى نامت
اتعشت ولا لاء
ايوه اتعشت واخذت الدواء ونامت زى الملائكة
روحى انتى كمان نامى ياداده تصبحى على خير
طب مش هتاكل
لاء شكرا اكلت فى الشركه
تصبح على خير ياحبيبى ولو عزت حاجه نادى عليه
شكرا يا داده
ذهب ادم الى ريم ونظر اليها وهى نائمه وفى قلبه حزن شديد على حالها
اوعدك ياريم انى اخليكى تمشى على رجليكى تانى اوعدك انى مش هسيبك وهفضل جنبك على طول ياحببتى وطبع قبله على وجهها وتركه وذهب الى غرفته